يا لعن ابـو مــن ورّدك يـا هواتف نوكيـــا ..!(من يرد)؟

اصلا كلمة (نوكيا) مالها داعي ولا تنقال في قصيده

المشاركة الأصلية كتبت بواسطة الهجيــــر

صحت السنتكم
وانا وجهة نظري اذا تقبلونها ان في بعض القصايد ماهو لازم يجي لها رد
لانها تاخذ المعنى كله واحيانا تكون صعبه حتى على اعتى شاعر
وهذا اللي صار هنا

رد عاشق المها ليس على نفس الطرق من الأساس ما عدا البيتين الاخيرين

ان كان ودّك في سباق ٍ فـقـم لـلـبـرّ قـوم
الجـيـب لـكـزس يـاس فـالـبرّ قلنّا نو كيا
==
ينـتـشر بـيـن الـعـرب والـبشر طاريِّته
واعرف المعروف في بعضهم ما ينصنع

الابيات ليست على لحن واحد

((وطنطــن الجـــوال واثــر ان بطـــاريـتــــه)) ماهو على لحن باقي القصيده

اللي بيقول من انت والا وش دخلك تنقد بهواه
واللي بيقبلها كثر خيره
واللي يبغيني اقول صح لسانك وبس يبشر
كل شي ابشرو لكن دخيلكم في الضيقه لاحد يضيق

اما انا فاللي ينكتب في المنتدى انا اعتبره ملك صاحبه الخاص لين
ينزله في المنتدى ونقراه عندها يصبح ملك الجميع وللجميع الحق
في ابداء الراي
ورويتي لكم والسلام !!

يا مرحبا مليون باخي الهجير وحياك الله تراحيب السيل ونقدك على العين والراس لكن بأختصر الكلام اولا صح بدنك والقصيده لها رد طال عمرك ولو اعتى شاعر على قولك لو سمعها رد عليها وكلماتها سهله والقصيده عباره عن كلمات وليست طلاسم ليصعب فكها هذا اولا

اما بالنسبة لرد ابو فيصل على العين والراس لكن ليس على اللحن واعترف في ذلك وانا ما تطرقت لهذا الامر لأني حين رديت كان الوقت ضيق وقلت بأاجل النقد إلى وقت اكون فيه فاضي وابلغ ابو فيصل بهذا الشي ..

فبالنسبة للبيت (( وطنطــن الجـــوال واثــر ان بطـــاريـتــــه )) هذا البيت مزون وعلى لحن القصيده واتحدى على ذلك واللي في راسه شي يتقدم ..

ونقدك تاج على روسنا ,, ولاحد بيعترض على نقد الناس إلا جاهل ..

هذاوسلامتك ..

المشاركة الأصلية كتبت بواسطة هاوي الشعر

الشاعر الهجير بارك الله فيك / النقد والتوجيه من اهم المسلمات لتلافي
الاخطاء في القصائد وفي اللحن والتوجيه من شاعر له خبره لا يزعل
ولكن الغلط ان تمر قصيد ه وبها عدة ملاحظات ويصفق الجميع لقائلها /مع العلم ان بها اخطاء او نشاز
والغلط الاكبر اذا مر عليها مجموعه من الشعار لهم خبره
بالشعر ونقدهم هادف وبناء دون ابداء اي ملاحظه

تحياتي لك / ووجهة نظري تحتمل الخطأ اكثر من الصواب

يا هاوي اذا لديك شي تبلغ به الهجير لديك اكثر من طريقه غير هذه الطريقه و الشاعر اللي ما يقبل النقد ما هو شاعر ونقدكم عالعين والراس إلى البعض فأعده (( ما يقوى وعود يغوى ))


وسلامتكـ ..

الاحبة شعراءنا المبدعين
صحت السنتكم وابدانكم
وارحب بعودة الاخ عبد الله لمنتداه
كما اننا بالفعل في حاجة للنقد اكثر من الاشادة

عبد الله الكنانى 00صح السانك وبيض الله وجهك 0توظيف رائع للمفردات الشعرية بارك الله فيك ورعاك
عاشق المها أسمى مفردات الامتنان والتقدير بارك الله فيك ورعاك

الهجير كفى ووفى

ويا عبد الله الله يعطيك العافيه انت وابو فيصل

لكن من ناحية انكـ شفت رد ابو فيصل وكنت مستعجل وجاملت الرجال فما لها داعي

كان بأمكانكـ ما ترد لين تفضا للردود والتعليق

اما تقول برد وعلى عجل فوالله ان ما لها داعي

انا مريت على الموضوع البارح وشفت البدع والرد واستغربت انكـ تقول ردود مشرف ولا انتقدت رد ابو فيصل

انا اقلكم معرفه ولكن ودي اتعلم منكم الكثير

وبهذه الطريقه يا صاحبي ما راح نستفيد من بعض

النقد الهادف مطلبنا وغايتنا

اتمنى ىتتقبلون وجهة نطري بصدور رحبه

اعيد واكرر لانا هنا لاتعلم واستفيد منكم

والانفعال لا يصل بنا الا فائده

الكناني وعاشق المها لكم ودي وتقديري واحترامي

الأخ الشاعر عبدالله الكناني

بالنسبة لنقد ابن الجنوب للبيت : وطنطــن الجـــوال واثــر ان بطـــاريـتــــه

النقد هنا ليس في اللحن
النقد لأسلوب البيت يعني البيت ناقص (جملة غير مفيدة)
موفق بإذن الله ... لك مني أجمل تحية .

تم حذف بعض الردود والموضوع مقفل تماما
مع التحية للجميع

صح السنتكم ياعبدالله ويابو فيصل قصايد رااااائعه وجميله
اتمنى لكم التوفيق