لا تاكل فيليه هامور ابدا‏

هههههه لا تستغربوا من العنوان بعد ما تخلصوا قراءة الموضوع راح تعرفوا ليه انا اخترت هالعنوان .

الموضوع فيه اكتشاف حصري ومفيد لجميع الشباب إن شاء الله لان السالفه حقيقيه وحصلت شخصيا ..

القصه كلها بدت الاسبوع الماضي , حيث ان واحد من الشباب ضرب على صدره وعزمنا على سحور , والسحور هو طبعا فيليه سمك هامور على الفحم يم يم الله ما احد يعوفه حتى اللي ما يحب السمك قال باكل خاصه بعد ما قال انه راح يتبله تتبيله مو طبيعيه جربها هو بنفسه مع الفيليه . المهم ما اطول عليكم مريت على خوينا علشان نروح ديك المزرعه اللي على طريق الجبيل حيث الهواء العليل . بس انا لا حظت ان السمك تحول من فيليه الى صافي و ميد , قلت افا وين الفليه قال اذا وصلنا وتجمعوا الشباب اعلمك . يادوب وصنا وانا موقادر ان اصبر ان ما اسمع السالفه اللي حرمتنا من الفيليه . ما جلس حتى هجمنا عليه , تنحنح شوي وهو يضحك قال قبل عشره ايام انا مريت بنده الا هذا اعلان عن سمك هامور فيليه مجمد ومكايس في اكياس حركات تدل على الترتيب و شغل مرتب والكيلو ب 10 ريال نعم كيلو من الهامور الخالص فقط بعشره ريال يقول انا ما شكيت لانه مكتوب عليه بالعربي كلمه كبيره تقول انه هامور , وحتى لو موهامور اكيد انه من الانواع الل تشبه الهامور . يقول انا اشتريت 3 كيلو ومعاي بعد شباب اشتروا نفس الكميه.رحت البيت وقلت للحرمه هاتي تتبيلتك الخطيره وسوي لنا هالفيليه , وفعلا الحرمه يوم شافته ما شكت واكلنا منه وهو يضحك . المهم رجعت بعد كم يوم لبنده و اشتريت 8 كيلو للطلعه . رجعت و اعطيته المره الله يجزاها خير علشان تبهره . وهي تشيل الاكياس انتبهت الى معلومات عنه تحت كلمة هامور . تقول المعلومات انه من انتاج فيتنام ومكتوب اسمه العلمي عليه , والاسم العلمي هو :


pangasius hypophthalmus



ايه وقلت لنفسي ليه ما اسئل العلامة جوجل و اشوف الصور حقه . رحت وطبعت الاسم وضغطت على الانتر وماهي الا لحظات الا و الطامه الكبرى . طلع السمك اللي مكتوب عليه هامور ما هو الا سمك حرام يعيش في الانهار ويسموه كات شارك فيش يعني سمك القطو القرشي يشبه سمك حرام عدنا يسموه تشم هنا بس ذاك اقبح . لا واللي اكثر من كذا انه يربى في الانهار بكثره لانه يقتات على يرقات البعوض . بعد صمت مطبق منا انفجرنا كلنا بالضحك و احنا نسئله و انت اكلت منه ؟؟؟؟ ههههههههه
هز راسه وقال ايه .


العبره من هالقصه الغش التجاري اللي حاصل عدنا , سمك حرام وكاتبيين عليه هامور هذا مو استحقار للناس . و الاهم يا جماعه انا اجزم ان معظم المطاعم بتشتري منه و بتسويه وجبات باسم فيله هامور . فا نتبهوا...

وهذه هي السالفه واتمنى ان لا اكون اثقلت عليكم في الكلام .

المصيبه ان كثير من أكلو من هذا الفيليه هم من أهل البحر وجيران البحر وماشكوا في انه سمك حرام . الحمد لله انا نجينا من هالفيليه. واللي يحب يتأكد بنفسه يكتب الاسم بالجوجل ويناظر الصور



منقول

ابد ابد يابو احمد لا تستغرب وهذا شي عاااااااااادي في عالم التجاره والغش

المشاركة الأصلية كتبت بواسطة ابو مشاري

ابد ابد يابو احمد لا تستغرب وهذا شي عاااااااااادي في عالم التجاره والغش

والله فعلا غريبة يابو مشاري بنده تبيع هذا النوع الرخيص على اساس انه فليه هامور كارثة

(((( احذروا بنده )))) :cupidarro:cupidarro

الله ياخذهم

واحنا شنو ذنبنا

عاد انا اموت في فيلية السمك







تسلم عل التحذير
عسى عمرك طويل

شـكــ وبارك الله فيك ـــرا لك ... لك مني أجمل تحية .

سمك حرام وكاتبيين عليه هامور

الحين انا مافهمت اشلون سمك حرااااام

واتوقع ان السمك واللحوم بشكل عام لازم نجيبها من اماكنها الخاص


صقر الجنوب
يعطيك العافية على المعلومات القيمه