بطاقة عرسها

جاها النصيب وعلمونـي بالاخبـار
ولاعاد عنـدي غيـر ازف التهانـي

ياليتهـا تنسـى المحبـه وتخـتـار
زمـان غيـري لاتـدور زمـانـي

سمتني الطرقـي علشـان الاسفـار
اجي لها من شاطي الشـرق عانـي

في حبها ذقـت النكايـر والامـرار
واللي وطا مجنـون ليلـى وطانـي

كم مرة ٍ لعيونهـا دسـت الاخطـار
وارخصت عمري يوم ربي وقانـي

ماطعت من هو شار في خير الاشوار
اللـي عـن دروب المـوده نهانـي

الموووت قدامي علـى سكـة النـار
والنفس ماترضى طريـق الهوانـي

لا شـك تدبيـر الليالـي والاقـدار
راااااحت وانـا سلـم القبايـل حدانـي

عندي خبرها تتـرك الـدار لديـار
وانـا مكانـي ماتغـيـر مكـانـي

اما الزمان اللي تعشمـت بـه جـار
والا ان حظي عن هـواي احتدانـي
والله ماكنـت اتكـلـم بـالاسـرار
لولا القهر غطـا سمـاي وغشانـي

علي اصد ويكفـي النفـس ماصـار
يكفي علي من الظـروف امتحانـي

ادعي لها الله دايمـا ً سـر وجهـار
تلقى سعادتهـا مـع انسـان ثانـي

اليوم ابحـرق لاجلهـا كـل تذكـار
كل الرسايـل والصـور والاغانـي

واحرق بطاقة عرسها ضمن الاشعار
وارضى بمـا قـدر عليّـه وجانـي

واقول.. ياقلب العنا خـل الافكـار
وانسى السنين اللي تعـدت عشانـي

للشاعر مشعان البراق

قصيدة جميلة ومؤثرة جداً
أختيار جميل أختي بسومة
تقبلي سلامي وخالص أحترامي
آمير الكونـ

قصيده مؤثره
تسلمي على النقل
وصح لسان الشاعر
والله يعين اللي يحب يذوق عذابه

بسمة امل
اختيار رائع سلمت يداك يالغلا

بكاااااء
قصيدة اكتر من رااااائعه ومؤثرة يسلموووو الايااادي
بسمة امل على الاختيااار الراااقي
ودي لرووحكك

الاخ امير وملك والاخت لؤلؤه واموره الله يعطيكم العافيه على التعليق واكيد المشاعر الصادقه مؤثرة الف شكر لكم ووورد

لا تحتاج الى تعليق
اتصاال هاتفي

يعطيك العافيه اخ زهراني والف شكر عالمرور والحمد لله عالسلامه

اشكركم جزيل الشكر

موضوع راقي وكتابة اضيلة