دورولي اللبيدي

ياخوان لكم كم يوم تزيدون في نظري أعجاباً أكثر وأكثر لانكم مثل ماقلت من أول أصحاب نظرات بعيدة والي أكتشفتوه يدل على عبقرية عقولكم وأفكاركم الراقية لأنها كلمه مايكتشفها الا من كان تفكيره شريف ونظيف ولي الشرف اني اتعلم منكم.والمطب الي حددته ياعلي أذكر انك أيدت اللبيدي انه ماوقع فالمطب والواضح ان المطب كان بيكون فالرد لو رد اللبيدي ولكن سبحان الله بقدرت قادر قلبته في تعليقك الاخير فالبدع تقصد اني وقعت فيه انا وهذا من فراستك.وانا مقتنع من كلامكم أتم الاقتناع مايحتاج اسمع راي غيركم أنتم تكفون عن قبيلة.والحقيقة ان اكثر ماتعلم من اللبيدي تواضعه من تواضعه مايدعي احد يقصد معه وانا طلعت ملقوف صراحه يوم دعيته لكن اطلبه المعذره ولن اكررها مره ثانية.ولايفتخر بنفسه وانا افتخرت بنفسي لعدم ثقتي بنفسي .والله يكرم بيتي او آسف الله يكرمه عن بيتي ماعليش لانه بيت فاحشه وياليت يقام عليه الحد.اخيراً الكلام كثر صرنا أصحاب نثر ماشاء الله أخوي اللبيدي وأخوي علي الي تبونه بالضبط وش هو؟؟؟أبشروا ماعاد تبوني أطلبكم في محاورات حاضر.ماتبوني أعلق على قصايدكم حاضر.تبوني اترك المنتدى بأكمله حاضر.اليييييييي تبونه انا حاضر.وتكفون أمنعونا من كثرة البربره.

تصدقون تذكرة أبيات لشعار كبار وأعجبتني

الشيخي مره يقول(أنا معيي علي الحظ لي مده..ادعس على الارض تطلع لي عقاربه)

عبدالواحد مره يرد على بن حوقان الي يقول فيه بن حوقان(لامتى هذا التمرد والتصلفية)وقال عبدالواحد(بعد هذا المرة أصحك تتصل فيه)
وابن مصلح يقول زمان(.......فضةً وذهب..وأنت أشوفك تلمح وش معك فيه)رد بن طوير قال(الضبي في جبل عيسان لو يذهب..له قروناً طوالاً وشم عكفيه)

وبن سلمان يقول (بعد لبسها النياكل ما تمشيها نياكله)

مدري وش أرحم هذه الابيات.شكل بن حوقان وعبدالواحد خاصةً تزاعلو لما قالوا هذه الابيات

بسم الله الرحمن الرحيم
يا جماعه الأختلاف بالراي لا يفسد للود قضيه
يعني الرجل عنده وجهة نظر واعتذر عن الرد بسببها وهذا حقه وربما لم يرد ايرادها امام الناس
السبيه فهم واعجب بفهم اللبيدي للقصيده وهذه ليست جريمه
ابن سلمان الحقيقه انني اتيت ووقفت على القصيده البدع اقصد
ولكن ترددت لا لشيء لكن الجماعه اصبحوا جميعا يتحسسون من كلام الهمس حتى ما سلمت وانا اقصد لحالي مع اللبيدي وابن سلمان اولهم دخل وما شاء الله عليه تعليقاته جميله غضينا الطرف عنها اكراما وتسامحا
وقفت على البدع ورأيت ان ابن سلمان بنى للرد يعني كان يريد رد من اللبيدي بتفكير ابن سلمان فغفل عن البدع وهذا يقع فيه كثير حتى انه شبه نفسه بالسله
صرت مثل السله الي مايعشيها نصابها
كونه يتكلم عن نفسه في البدع حتى وان ذهب هو يبقى المعنى الظاهر للقصيده
كل ذلك ليجد في الرد ما يريد وهذا ضعف مع احترامي
لكن ابن سلمان ينكر ذلك بحجة الخيال الواسع لدى اللبيدي والسبيه.
والحقيقه ان انتقاء الألفاظ من اساسيات الشعر سواء النبطي او الموروث
والحقيقه ان ما يقال هنا ليس الا موروثا يعني ليس شعرا كونه غير مقفى ولا موزون
وقد نبهنا كثيرا في اختيار الألفاظ كونها تقراء من كثير
وارجو ان يتسع الصدر لهذه المداخله التي ربما يعتبرها البعض حربا عليهم


