قارعة جميلة

أحببت أن أطلعكم على هذه المحاوره التى كانت بين سامي بن عبدالله نظمي و خالد بن جلسه

١/سامي=
اسمنا ماهوب عاريةن والحاق دين.=
اسمنا معروف للناس من ماضي السنين=
والحدود مصيونه بالسراه وفي تهامه.=
من جبل عيسان حتى ورى دوقة لنا.=

خالد:=
وش علينا من جموع الطغاة الحاقدين=
يبشرون بضرب الأعناق بالحد السنين=
الخارج عن دين الإسلام يبقى في تهامه=
و الله ع اللي حاربونا و ارادو قتلنا=

٢/سامي=
لاتفكرنا من العالم المتلونين.=
لو شرحنا العلم نتخير من الشرح زين.=
ما على علمي رقابة حرس وام عس لامه.=
ماهنا قول يعيب ولا منكر هنا.=

خالد:=
الحزين اللي ورى زفرته يتلو ونين=
و المصيبه لا يكن ما هو امن الشر حزين=
انحن اللي ل كرهنا نقول مع السلامه=
ما رجينا من رجانا و لامن كرهنا=

3/سامي=
لاتنشد وش خاتمة هرجنا حتى يبين =
ودي لا قدمت كف اليمين القى يمين =
وانا ما ادور لفزعه من ايد مرصيامه=
حتى لوتلحق يمين المهاوش اذن بنا=

خالد:=
يا الله أقبلنا من العايدين التايبين=
و تقبلنا من الصايمين القايمين=
و السفيه اللي تغانت يده دمر صيامه=
لا تواخذنا على فعلته وش ذنبنا=

4/سامي=
لا اصبح زير الحرب ياصاحبي دنياودين=
لوتروح ارواحنا مانصدر مسلمين=
والله يالخصام الى طاح مايومل قيامه=
فعلنا مشهود ياذا تقل وش فعلنا=

خالد:=
يا الله سترك يا عظيم الرجا دنيا و دين=
نرجي واسع رحمتك عند بابك مسلمين=
يا الله أقبل صالح أعمالنا يوم القيامه=
يا شفيع الخلق يوم الحساب أشفع لنا=

٥/سامي=
انا مثل الناس لي منكب ن ومعي يدين=
من كثر ما جاني اعرف نوايا المنتوين=
واللي زادوا حبهم عن حبايبنا علامه=
مابيامن حبهم لين يامن حبنا=

خالد:=
الحبايب كلهم في رضا ومعيدين=
لكن انا وين يانور عيني وانت وين=
راح ماسلم وعيد ولا ادري وش علامه=
الله اعلم وين اراضيك يامن حبنا=

/

6-سامي=
شلت بيدي موس واحسبت حد الموس امين=
الله اشغلني بها والخلايق رايحين=
من سببها كن في جسمي ابوادي سقامه=
وانا ماني لامغفل ولاني خبل انا=

خالد:=
الزروع اللي لها في الحدايق موسمين=
أسقيها ما بين غرس النفل و الرايحين=
و النبته اللي خذتها من شجر وادي سقامه=
ما يراها الناس من حيد ما انيخ أبلنا=

٧/سامي:=
انشد اللي ذي السنه بارض مصر مصيفين=
في الحضارة والرقي عن بلدنا مصر فين=
واللي سافر مصر يخلط حلاله واحترامه=
خلك من ارض الكنانه وصيف عندنا=

خالد:=
وش لي من ناس ن عن الواجبات مصيفين=
عن دروب أهل الوفى و الجمايل مصرفين=
و اللي ما يدرى على العاقبه قل احترامه=
ما يجنب ع الفتن ما يصيف عن دنا=

٨/سامي=
مايوثر فيك ياقلب شتم الشاتمين=
الدعاوي عودت فوق روس المدعين=
وانحن يا اصحاب القضا والرشاده والحزامه=
لوتغيبنا عن الدار ياذي بعدنا=

خالد:=
اللي وثق في المعاني و في المنشاة مين=
أنت و إلا شخص فوق الهقاوي مد عين=
قل لمن جاكم و سكينته داخل حزامه=
وش لك من مصلوح في نجد يا ذيب اعدنا=

٩/سامي=
لأيد ابن ادام ظهر ياصاحبي ولها بطين=
وانا مالثمت وجهي سواة اللاثمين=
قول للمغرور مافي الوجوه الا وسامه=
كل ابوها واحد ان جيتنا وان سبتنا=

خالد:=
أنزل الأسواق و اهبط مع اللي هابطين=
و أن تثمنت السلع لا تشيل الا ثمين=
و الذي ما قد شرى المشلح الغالي وسامه=
ما نزل في سوق الأثنين و إلا سبتنا=

١٠/سامي=
ادري من الرايحين ادري من العايدين=
واللي يطعن في ظهور العدا يلقى طعين=
وانت ياجدي محل التميز والزعامه=
ع الجمايل والكرم والمزا روبيتنا=

خالد:=
اللي يوم العيد ما قالوا امن العايدين=
وش سبب هذا الزعل و الجفى يالقاطعين=
ما تشرهنا على من حمل كبر و زعامه=
نشره اعلى اصحابنا اللي م زارو بيتنا=

١١/سامي=
مانحن جهال ياخوك والا منعمين=
من فوق انف اللي يلكلك وفوق انف اللسين=
طالما انا وانت قادات وسيوف صرامه=
مالنا في نصب راس الوضيع مالنا=

خالد:=
اللي كانو قبلنا با لتجاره منعمين=
أصبحوا من سوق الاسهم كمانا مفلسين=
و المضارب طالما ما لقي كف الصرامه=
ضيع أموال الخلايق و ضيع مالنا=

١٢/سامي=
ارض ربي مجدبه والسما ربي عين=
ازفر وكن السكاكين بين المنكبين=
الله من شوق ن بقلبي ومنتلويع اضامه=
للذي شرق بنا ف الهوى وابحر بنا=

خالد:=
دق ناقوس الخطر ياعسى ربي يعين=
يمكن أن الخوف مما حصل لي منك بين =
صاحبي وش بك على صاحبك تلو عظامه=
لو خسرنا معركه ما خسرنا حربنا=

اقسم بالله انها من اجمل المحاورات اللي مرت علي توجيه عجيب في البدع واحكام اكثر من رائع في الرد ...

شعار كبار ..

ستمي نظمي ...... خالد بن جلسه

صحت الالسنه والابدان والعقول النيره وبيض الله وجوهكم وتحياتي الخاصه للشاعرين توصلها لهم يابو يحيى ..

واشكرك على نقل هذه القارعه الناريه لهؤلاء الشعار الكبار .. الف الف شكر تحياتي .

اشكرك على النقل الرائع

تقبل مروري

ابو يحيى
يعطيك العافيه
وصت السنت شعراء هذه المحاوره
كلام جميل ومحاوره رائعه وثنائي مرح
تقبل مروري وشكري

ابو يحيي


الله يجمل حالك ويسعدك علي نقل هذي المحاوره العجيبه الممتعه


صحت السنت الشعار الافاضل بيض الله وجيههم ووجهك

لا تقولون هذه المحاوره في حفله كسوكم من عشره الاف وتستاهلون اكثر
محاوره رائعه صح السنتكم وابدانكم ياشعار

كلام وقارعة رائعة الله يصح السنتكم ولاعنتوا

شكرا يابو يحي على النقل
خالد اعرفه شاعر كبير ومبدع وسامي هذه البدوع المحبوكة تجعلني لو اقابله اقبله على جبينه الف قبلة
الله يعطيهم العافية على هذا الابداع