قصص من طفولتي ... اتمنى المشاركة من الجميع

هه ههه هه والله اخ امير استاهل القرص طيب طيب خلااص راح افكر في كمين لك ووورد

بسم الله الرحمن الرحيم

والصلاة والسلام على اشرف الانبياء والمرسلين سيدنا محمد سيد الاولين والاخرين اما بعد

احبتي في منتدانا الحبيب اسعد الله مسائكم وصباحكم بكل خير اعود اليكم بعد انقطاع عن هذا المنتدى الحبيب واسال الله العلي القدير ان ينفعنا واياكم بما نكتب وما نقرا

اما عن الموضوع او خيتي فقد طرقت باب من ابواب المرح والذكرى الجميلة

ومن هذه القصص الجميلة

اذكر انني في الطفولة كنت العب مع اثنين من ابناء عمي وكما تعرفون الدعوى سجال بين كر وفر اطفال الله يصلحنا ههههه ههههه المهم اني ضربتهم وهربت الى المنزل

ووجدت والدي حفظه الله يفطر فجلست افطر معه وكان شي لم يكن بريء ماسويت شي هههه ههههه المهم وحنا نفطر دخل علينا من الباب عمي وانا ارى النور والدخان طالع من الباب منظر خلاب ربما تعرفونه عندما يدخل الضوء من القتره او افتحات الباب وترى ذرات الغبار او الدخان يتطاير مع الضوء منظر اروع من الرائع المهم وانا افطر واستمتع بهذا المنضر اذ دخل عمي وانا ارى ذاك البياض الداخل من الباب وبدا يتضح المنظر شي فشي فاذ به عمي وعندما اتضحت لي الرويا وبان عمي وانا اطلق

الونان اااااااا بكاااااء وهقت نفسي وبكيت وابي

مستغرب من الامر ولست ادري مافعل عمي ولكن الموضوع ذكرى جميله هههههههههه

حفظكم الله ورعاكم

هههههههههههههه الله يسامح عمك سبب لك عمى
الوان فعلاً كان هناك هيبة لكبار السن عجيبة
وأحمد ربك إنك بس بكيت وانتهى الموضوع
على خير
يعني تمام مافي إصابات...هههههههههه
وبعدين من أول ليش تتخابط مع أولاد عمك
حرام عليك الظلم مو زين....ههههه
بانتظار المزيد من ذكرياتكم الجميلة
لكم منا كل الود والأحتراااااااام
آمير الكونتحيــــــــــــــــة

السلام عليكم ورحمة الله وبركاته

الحاصل ان الغيبه لابد منها تعرفون الواحد مايظل على حال

انه يكبر ويمرض ويغتاظ غيض

ويمشش الى توسخ والى منه تعب يرقد واحيان كثيره يعاف لو


روحه

ولكن يظل للحبايب شووق كبيرررررررررر

الموهم اني ودي اتعذر منهم واعفي عليهم

واقول لذولا مايسلمون وينشدون عنا الله يسلمهم ويسعد قلوبهم

يارب ..

وحشني الموضوع والاعضاء وربي ..

هلا وغلا بالغالية عناقيد يعني لو تكررينها
ثاني مررة أتوقع إني راح أخنقك...ضحكة خنفشـارية
بس المرة هذه سماح بشرط تقصين علينا قصة جديدة
ونورتي المنتدى أنا جلست أوسوس قلت
بس عناقيد تزوجت وسحبت على خالها
وعلى كل أعضاء المنتدى بس الحمد لله
طلعتي عااااااانس..هههههههه واحد ما يبي
لأخته تتزوج...ashrab
هلا بك وبعودتك ...thank u

اما اليوم ياحباني بااعلمكم بسالفه اخويه عبدالله عسى


بروحي عنه


يحكي لي عنها ايام زمان الله يسعد روحه بااحكيها بلسانه


الزمان: قبل خمس طعش سنه تقريبا..

يقول:


كنت في عصريه من العصريات الجميله ومعي الكوره اللعب بها


كالعاده في يرينا(الحوش) في البيت وكان عندنا بلكونه وكان


فيها شكل تجميلي ماصورتين من اولها الى اخرها في الاطراف وكانت


على شكل مرمى يعني ماناقصها الا شباك ويصير قول...


