مطاعم راقية في جده

بسم الله


من اليسار لليمين
1- شوكة الكوكتيل : - كوكتيل المأكولات البحرية، كوكتيل الفواكه، سرطان البحر، تقديم المخللات والزيتون
2- شوكة السلطة: - السلطات، الاسماك، الفطائر pies، المعجنات، اللحم البارد
3- شوكة السمك:- تستخدم بدلا من شوكة الطعام عند تقديم السمك
4- شوكة الطعام:- لكل الاطباق ماعدا السمك
5- سكين الستيك:- لتقطيع اللحم
6- سكين السمك:- يستخدم بدلا من سكين الستيك وسكين الطعام عند تقديم السمك
7- سكين الزبدة:- قطع الزبدة، الاجبان الخفيفة، الجتني، المقبلات الخفيفة
8- سكين الطعام:- لكل الاطباق ماعدا السمك
9- ملعقة الشوربة:- اكل الحلويات، الحبوب، الشوربة، او تستخدم كملعقة صغيرة لتقديم الاكل
10- ملعقة الشاي:- القهوة، الشاي، الفواكه وبعض انواع الحلويات
11- ملعقة المشروبات المثلجة:-اي مشروب او حلويات في كأس طويلة
12- ملعقة القهوة:- لقهوة مابعد الطعام، البهارات والتوابل، الكافيار

طبعا موب كل المطاعم بتحط لك هالعده كلها !
غالبا شوكتين وسكينتين وملعقة وسكين زبده على جنب عند صحن الخبز الصغير ,
واذا طلبت شوربه بتجي ملعقته معه ,


--------------------------
طيب
الحين طلبت مثلا ستيك , أو صدر دجاج .. شي زي كذا
وش تسوووووووووي
تمسك الشوكه باليمين , والسكين باليسار (طبعا بالعالم كله يسوون العكس عشان يقالهم اتيكيت بس حنا مسلمين وناكل باليمين ماعلينا منهم )
تروح لطرف القطعه الي بتاكلها وتحط الشوكه تغررررسها بالقطعه وتقطع بالسكين , ويفضّل ان تكون القطعه صغيره عشان اذا اكلتها مايصير زحمه بفمك ومراعاة للذوق العام
صعب ؟ ان شالله لا

ايه صح , الستيك غالبا يجي معه سكين مسكته سودا استعمله لانه قوي وخلك من السكين الخكري الي حاطينه اصلن

.
.


--------------------------


طلبت شوربه , بتجي معها ملعقه غالبا , مدوّره .. اذا ماجابوا ملعقة قل لهم لوسمحت ممكن ملعقة شوربة يعنني فاهم خخخخ
اشرب الشوربه بشويش وبدون صوت وتشفيط وحاله حاول مايكون فيه صوت بالموضوع كله سواء شوربه أو أي شي ثاني تاكله الهدوء زين
.
.


--------------------------
طلبت مكرونه طوال سباقيتي , فوتشيني ,
تلف المكرونه على الشوكه بمساعدة الأستاذ سكين
وتاكلها
لاترفع الشوكه ونازل منها خيوط مكرونه نو نو
لازم تلفها كويس
زي كذا

.
.


--------------------------

البيتزا كلها بيدك الا اذا كنت لابس نقاب خخخخ

.
.

--------------------------

السلطه بالشوكة
الا ان كانت تبوله ماأدري ماآكل تبولات بس ممكن ملعقه صغيره !
.
.


--------------------------

وش كنت بقول بععععد
ايه اذا لقيت منديل قماش على السفره فوق الصحن , حطه على حجرك
لاتربطه على رقبتك << باللهي خخخخ


واذا خلصت شل المنديل وحطه بشكل مرتب بجمب الصحن , لاتجدعه فوق الصحن





--------------------------




خـطـأأأأ

.
.

--------------------------

كل قطع صغيره وبشويش وبدون صوت وامضغ وفمك مسكر
زي سالي تتذكر سالي شلون كانت تاكل مثلها

لازم يصير عندك منديل قريب عشان تمسح فمك عند اللزوم


--------------------------


هذا كل مافي جعبتي حاليا
الحمدلله الذي اطعمنا وسقانا وجعلنا مسلمين



منقول