اتمنى ان يقبل رايي بسعة صدر


الهمس

حياك الله يالهمس وتعليقك مقبول الله يحفظك وانا أن كان شبهة نفسي بالسلة فأعتقد ان مافيها شي عبدالواحد الزهراني يرد مره على بن طوير ويقول (انا مثل النخل واقف على أقدامي ..وانت ودك تغربلنا وتلوينا) مدري يعتبر هذا ضعف في قصيدة عبدالواحد لما شبه نفسه بالنخل وهو نبات واسم لمؤنث؟عادي من حقكم تقيمون الشعار الكبار مثل عبدالواحد وانتم اهل لذلك.والحقيقة ان كلمة غفل عن البدع كلمه جميلة كيف يعني غفلت عن البدع؟ وبعدين انت من الي نبهونا على انتقاء الكلمات وحنا مانفذنا وأسف ياستاذ عبدالله البيضاني أقصد الهمس ماعليش مادريت انك من دكاترة الشعر ومن الذين وصلوا الى منزلة توجيه الشعار وانا من طلابك طال عمرك. ارجو ان تتذكر انت وغيرك مع احترامي ان(فاقد الشي لايعطيه)على كل حال وجهة نظر مقبولة وشكراً لك على هذه المداخلة.

ياخي الله يمسيك بالخير
فيه فرق بين النخل والسله ولا يلتقيان ابداً
والا غلطان ؟
النخله دلاله على الطول والثبات والقوه والعزه والشموخ
لكن السله ما دلا لتها؟؟
يعني خلنا نكون منصفين يا ابن سلمان اعجبتني رحابة صدرك
انت تستدل باستدلالات في غير محلها ولحظت في ردك السابق على الشباب استدليت بابيات لا تنطبق وما تقول به انت عكس ما تستدل به
والدليل على ذلك تشبيهك النخله بالسله وعبد الواحد بابن سلمان(دعابه)
يا اخي يا ابن سلمان الكلمه وضعها خطأ
يعني لو قلت ان وضعها خطأ وما عليش يا ربعي ما حد قال شيء
وانت اتيت وقلت لي ان نفخ النفس من شأن الله عز وجل وقلت لك ان الكلمه وضعها ربما يكون غير صحيح علما ان الله ينفخ الروح وليس النفس
لكن لم اقل انا صح وانا بالعكس كلمتك كانت جميله. واشكرك عليها
اما اغفال البدع اقصد في التركيب والمعنى يعني كثير يركز على انه يضع بدع يحكم الشاعر الي قدامه يرد بطريقته وهذا نوع من الشقر لكن انت ربما سهيت او لم تلتفت للبدع كونك تريد رد مسكت على قولتهم.

اما السله عجيبه فعلا
دعابه عشان نطري الجو

وعذرا على المداخله
محبك الهمس

يأخي الهمس انت لايكن فهمت ان السلة هي سلة المهملات ؟السلة طال عمرك سلة السيف اذا عندك هروج فالسيف هاتها بلا فلسفه .وبعدين استشهاداتي السابقة للاخوان كيف تكون في غير محلها اذا ان الاخوان قسموا كلمتي التي لاتنقسم وشددوا الياء تقريباً (نياكله) قسموها(نياك له) وانا اقول الشيخي على سبيل المثال يقول (لي مده)لو نظرنا لها بمفهوم الاخوان وشهو الي امده له؟؟؟؟وعبدالواحد يقول (لاعاد تتصل فيه)الاتصال بنظر الناس التافهين على ايش يدل؟؟؟؟؟؟وبن مصلح يبغى بن طوير يقول(معك فيه)وش الي انمعك فيه؟؟؟وانا لما عدلت عليك في (نافخ النفس) عدلت بأدب وقلت انها وجهة نظر والروح هي النفس الا اذا قاموسك يقول غير ذلك.