لكن معنا جده عمرها 13 برا..(برا= في البلوت يعني فوق الميه)

كلهم ذولا في شبتها افلحوا الله يرحمهم الا هي باقي حيه وزيد



اشد من البقعى..فكري انها لو لفختني كف جابت اجلي...



سووا لها توظيب ثلاث مرات وباقي شغاله....

وكانت تمتحني كل عصر تعدي في البلكونه وتجلس هناك ومعها قشرها
ومشعابها ودواء الحموضه..

جيت ذاك اليوم فيني خرمه كوره غير طبيعيه ومسكت معي الا العب بها في اليرين يعني في الحوش

لكن حصل انها كانت موجوده ..

وطبعا ماقدر العب وهي جالسه..

قلت لها: يايده قومي الله لايهينك عدي اقعدي وراء هناك عنيني بلعب كوره وخوفتي لاتضرب فيك.

(باقي الاخلاق حلوه الحين)

قالت: اقول سر كوذيه عين كبر الحوش دااامت الارض

فأقرب منها شويه وازمها مع ايدها كأني بأقومها قلت: لا لا ان شالله انك تقومين!!

قومي تكفين عدي بس في الجهه الغربيه من البلكونه وتلفتي على كيفك..لكن اذبحني بردودها..

فأيها تقول: سر انقلع المعافى واللعب هناك والق شر...

يقول ياولد نشبت في نحري عيت تفلح وافلح العصر ولا لعبت..

فأقولها:يايده قومي واللعني ابليس امنعيني من عناد الكهيل


ولاردت..واصيح مره ثانيه يايده قوومي..

واشكل ماشي مليووون

فأعود قلت: اسمعي ترا والله اني بشوت ومالي دخل لو وقعت فيك

قالت: والله انك ماتطي غير افلح وراك

قال: والله اني اطيق يايده قومي تراني اشوات

واشكل زيد ماتفكك في عصابه راسها وتطلع حزمه الريحان يعني ماني مهتمه فأرتفع ظغطي يولد الف امبير..

قلت خلني اشوت الكوره في الجدار... وحذاها تقول ياولد اللعب هناك لاتصيبني زيد تقولها وهي مدنقه!!

واشوت الثانيه وزودت الجرعه شويه علشان الصوت يكبر وبرضوه برود قاتل..


لكن حدث مالم يكن في الحسبان

ابليس حريص!!!!!!

فأشوت الثالثه الله يجيرك لكن الوزنيه انفرطت المره تيه وماهي الا ثواني!!!
معدوده والكوره كل مالها تتجه نحو يبهتها في الجبهه يعني

وطااااااااااااع الا حرام انها على وجهها الا الكوره افلحت في يال ويدتي انفلتت محلها الا هي ماتفغر فأشهقي شهيق لايعلم به الا ربي انا اتجلط من الدم في عروقي تبلكمت معاد طقت تحركت شبر..

وتقول كلام مشفر الا هي ماتتهرى افتكو لحيك واشتلوك حدروبك

ياولد دوروني وادنق عندها يايده يايده الا ماحولك احد عيونها في السماء

فأطق بالصياح وااااااااااابه واااااااااااااابه الحق
يدتي اغمي عليها فانزل ياوبه وعمي واشتلوها وركبوها الصالون وعلى مستشفى عسير فاصقعي بيومين ثمه ولا قالت حرف!!

يومين وقسم بالله اضرب النوم عيني كلهم زوروها الا انا افتكرت اتعلم ابويه لكن طاب لي في العلم ان بويه في اليومين هذه عادي معايا ولكن اغلب وقته
بالمستشفى يعني بس تاكدت انه ماعنده خبر..

يقول الا بعد ثالث يوم تطلع من المستشفى وصار بويه يقعد عندها ولا عاد يفاارقها ولاشفتها ولاشي

في اليوم اللي بعده قعدت مع بويه وعمي وتقولهم السالفه وقتها كنت بره وبويه
على احر من الجمر ينتظر رجعتي وانزال اشد العذاب وابشع عقاب شهدته مقاطعه ابها؟؟؟

فادخل عليهم اخر العصر الا هم قاعدين في البلكونه كلهم وعيونهم فيه يساتر زعلالالالان
وادخل البيت على طوول وكاني مستعجل ويم عدت بدخل الا بويه يناديني:

عبدالله عد حاوشني الحطب في السطح فوق خلنا ننزله هنيه في اليرين هيا قواام..

