#1
|
|||||||
|
|||||||
![]() الـــــــــبــــــــــدع عادل بن سلمان : = صحيح قول أسأل مجرب قبل ماتسأل طبيب= سر الحياه التجربه وسألني أنـا ياحسيـن= من عاش خارج ديرته ماله عن دياره غناه= مهما يكابر قد يكون نصدقه فيمـا يقـول= لكن وأن طال الزمن لازم يحـن لديرتـه= الـــــــــــــــــــرد حسين المالكي:= يوم انحدينا للدروب الفوت طبينـا طبيـب= نساير العالم ونتفاعل مع القـول الحسيـن= بعض السوالف تشغل القلب المغني عن غناه= وتجبره حتـى يفكـر بالتغـرب والنقـول= يدير هاجوسه ويلقـى مـن يحـن لديرتـه= الـــــــــبــــــــــدع عادل بن سلمان := الماء خفيف الوزن لكن محبسك يالما تعيب= والحب يذرونه ومحسن زرعته بلياف طين= ورغم ذلك له من العالم محبـه وشنـواه= والوادي اللي ماسكن به لانزول ولا حلول= حلفت ماطبه وروحـي عافتـه وشنيتـه= الـــــــــــــــــــرد حسين المالكي := المعرفه والطيب ما بين القبايل ما تعيـب= ترى البلايا تنتشر ما ترهب البليا فطيـن= الله يعلم وش رغب عادل بوقته وش نواه= ان كان عندك مشكله بالعلم انا عندي حلول= ولا يقل هذا ابن عمي وش معه وش نيتـه= الـــــــــبـــــــــدع عادل بن سلمان := هذا مدار الكون مابعد الشروق الا الغريب= واللي منصب عرزته بين النفل والرايحين= ماسكت العالم بعرفه والحجـر مافيلقـاه= والوافي اللي ندري انه مايغير فالوصول= ماعثـره بيـن الرجـال الا تحراجيتـه= الـــــــــــــــــــــرد حسين المالكي:= انته رفيق الجنب ما انته لا عدو والا غريـب= من روس دايم تحكم اشوار الوفاء والراي حين= كماك نتفاخر ونستبشـر ونرجـي فـي لقـاه= يلقى تراحيب المحبـه والمكـارم فالوصـول= وغيركم مـا انشـد عنـه والا اتحـرا جيتـه= الـــــــــبــــــــــدع عادل بن سلمان := حث الخطا ياصاحبي درب الشقا باقي نشيب= ولاتهمك سطوة الحراب بالماضي السنيـن= كم فارساً ماتعترف فيه السيوف المنصبـاه= وحسب حسابك لو تيسر طلعتك باقي نزول= والحكم عند أهل الحكم ماغيـروا حكميتـه= الــــــــــــــــــرد حسين المالكي:= اعمارنا لو وارده في وقتنا باقي نشيـب= نتذكر اعلاماً لها تاريخ من ماضي السنين= العمر ما يامن قضاء ربي ولا يامن صباه= لو قرت الدنيا لنا يا صاحبي باقي نـزول= يا من يشيل المحقره والغي روحك ميتـه= الــــــــــبــــــــــدع عادل بن سلمان := جبلي من المال الذي متوفراً ومريـع جيـب= المال مال الله ياللـي قـد خزنتـه بختزيـن= واللي تخبـى فـي ثيابـه لايغـرك بختبـاه= واللي هبالك فضل مازحزحك عن باب الفضول= ودك تحـارب مهجتـه وتـعـل مهجنيـتـه= الـــــــــــــــــــــرد حسين المالكي := عندي دواء للجن ما مثله دواء وامري عجيب= الله سبحانه وهبني في زمانـي بخـت زيـن= والا قليل المعرفه لو كان يرجي بخـت ابـاه= ادري بعادل شاعراً ماهو من اصحاب الفضول= يدري عن اسرار العـرب واتعلمـه جنيتـه= الـــــــــبـــــــــدع عادل بن سلمان := الا شريت من المزارع خل شرواك اللبيب= أحلامك اللي بهذلت بك والخلايق منيمين= نصيحتي لامن دعاك الود قل للـود هـاه= والحاكم أبو تاج في منصبه ويقول ويطول= من هيبته حتى وهو جالس ترى تيجيتـه= الـــــــــــــــــــرد حسين المالكي:= حلومي افهمها يبن عمي وشـرواك اللبيـب= واما انته احلامك تطاير من يساراً من يمين= ادري عن اعلام المداهى والدواهي والدهاه= ترى البلد محكوم والهيبه على عرضاً وطول= والجيش له قايد على جـال استراتيجيتـه= الـــــــــــــبـــــــــــــدع عادل بن سلمان:= قد عشت راعي مزرعه ياكثر حبك يالحبيب = أنـا عويـن أهـل الحصـاد أنـا معيـن الصابـريـن= وأبـوي فاتـح منزلـه للضيـف واللـي مـر