الإدارة العامه للمرور .. نقآشكم .. حول تدبيل القسآيم .. واللي ضحيهـ يجييينآ ويشرفنـآ

واحد يقول :

هذا القرار المجحف نزل في شهر رمضان الماضي

وهو ينص على تدبيل القسائم كل شهر

حسبنا الله ونعم الوكيل

تخيلوا يا شباب كان فيه احد الشوارع كنت من يوم اعرف نفسي ادخل منه واخرج منه بالسيارة

طبعا هالشارع كان يؤدي في منتصفه إلى مدرسة ثانوية

المهم قبل فترة وضعوا لوحات عكس في بداية الشارع .. وأنا وغيري من اهل الحي عرفنا تلقائيا إن اللوحات وضعت بسبب الزحام الذي يتسبب به طلاب الثانوية عند حضورهم صباحا وخروجهم ظهرا ..

فمره من المرات في الليل بعد العشا دخلت من هالشارع وانا متأكد إن ما حطوا هاللوحات إلا للسبب إللي ذكرته سابقا

تفاجئت !!

لقيت قدامي تفتيش مروور سري

وربي العظيم اكثر من خمس سيارات بس بنفس اللحظة إللي دخلت فيها مسكونا كلنا وعطونا قسايم واحنا نصيح ونقول يا عالم يا ناس هذي حارتنا من يوم احنا صغار وندخل من هالشارع ونخرج وعارفين إن اللوحات عكس بفترة الدراسة من الصباح للظهر

قالوا بكل وقاحة : النظام نظام

سألت عن اسمه .. "ما كان معلق اسمه على البدله"

قال خير وش تبي فيه .. قلت بس ابي اسمك مو من حقي وليش ملزمينكم تحطوا اساميكم على صدوركم

قال بكل تبجح : ما لك صلاح !!

معقوله هذا تصرف رجل أمن

اتصلت على مدير المرور شخصيا وكلمته بالموضوع ويوم دخلت بالموضوع .. قال بكل كبر ونفخة صدر : اخلص وش عندك ؟!

إنا لله وإنا إليه راجعون .. وكأننا عبيد مذللين عندهم يدعسون على رقابنا وقسايم غصب عننا

عطيته الموضوع وقال اشوف لك الموضوع واشوف قصة هالعسكري وعطيته رقم القسيمة

الله لا يوفقه .. جيت بعد يومين لقيت القسيمة 500 ريال تسجلت ولا بعد شهر تدبلت القسيمة 1000 ريال

هذا الكلام قبل 5 شهور وعاد ما ادري كم وصلت الآن !!!!

حسبنا الله على الظالم

المرور مهمته الرسمية هو تنظيم السير في الطرقات والوقوف على الحوادث

لكن للأسف اصبحت مهمة المرور الرسمية هي حصد قسائم بأكبر قدر ممكن

ووضع الكمائن وكأننا في حرب ..

هذا واقع المرور عندنا

إلى متى هذا الوضع ؟! الله وحده أعلم

اشكرك اخوي من صميم قلبي على طرحك للموضوع المهم والذي وجدت فيه مرتعا لأفضفض عما في داخلي من القهر والحزن والأسى .

آآآآسف على الإطالة

تحياتي