تدرين لو كل الخلايق يصدون

[الهمس]

تدرين لو كل الخلايق يصدون=وانتي معي لاقول هذا كفايه
تدرين ياروحي بقلبي يدورون=الشوق واللهفه لحد النهايه
انتي غرام الهمس مسكنك الأعيون=وارموشه اتغطيك بشت وعبايه
انتي حياته فيك هايم ومجنون=غطى على مجنون ليلى عنايه
انا اشهد ان القلب يا بنت مفتون=انتي رسمتي قصته والبدايه
انا رسمتك بالغلا حب وافنون=سويت نفسي كون وانتي سمايه
سويت لك في خافقي شي مضمون=لانك وفا كل الوفا يا شقايه
سويت لك في داخل الهمس مكنون=كتبت عاشقة الهوى لي كنايه
سريت افكر فيك ياكل ها الكون=وش لون اعيش ابدون خلي اوهوايه
سريت افكر فيك يا ساكن النون=احس بانفاسك شذا ياغلايه
بغيت اسلي خاطر خوف يدرون=ناسٍ معي وايبين سر الحكايه
بغيت اخلي الروح والقلب ينسون=واسرح بتفكيري واراجع صبايه
لقيت حبك سيف بالشوق مسنون=حتى وانا ناسي لقيتك معايه
لقيت بانك عالمٍ مابه اطعون=صافي يعطره النقاء والوفايه
شفت القمر يشكي على الشمس مغبون=والشمس تشكي له تراجع سنايه
شفت الكواكب كلهم لك يحيوون=كلٍ يقول من نورها جا بهايه

[أم رتيبة]

الله

الله اكبر

ابدع يا الهمس

واحساس راقي جدا

[عاشقة الصقر]

هذا رد بسيط على قصيدتك .. اللي والله توسم بالقلب وسمه ..



يا حظ من سكن قلبك يالهمس من دون..
ما يستاذن من قلبك ولا يطق بابه ..



وخل الحسودين يلفون ويدورون ..
ويسوون من غلا حبك حكاية ..



اثبت لهم إنك على الحب مجنون ..
وإنك على فرقا محبوبك جناية ..



نحكم عليك إن تركت حبيبك .. مـرهون ..
بسجن في قلبه لحد النهاية ..



عاشقة الهوى قالت لك قول ومفهوم ..
وراح نسوي لك من هالحب روايه ..




واااااااااااااااااافر تحياتي ..
عاااااااااااااشقة الصقـــــــــر..

[أحلـى]

****

الهمس لاتعلم اين اخذتني كلماتك لقد ذهبت هناااااااااااااك إلى ذالك المكان البعيد الذي يسمى الحب الذي يغلفه طهر العشق
لاكن نهايتها ودعت تلك المدينه لأني لااكاد اتذكرها اواراها الآن فلاتعلم بعمق سعادتي بعودتي لها وذالك بجمال كلماتك

****انتي حياتـه فيـك هايـم ومجنـون
غطى علـى مجنـون ليلـى عنايـه

سحرتني هذه الكلمات عندما قارنت حبك بأنه فاق جنون حب قيس الذي لن نرى بهذا الزمان مثل حبه فعلاًالحب الحقيقي يجعلك تسطر هذه الكلمات التي تندمج فيها احاسيسك وتخيلاتك لاكن اتمنى ان ابياتك لا تنطبق على مقولت ان الشعراء يقولون مالايفعلون يااااااااااااااااويلك مني لأن شعرك هذا روعه ومايصدر إلى من شخص له فالحب بصمه


تحياااااااااتي وتقديري لك

[علي السبيَه]

يااخي كلمت انت رائع قليله في حقك وكلمة انت شاعر قليله
في حقك لان الشعر نفسه استفاد من قصايدك قصايد لها طابع
خاص قصايد تلامس الوجدان وتخاطب القلوب لا يجيدها الا
شاعر مثل الهمس وبيني وبينك انا اشك انك ساحر لانك تسرق
كل من يقرا قصايدك وتسرح به الى عالمك المجنون اذا صح
التعبير ولا انسا ان اشكر عاشقة الصقر على ماكتبت من ابيات
وبعدين وينك العاشقه شاعره ولا ندري ولا حسب المناسبه
واسمح لي بهذا الرد المتواضع على قصيدتك الغرّاء
وتراه رد فوري على حسب ماجادت به قريحتي


الهمس له في عالم الشعر قانون........في كل بيت(ن) من قصيده روايه
خيّبت ظن اللي من اول يظنون...........وشلت بيدك لااجمل الشعر رايه
واهل القصايد من قصيدك يونون....وخذيت في باقي قصيدي عزايه
الهمس شعره بين الاشعار مامون.....والهمس شعره يعتبر فرض و أيه
نجوم شعرك تالي الليل يسرون........تشوفها حتى العيون العمايه
والناس لك ياصاحب المجد يطرون.....وان كان ماتحتاج منهم دعايه
تدعي ولك كل القوافي يلبون............ لك تنحني كل المعاني سوايه
بيت القصيد اللي نضمتاه مزيون......وشعرك ترا بين القصايد ولايه
فيه المعاني للخوافق ينادون........واحساسه المرهف للشواق غايه
على قلوب اهل المحبه يسمون......كلن يقول هي علتي هي دوايه
العون ياشعرن سبا الخافق العون....تبري قلوب اهل المحبه برايه
كن الحروف الابجديه يغنون.......وكن الغرام بداخل القلب تايه
باالهون يامن يسلب الروح باالهون....اشفق ترا قتل الخوافق عدايه
قصيد فوق المستوى مايجي دون.....ابتل منه القلب واروى ضمايه
لما كتبها الهمس والناس يقرون.....للذوق والتعبير والفن مرايه
سميت باالرحمن وابليس ملعون......وصلاتنا ع الي رسل باالهدايه

[الونيس]

صح لسانك
يسلموووووووووووووووووووووووووووووو

[لميـــــس]

رائعه جديده من روائع الهمس صاحب المزاج المتقلب

الله يسلم لك عاشقة الهوى وتبدع اكثر

تقبل مروري