%%% (( [[ جــــــــــدّه غيــــــــــــــر ]] )) %%%

طال إنتظاري ياهلي والصاحب أزريت أوصله=
الله يسوّد وجه راعي الصدّ ماهو وجه خير=
اللي وَعَدْني بالحلا مسكين يعصر حنظله=
واللي وعدني بالوفاء خاين ومعدوم الضمير=
ملعون أبو جَدّ الغرام اللي فصوله مهزله=
اللي حَرَمْني من صلاة الوتر فالثلث الأخير=
حبّيت واحد ياهلي بَهْذل حياتي بهذله=
أمرار أشوف الهاويه وأمرار أشوف الزمهرير=
إلى أبتسم كِنّه يفجّر في ضلوعي قنبله=
وإن ضاق مثل الشَّعْرَه اللي قاصمة ظهر البعير=
ياقوّة الله كلّ ماألفّ الشريط من أوّله=
وألقاه بين الحاضرين أحلى من البدر المنير=
بليد .. لكنّه معي يقدر يحِلّ المسأله=
شاطر .. إذا سجّل دخوله من روائع شكسبير=
في داخلي شمس ومُطر وإعصار وأرض ٍ قاحله=
في داخلي طفلين من يومي وأنا بعْدي صغير=
طفلين لكن بينهم ضيقه من أوّل قافله=
واحد يعاملني على نيّته والثاني خطير=
الله يعلم وش حياتي فالليال المقبله=
وأصحابي الشُّعار في هالمنتدى واجد كثير=
للشعر فيما بيننا فكرة غلا متبادله=
هذا كبير وذا كبير وذا كبير وذا كبير=
نمشي سوى وقلوبنا عكس إتجاه البوصله=
من شان لايَمْسك علينا شخص شرّه مستطير=
وإن قيل يالمبدع ترى بعض القصايد مشكله=
قلت القصايد غير .. ماتسمع بقولة (جدّه غير)؟=
******

المبدع من روائع الحرف والكلمة والاسلوب شاعر تمتلك زمام الحرف والكلمة وفقك الله ورعاك قمة فى الانتقاء والارتقاء شعرا ونثرا الف مليون تحية

وأنشهد أن قصايدك غير يالمبدع

فعلا انت غير بدون شهادة مني


صح لسانك المبدع


تحياتي

ابو شهد

صح لسانك وسلم بنانك يالمبدع

صح لسانك
مبدع

المشاركة الأصلية كتبت بواسطة د.ليل الوعد

المبدع من روائع الحرف والكلمة والاسلوب شاعر تمتلك زمام الحرف والكلمة وفقك الله ورعاك قمة فى الانتقاء والارتقاء شعرا ونثرا الف مليون تحية

وألف مليون تحيه لشخصك الكريم

لاعدمت وجودك ..... ألف شكر ولاهنت

المشاركة الأصلية كتبت بواسطة الرميصاء

وأنشهد أن قصايدك غير يالمبدع

وأنا أشهد إن مرورك غير

كل الشكر ، والله يعطيك العافيه

المشاركة الأصلية كتبت بواسطة "ابو شهد"

فعلا انت غير بدون شهادة مني


صح لسانك المبدع


تحياتي

ابو شهد

وأنت مرورك غير ... لاعدمت وجودك ياغالي

وصح بدنك والله لايهينك ....... تحياتي

المشاركة الأصلية كتبت بواسطة متعب الدوسي

صح لسانك وسلم بنانك يالمبدع

صح بدنك ولاعدمت وجودك

كل الشكر ياغالي ... ولاهنت