الشيوعيه

سمّـــــــــار......بدع=
قبل من سبعين عام ان الشيوعيه بدت بالروس=
قام منهجهم على الالحاد ومنع الملكيه الفرديه=
واشتراك الناس في الارزاق والاملاك والسكون=
ما لمخلوقن خصوصيات حتى العائله شركيه=
اخلفوا فطرة بني آدم فلا حشمه ولا تقدير=
واتبّع بعض العرب فكره وجابوا البعث والقوميه=
لين صاروا يقتلون الناس في الشارع بليّا اسباب=
وان عند الغرب منهج راسمالي ما يقر العطفا=
يمنح امواله لكلب ولا يعين انسان بهلله=
قسّم العالم الى أول وثالث ما حسب بالثاني=
ياتربّح بالربا ومعامله يمتص من دمه=
راح حزب الماركسيه والشيوعي واشتراكياته=
والربا واهل الربا والراس ماليه مع آثره=
يالله انك عزّنا بالدين دين الحق دين محمد=
والتكافل والتراحم والموده صلب ديننا=
سمّـــار.....رد=
قال سمّار الجُن اللي في البحر عامت بدت بالروس=
ما افزعتنا والرديّه لو تظلي روسها الف رديه=
اقرأ م الوحي المبارك سورةٌ وابيشرد السكون=
ما ذبحنا كبش للقربه ولا نعمل بدع شركيه=
ما يضلّ اللي هداه الله رب الحكمه والتقدير=
اعرف انا العود وانا ابركه لو هو همّ بالقوميه=
واقدر امضي به قصيف الدرب وافتح له الى ايس باب=
واقدر ازرع دخن فوق الاسترالي والذره في العطفا=
واعرف القا الحزم حزم ولا لنا باعلام بهلله=
والذي في خاطري بابث له من حزننا بثّاني=
ما بغا الا انه يشمّت بي ومثلي معه ما اندمه=
غير تبنا من زمان اجدح بنا الكي وش ترى كيّاته=
كلّ ما نِكْبِر بناس الوهمه جت وهمه معاثره=
احمد الله ما ارتخى راسي ولي ميقاف دوم محمد=
ابعد الليشان والونعم يديه اتصل بديننا=

ما اقدر اقول الا الله عليك يا سمار

صح لسانك يا سمار على هذه المعلقه
والله يبيض وجهك

المشاركة الأصلية كتبت بواسطة سمنان

ما اقدر اقول الا الله عليك يا سمار

فالك السمن يا عيون سمّار
مرورك تاج ووسام...الله ما بقلبي لك
حبي وتقديري مع وافر الشكر لمرورك

المشاركة الأصلية كتبت بواسطة شايب العشرين

صح لسانك يا سمار على هذه المعلقه

والله يبيض وجهك

ويبيّض وجهك ما عندنا الا قطرة من بحرك يالشايب
تشرفت بمرورك وتعليقك....لاهنت

ثقافة عالية غنية عن التعريف صح لسانك وبدنك ملايين ياسمّار
الاشتراكية في روسيا .. الراسمالية في أمريكا .. أما الرباء فهو عندنا ...... وربا دبل هكذا يطبقونه في ساهر رغم ان المفتي حرمه والبنوك تسلخ في العالمين سلخ العمولة في الخارج 1 او 2 % وعندنا تتعدى الـ 10%

انا اللي مقدر اقول شيء يابو هاشم

هنا كلام لايصدر إلا من مثقف ومطلع مثلك
لأن ماكل من يكتب القصائد شاعر يعني لابد
من وجود مصدر ثقافي يغذي هذه الشاعريه

أنت شاعر ذو ثقافةٍ عاليه والدليل القصائد التي
نشاهدها ونطلع عليها لله درك يابطل وصح لسانك

الله عليك ياسمار ...

صح لسانك عدد مافي روسيا من شيوعيه

لاهنت ولافض فوك يالغالي شاعر جزل وكلام محبوك ..

صح كلك يا سمار
أبداع لله درك ولنا دررك
تقبل تحيتي
ترانيم

الله الله يا سمااار
صح لسااانك ملايين
بدع ورد من الوزن الثقيل