عز المطاليب

المشاركة الأصلية كتبت بواسطة سعيد ألغامدي

بمناسبة عودة وقدوم حبيب القلوب

ملك القلوب وملك الإنسانية الملك
عبد الله بن عبد العزيز آل سعود
سلمه الله
أزف البشرى وأهني كل فرد على
ارض هذا الوطن الغالي المعطاء

عز المطاليب

يا الله يا مطلوب يا عالم الغيب = تحفظ بلادٍ جود وجهك غمرها
يا سيدي كم تظهر الشمس وتغيب =لكن على مثلك تفرد سفرها
هيا معي يا الأرض زفي تراحيب=وهيا معي ننطق بها يا بشرها
لراعي النخوه رفيع المراتيب=اللي دخل كل القلوب وبهرها
عبد الله اللي زاد طيب على طيب=رضا النفوس إذا تزايد كدرها
رفيع في مجده ومن شعبه قريب=بذل جهوده للوطن ما ذخرها
عادل حكيم إنسان ما به عذاريب=إن كان للطيبه بحر هو بحرها
قلوبنا صفحات تحوي مكاتيب=وعيوننا بالحب ضمه بصرها
ومهما الزمن دور عليه الدواليب=له الولاء نسمه وتنشر خبرها
نجيه بالبيعه بليا مناديب=في وحدةٍ تبدي في أبهى صورها
بيعة ولاء ما دنستها الأكاذيب= من ربنا على عباده أمرها
الله جعل للناس قدر ومناصيب=وانتم ملوك ونفتخر من فخرها
منهجكم الإسلام دعوه وترغيب=والله عرف صدق الملوك ونصرها
أهل الوفا وأهل المروه بلا ريب=بوهم لفى يم الديار وعمرها
عبد العزيز اللي تخاوى مع الذيب=يا كم ليالي باغترابه سهرها
ولا آهتنا زاده وحلو المشاريب=حتى فيافي نجد شام وعبرها
وجا للرياض ونصب الحق تنصيب=والوحده أنجزها وطلنا ثمرها
والأمن ساد وشع نور المحاريب=والله واكبر بالمنابر نشرها
جاها شباب ولا ثنى عزمه الشيب=حتين وافى طهر روحه قدرها
واليوم في حكمك حصدنا المكاسيب=يا نور في نون العيون ونظرها
ونطلب المولى بكل الأساليب=يمدك بصحه يعمِّك أثرها
عسى الجروح تروح وأحوالك تطيب=وجيتك نفرح بها ننتظرها
وتقوم لك يا سيدي بالمواجيب = قلوب حبك بالموده صهرها
عودتك للأرواح عز المطاليب = يا شمسها يا نورها يا قمرها

تقبلوا تحيات

الله الله ياسعيد
اسعدك الله في الدارين وردة مفتحة

المشاركة الأصلية كتبت بواسطة سعيد ألغامدي

أسير الطيب

^ نعم الوصف اوصفت به نفسك
ووالله انه لغاية في الجمال

قصيدة جميلة بكل ماتعنيه الكلمة
زاهية الحروف باذخة المعاتي
عميقة الولاء

صح لسانك أسير الطيب ووورد
تستحق التميز وبجدارة
سلمت ودام نبض ديدنه الوفاء .