يقول ياولد ماخبرت ان في السطووح فيه حطب عهدي به قبل امس مافيه شي لكن قلت يمكن انه جابه امس؟؟

قلت له : ابشر زيد فأسبقه يعنني حريص وملا فتحت السطح والتفت يمين وييسار الا قسم ماحولك احد!!

انتابني شك وقتها لكن مازلت متمسك بالامل بروحي عنه هههههههههههههه

التفت مره ثانيه والله مافي حطب.......

وايقنت يقين لايخالطه الشك ان هذا كمين...........التفت قلت واحط رجلي مع الباب لكن للاسف سبق السيف العذل

اقبل بوجهي عاد عند الباب وازرفه بالزرفال ويمشي ويده الثنتين كلها وراءظهره!!!

فاحشرني في زاويه فطلع المشعاب عتم من وراه ظهره طول نصف قطره 15 بوصه...

وهاتك ضرب وهاتك تفل وهاتك محط وامحطني

واصيح ياوووامه فكري ان القريه سمعوني وامي وراه انهبلت فك الولدوتقول مالك على الولد يامخلوق...

يقول وبعدها والله اني جلست شهر انام على بطني ولا خليت مرهم الا حطيته ومن بعدها الغيت كل النشاطات الرياضيه في حوشنا

هههههههههههههههههههههههه الله يجعل بروحي عنك ياعبدالله..

هههههههههه الله يسامحك ياعبدالله
كان خليت جدتك متمددة في البلكونة ومستمتعة بقشرها وبمنظر الغروب في الديرة
أفضل من أن تمارس رياضتك اللي جعلتك
تتفل العافية بس بيني وبينك يستاهل كل اللي
جاه واتوقع إنه الآن حتى القنوات الرياضية
ما يشاهدها لأنه تعرض للتطعيم من مشعاب عتم
جعلته يلغي الرياضة من قاموسه...ههههه
ليت من شافك ياعبدالله وأنت متمدد من الخبط
جعل الله بي عنك والله إنك رجه الله يغفر لك
ويغفر لجدتك مسكينة ...$
الله يسعدك قبلك عناقيد على هذه القصة
والتعبير الرائع الذي جعلنا كأننا شاهدنا
كل التفاصيل أنتي روائية وكاتبة مميزة
لكي مني كل عبارات الشكر والأمتنان
وخلاص بهذه القصة سامحناك على غيابك
آمير الكون

هلا وغلا بالغاليه عناقيد
الحمد لله على سلامتك نورتي المنتدى والله العظيم افتقدناك واشتقنا لسواليفك وقصصك الحلوه
اعدتينا بعودتك الى موضوع عزيز على قلوبنا جزاء الله من كان له الفضل في انشائه كل خير
وقصة اخوك عبد الله وجدتك قصه رائعه بروعة طلتك الغاليه سردها شيق وممتع باللهجه محببه الينا جميعنا
اشكرك يالغلا وان شاء الله اخر الغيبات

امير جعل ربي يسعد قلبك ...

ويرضى عليك ويوفقك ...

ياحليل يدتي منه اهب فيها ضيعه راحت فيها بي عنها ..

والله انه شاتها من قلب ههههههههههه..الله يسامحه.


بس ان ابويه اقدى فيه والله انه فخ ولااحلى ..


امير ..وربي نورت مساحات الصفحه وكان وجودك شرف لي ...


لاعدمتك يالغالي ....ولاحرمت هالتواجد

[الغاليه جدااااااااااا جداااااااااا لؤلؤتنا ....

الله يسلم روحك يارب ويسعد قلبك وايامك... وماتفقدين غالي...

وربي انكم دائما في البال ...ابعدتنا الظروف ولكن الحمد لله عدنا لكم وللمنتدى الغالي ..


لؤلؤه ...لاخلا ولاعدم من هالتواجد وهالرووح الحلوووه ...حفظك الله لي ولمن احبك ..