" الــراس يــكــرم ولا يــنــهــان غــيــر الـذنـــب "

صح لسانك ملايين ياكناني قصيده قويه من شاعر متمكن

باعلمك كيف أمررها على أطلق شنب= وباعلمك كيف أخليها تجـي مبهمـه
الراس يكرم ولاينهان غيـر الذنـب= اللي يعّود صهيله فاللـزز همهمـه
والبدو لو بدلوا مركـى الشـداد بكنـب= طلاق من مخ ساقي ما تطيح أسهمه
والذيب لاجاع في راس الطويله قنب= عقْل مطاياك لاتسري لهـا درهمـه
لاغرك الوقت لاتكْثرمن أكل العنـب= مغْتر زمانك سرت يوم أقبلت مجهمه
عرّافة الدهـر ماقالـوا تنـب وتنـب= يا كثر ماقلت .. لكن قل ْ من يفهمه
ياسرع ماتسمع الصايح ليامـن طنـب= بالصوت لاعجز ما عيّن حدٍ يزهمه
لاصار تقبل صلاة إللي عليهـم جنـب= باكر تأم الفروض إللي لها سلهمـه
قل ْ قالها إللي يمررها على أطلق شنب= بتمر مثل الطلاسـم قصـةٍ مبهمـه