تعقيباعلى ما سبق احببت ان اوضح وجهة نظري في كل ما ذكره الاستاذ الشاعربن سلمان وقبل ذلك اود ان اشكر الاستاذ الشاعر الهمس على مروره وتعليقه فقد كان منصفا للحقيقة وهذا يدل على انه رجل لا يلومه في الحق لومة لائم وربما ياتي غيره ويؤيده في كلامه اويعارضه وهذا حق مشروع للجميع دون استثناء ونعود هنا الى بداية الموضوع فقد كان اثناء محاورة بيني وبين الهمس بدأها الهمس ببدع ودعاني انا وبن سلمان والسبية ورديت عليه وبدع ورديت عليه وحتى ان من مر على تلك المحاورة ذكرت للهمس انه لو انتظر قليلا في البدع الثاني فربما يشاركنا بن سلمان والسبيه وما كان من بن سلمان الا ان رد تخارج من الهمس وانا والسبيه باقي لك معنا حساب وهنا يقصدني والحقيقة فقد تحاورنا انا والشاعر الكبير الهمس بمعنى اعتقد اننا اوصلناه لمن يفهمه وفي نهاية تلك المحاورة ارسلت هدية حب للشاعرين بن سلمان والسبيه كانت ختام محاورتي مع الهمس..
بعدها دعاني الشاعر بن سلمان لمحاورة تصفية الحساب بعنوان دورو لي اللبيدي فبدع ورديت وبدع ورديت قصيدتين كانتا غاية في الروعة والابداع خاصة البدع من بن سلمان ثم بدع القصيدة الثالثة وهي مثار هذا النقاش فلم ارد ولم اعلق لمدة24ساعة لعله يمر ويتنبه ويعدل ولكنه لم يفعل فاعتذرت عن الرد وقلت هذه القصيدة لك حصاها وبنايتها بعد تعليقي مر السبيه وقال في رده ان لا احد يلومه ان قال ان اللبيدي استاذ ومعلم وان بن سلمان وقع في مطب وهنا ثارت ثائرة بن سلمان فرد على قصيدته وزاده تعليق سخرية وان اعتذاري يدل على شاعريتي الفذه وان مدح السبيه لي ليس في محله ويسأله عن المطب صناعي ولا هوائي وهذا يدل الى الان انه لا يعلم عن المطب وهنا اشكر السبيه بأن سماه المطب حتى لا يخدش الحياء والذوق ولكن بعد تعليق بن سلمان استشهد ببيت في بدعه وهاهو الهمس يأتي ببيت اخر
بعدها اتانا بتعليق ساخر وفي نهايته الطلب بعدم الثرثرة من الجميع وهو اولنا فلم نعلق لا انا ولا السبيه ولكن قبل ان يمر على نصيحته 24ساعة والتي قال فيها ايضا ماذا نريد نحن حتى قال هل نريد ان يترك المنتدى واذا به يستشهد بما حصل بين شعراء كبار نجلهم ونحترمهم جميعا وانا لن اخوض في ما قالوا فهم اعرف بانفسهم ولا انا ولا بن سلمان من يقيم هؤلاء العمالقة ولسنا مؤهلين لنضع كلامهم تحت المجهر.
عودة لبن سلمان اقول ياخي المنتدى للجميع وانت ان قلت كلاما جميلا فلك وان قلت غيره وعكسه فعليك دعيت فلبينا دعوتك اعتذرت منك بعد ان خرجت عن النص المألوف على الاقل عندنا في زهران ما نقول مثل هذا الكلام
كنت اتمنى انك اعتذرت وان البيت الذي في قصيدتك كان غلطة وكلنا نخطئ وان لم تعتذر فهذا شأنك .
للتوضيح والله من وراء القصد

يا ابن سلمان بديت تزعل وتثور
والقصائد معرضه للخطأ والصواب
انا ما اتفلسف انا اتيت فقط لابداء وجهة نظر مشاهد واخ لكم فقط
وبعدين يا اخوي تراك رايح جاي على عبد الواحد وابن طوير تقول هذولا رسل منزلين
حتى هم يخطئون ترى ماهم منزهين
بعدين شوف يا استاذ انت عندك مشكله في اللفظ مع احترامي لك يعني لا تزعل ترى الصديق من صدقك لا من صدًقك وانا لا اجزم بصحة كلامي
يعني انا اول مره اسمع ان غمد السيف اسمه سله يعني اختلاف الحظارات واللهجات
ويعني ما رحت بعيد وش يخليك تترك السيف وتتشبه بالسله على قولتك؟؟؟
بس ما يهمنا انا ما اتفلسف عليك يعني وش ابغى وش تتوقع ابغى منك با استقي من شاعريتك يعني
يا اخي هذا النقد الي قاعدين نقوله نحذر منه كثير ليس نقدا للشخص هذا حفاظا على موروثنا يعني كلماتك الي تقولها كم واحد يطلع عليها
وكثير يطلع عليها ما يدري وش قاعد تقول .
ما اقصده هنا ان نرتقي بالموروث الشعبي هذا ويوصل كما وصل النبطي لقلوب الكثيرين.

اما قولتك انتقدت بأدب فهذا يحسب عليك ولا اعلق عليها
وقرأت لك فوق تقول تبغوني اترك المنتدى يا اخي وانا اتكلم عن الجميع لا احد يريدك لا انت ولا غيرك تترك المنتدى.
واذا قعدت كل ما انتقدت والا حد قال لك شيء ما عجبك تركت المنتدى ماراح تلقى لك منتدىتقعد فيه.