جــاه= والتمـر منتـوج العقـل لايختلـف يـاهـل العـقـول= وعالـم الــذره فـنـي عـمـره عـلـى ذريـتـه= الــــــــــــــــــرد حسين المالكي := ان كان شتتنا الزمن يا كثر حبك يالحبيب= نصبر على مقسومنا ربي معين الصابرين= ونرجي الله ربنا اللي ما يخيـب مرجـاه= حلوا معي ذا المشكله ياربعنا ياهل العقول= وصاحبي ماهو معي قلبه علـى ذريتـه= الـــــــــبــــــــــدع عادل بن سلمان:= أذا دعيتوا يالنشاما مايسعنـا الا نجيـب= نوسم الغلطان وعلى راعي السو واسمين= قيدومنا يسرح ضحى والليل لو ياجي سراه= ويخوض ميدان المعارك مايخيلها خيـول= ويكمد الخصـام حتـى تهلكـه كمديتـه= الـــــــــــــــــــرد حسين المالكي:= يوم الحرايب والمعارك ما عسفنا الا نجيـب= تشهد لنا وقفاتنا والخيـل والسـواس اميـن= افعالنا تشهد لنـا فـي تهمنـا والا سـراه= انحن بني مالك رجال الحرب فرسان الخيول= الخصم يلقى الموت منا ما نقـل كـم ديتـه= الـــــــــبــــــــــدع عادل بن سلمان := لاتلتقيني بالشمايت مير عالجني واطيـب= أيدي على أيدك لو تعاونا سوى ياجي يدين= مكثر بدود الخلق والعاقل كلامه فيرضـاه= خلك مخيل يالمخيل لاتفـض البـد خـول= ولاتظلي رميتك فـوق الهـدف وتحيتـه= الــــــــــــــــــرد حسين المالكي:= نلقاك بأعلاماً تونس خاطرك قدراً وطيـب= والجود من عاداتكم من طبعكم يا جيديـن= يالشاعر اللي لوصرفنا كل غالي في رضاه= على بيتوت الطيب والجوده تفضل بالدخول= نـرد للغنـدور تسليمـه لنـا واتحيتـه= الــــــــــبـــــــــــدع عادل بن سلمان := حنا بنرمي فالهدف ماهو بشرط أنـا نصيـب= ونحن هواة الحرب ونسالـم لناسـاً مسلميـن= ونخاطب العالم بحكمـه والخواطـر منسمـاه= نقدر على هدمك ترى يالضلع الأعلى منت هول= والقايـد المكـروه تتفـرق بـلاش رعيتـه= الـــــــــــــــــــرد حسين المالكي:= انحن دعاة السلْم ما بين الدول ولنا نصيب= نسعى لتوحيد الهدف نسعى لجمع المسلمين= والله سبحانه مقدر حال خلقه مـن سمـاه= عن اهل غزه نسمع الاخبار واعلاماً تهول= ومجلس الامن المصايب والبـلا شرعيتـه= |
![]() |
|||||
المواضيع | المنتدى | اخر مشاركة | عدد الردود | عدد المشاهدات | تاريخ اخر مشاركة |
![]() |
محاورات شعراء المنتدى ( القصائد الجنوبية ) | 8 | 1981 | 08/09/2012 04:06 PM | |
![]() |
محاورات شعراء المنتدى ( القصائد الجنوبية ) | 10 | 1709 | 01/02/2012 03:11 PM | |
![]() |
محاورات شعراء المنتدى ( القصائد الجنوبية ) | 15 | 2323 | 31/01/2012 02:06 PM | |
![]() |
محاورات شعراء المنتدى ( القصائد الجنوبية ) | 12 | 3190 | 28/01/2012 06:16 PM | |
![]() |
محاورات شعراء المنتدى ( القصائد الجنوبية ) | 16 | 2353 | 25/01/2012 11:57 PM |
![]() |
#5 |
المؤسس والمشـــرف العــــام
![]() ![]() ![]() ![]() ![]() ![]() ![]() ![]() ![]() ![]() ![]() |
![]()
عادل سلمان - حسين المالكي
صحت السنتكم وابدانكم على هذه المحاورة الاكثر من رائعة |
![]() ![]()
•
رحلة في ذاكرة الشاعر جريبيع رحمه الله
• أهالي رباع : الخير في مقدمكم يانسل الكرام ( عكاظ ) • رسائل واتس اب جديدة كل يوم .. شاركونا بكل جديد ![]() |
![]() |
#6 |
![]() ![]() ![]() ![]() ![]() ![]() ![]() ![]() ![]() |
![]() الله الله كلام يجمل ورائع
صحت الاللسنه وتعافت الابدان لاكن ودي اعرف ليش بن سلمان حضوره قليل للحفلات مع الرغم انه شاعر قديم وقوته بالمجالس تختلف عن قوته بالحفلات انا شاهدت كذا حفله له وسلامتكم |
![]() ![]() |
![]() |
![]() |
|
, , , , , , , , , , , |
|
|
![]() الإعلانات النصية ( أصدقاء الأكاديمية ) |
|||||