من حوسنيه يالمبدع

صح لسانك ملايين ولاهنت .... والعذر عالقصور ...

البدع : الزيادي=
**=
يالله لك الحمد راسي شاب والشيب طايل=
ليت البوابير خلّت حملها عالمواني=
ولاصفق موج نهر النيل قدّام حينه=
وش حال الأسكندريّه عندكم ياأهل مصرا؟=
ماهي بعيده عن السودان فأرض أم درمان=
تيّهت أنا بين سوداني ومابين مصري=
وأرض أم درمان صارت مثل الأسكندريّه=
**=

ههههههههههههه

صح لسانك

واستلم

البدع=
اشوف بين الحروف الملهمه شي بطايل=
اشوفها شوف عين ولا بشر علمواني=
وانا احسب انه نسي وان جا خطا دامحينه=
اثره لنا محتزم بالختل في كل مصرا=
وبعد مااستامنته ارواحنا عوّد رمان=
سمحان شال الحمول الجايره وألم اصري=
من بعد لبس المشّبك جا لبس كندريه=

هههههههههه الله الله صح لسانك ملايين ... لبس كندريه لبس كندريه

البدع : الزيادي=
**=
يانجم مدري وش أسباب الغُنا والمثايل=
حتى ولو كان هذا مزح !! مزحك دهاني=
ترى البديوي رحل وأقفى وغمّا ضعينه=
ماعاد بعْلمك عن هذا الخبر وإنته أدرا=
وأنا لك الله مادوّرت لي مالدني شان=
وش قصّة البحر الأحمر ياأهل دَلّه وصفري=
تدعونه البحر الأحمر !! والمياء زرقويّه=
**=

لالالال هههههه تدعونه البحر الاحمر والميا زرقويه

صح لسانك

واستلم

الرد=
النحل ريته على كوز العسل ولم ثايل=
انا شريته وبه من صدر مزحك دهاني=
من واحدن ماذبحني غير غماض عينه=
ان كان ماشافته عيني فانا مت هدرا=
هم يدّعون الهوى والكل لي مد نيشان=
من خلف شاشات والقى كيد بيضن وصفري=
وانا على جال صيّن والميازر قويه=

صح لسانك يانجم ولاهنت ياغالي ..

أسمع وش يقول :

البدع : الزيادي=
**=
يانجم لاتحسب إنّ الحُكْم والشّرع مايل=
إن كان ودّك لضيف الليل تاهب عشاء ني=
حتى سباع الخلا تورد على شاء متينه=
وأهل الكرم عيّدوا ضيفٌ وذيبٌ ونصرا=
يوم البخيل المنتّف يدّرق سدّ بيبان=
وإن كان ودّك على المهجوس تنهى وتمري=
فلا يجي في بروج البثّ وشواشويّه=
**=

الله الله

صح لسانك ياخيه والله يسعدك
واذا ودك نكتفي بما ورد!
او ودك نواصل
فذاك لك
لاعدمتك

واستلم

الرد=

بعض العرب له مع اهل الزيف والشر عمايل=
وانا طلبته يقاطعهم ويرجع عشاني=
لكنه ماطاعني وارضى هوى شامتينه=
هم يقلبون الحقايق والخساره بنصرا=
الين شفته على التلفاز لي من دبي بان=
من بعد ماكان كنه لي مع البن تمري=
عوّد مراره وجرحي كنه اشوى شويه=

لاهنت يانجم وصح لسانك والله يعطيك العافيه .......

كفيت ووفيت وماقصرت ....أعذرني أنا على القصور

وإلى اللقاء في متصفح آخر ...

وافي يالمبدع صح لسانك

ومايجي منك القصور

سعدت بلقاءك وملامسة ابداعك

وآمل ان يتكرر اللقاء مرات

ومرات

شكرا لك ولكل من مر او سيمر

من هنا

تقديري