وياليت يا ابن سلمان تعرف اننا هنا لاحياء تراث يعني الرقي بمستوى الموروث
ولاحظ انني استخدم موروث لان ما تقوله انت وانا هنا ليس شعرا ولا يصنف من الشعر

ولكي تصبح متقن للموروث يجب ان تقبل بالنقد وبالراي ألأخر.
لأن القاريء غير الملقي
والخطأ يصدر من اي منا
وانا اولكم خطاي اكثر من صوابي
ولكم تحياتي

وعذرا على المداخله

ياستاذنا الهمس ارجع لماقالوه الاخوان بعد بدعتي مباشره هل هذا اسلوب أسألك بالله هل هم وجهوا وقالوا يابن سلمان تراك أخطأت ولا قالو في مامعنى كلامهم ترانا نفهم ماتمشها علينا.أذا ان بينك وبينهم تواصل فأسئلهم بالله كم مره راسلتهم على الخاص وقلت ان فيه الخطأ الفلاني مثلاً او التعديل الفلاني وأرى لو تعدله.على المراسلة الخاصة لكي يكون نقد ودي وبيني وبينه.وانا والله لرديت على بدعتي وانا مادري وش يقصدون الا بعد ماعلقوا بعدين..أبغى أفهم وش الي خلاهم ينظرون هذا المنظور الي ماله داعي.وتعليقاتي على مشاركت الهمس واللبيدي كانت من باب المداعبة والمزح وكلمت انا وعلي لنا حساب مع اللبيدي مجرد اثارت حماس لااكثر واذا فهمه اللبيدي غير كذه فالله المستعان.اللبيدي طار فيه في اول مشاركه معه باقي تو أخذت انا وياه قصيده يقلي شكليماعجبت بن سلمان او زي كذه. وانا لاعلقت ولا قلت اي شي وبرر موقفه يقول انك مامتحدت ردي ولا علقت عليه يبيني اكتبله صفحه مدح مدري وش يبغى.وكل يوم بتفكير غير الثاني مدري وش معه علي بالذات.وزهران ونعم والقبايل كلهم ونعم ان كان انك تشوف قبيلتك عظيمه فغيرك يشوف قبيلته اعظم.وان شاء الله انا وأياكم منزهين عن سفالت الكلام.وسمعنا شعار زهران وسمعنا غيرهم كل الشعار فيهم الطيب والبطال.واللبيدي يقول خرجت عن النص المالوف اذاً ماعقابي الا يقام علي الحد ولا وش رايك ياللبيدي؟
من ناحية غمد السيف وش جاب غمد السيف قلت سلت السيف السلة حد السيف وليس الغمد اذا عندكم تدل على شي ثاني فاعرضوا قاموسكم فالمنتدى من شان نستقي منه.وانا لو تركت جميع المنتديات لكرامتي وعدم تأويل كلامي على غير معناه انا الكسبان.صحيح اني اتعرف على اصدقاء وشعراء أكفاء لكن لكل شي حد.والي عرفنا بالرجال شرواكم فالمنتدى يعرفنا بهم في غير المنتدى.وانا ماجلست على قولك كل مانتقدني واحد قلت وقلت .لاني ولله الحمد من يوم دخلت المنتدى ماذكر احد وجه لي اي نقد مدري هل هو حياء من الاخوان ولا الله سبحانه ابعدني عن النقد ماهو بشطارتي.الا هذه المره وهدفها معروف لو تقولون ماتقولون على قول المثل(ماتفيض العين الا من ملاها)(والي مايطول العنب........)انا مامدح نفسي واقول اني افضل من علي ومن اللبيدي بالعكس انا أعتبر نفسي وبكل صراحه اقل منهم معرفه وأصغر منهم سناً وهم عارفين نظرتي فيهم من غير ماقولها لهم.أخيراً والله لصدع راسي من كثر ماخذنا وعطينا فالفاضي .ماحصل الا خير وحفاظاً على الود والمعرفه الي بيننا انا امتنع عن اي تعليق بعد هذا مهما كان في هذا الموضوع.والي يشوف اني غلطت عليه يكلمني ويبشر بما يرضيه.

الذم مايرخي براس الجيد
والمدح مايرفع براس الداني

اما زهران اذا افتخروا يحق لهم تاريخهم يشهد لهم

ومدحك انا ما احتاجه لا تكتب صفحة ولا سطر وكلمتك( نياكله) الله يكرم الجميع عنها ما قلنا يقام عليك الحد انت قلتها والجميع شاهدها وهي في قصيدتك وبكيفك اتركها شهادة على شاعريتك عند زهران .انت ودك ترقع اللي مايترقع لاعد ترمي بلاك على غيرك خلك بحالك واحنا بحالنا

وتصدق ودي تقول وش هي قبيلتك عشان نعرف هل نطق هذه الكلمة عندهم عادي ولا لا وليش ماتذكرها في قصايدك وتفتخر بها مثل ما حنا نفتخر بزهران في قصايدنا؟
وبالمناسبة انا من الان لن اقصد مع واحد باسم مستعار الا واحد اعرف من هو او واحد يرسل لي على الخاص معلومات عنه
عموما ليتك تلتزم بما قلت وتقفل هذا الموضوع ولا ترجع في كلامك زي كل مرٌة تقول نترك الثرثرة واول من يعود لها انت