[you] ما هو الـــعطر المفضــل لديـــــــــــك ,, ابو مشاري

الله ربي وربك الحين مالقيت تسأل الا انا عن العطر
شوف تبغا الصدق والله لي اصحاب في شركة استيراد وتصنيع عطور اروح لهم
ويختارون لي عطر واحاسب واضرب الباب اما انا لو اجلس على اختياري فالله
يخلف وتراني احطها جنب بعظها واذا جيت خارج مريت عليها كلها كل واحد بخه
وتعال شوف امحق ريحه كوكوتيل من كل بحراً قطره. والاسامي لا تنشدني
عنها كل ما خلصت مجموعه رحت للشباب وعبو الكيس والدرب يا ماشي
بعدين واحد اثنين ثلاثه مافيه من خمس عطور وانت رايح وعينك ماتشوف
الا النور احياناً يوم تختلط مع بعضها تعطي ريحة بف باف ولا يبقا في الحاره
ولا نامسه تقول ويط.
اما العطر النسائي فوالله ما اعرف اسم ولا واحد فيهم اذ شميت
قلت الله وش ذالحديقه لكن للامانه عطور الصبايا اشمها روعه ماهي مثل
عطورنا اصحاب المصانع شكلهم يحطون في تركيبة عطور الرجال قاز والا ديزل.
والنسائي اسأل عنها رحاب الرحمن والغامديه هذي في اي بي اكيد خبيره بالعطور
وغيرهم من خواتنا الي موجودات بالمنتدى.
اما الرجالي فانشد علي السبيه انا اليوم شفته متنصص والثوب والغتره تصطفق
ومهوي(ن) عند غطا التانكي حق الصالون مدري وش يسوي؟؟؟!!!
ولك محبتي وتقديري