قصيدة (( البخل ))

أخواني الاعزاء

البخل يعتبر سمه عند بعض الناس ونحمد الله انهم قله فينا .. ولكن هناك بخل من نوع آخر وهذا يعتبر واضح وملموس في الغالبيه ولانبري أنفسنا منه .. والله يرحمنا برحمته .. على العموم كانت وجهة نظر البرق اللامع للبخل بهذه القصيده والتي تفضل صديقي الشاعر المرقاب بالرد عليها .. راجيا ان تنال رضاكم واستحسانكم .. ولكم الحب والتقدير من اخوكم البرق اللامع ..

*

الــبـــدع/ الــبـــرق الـــلامـــع
*

يالرفاقه ترى ان البخل ماهـو علـى مايـا وزاد
كان مدلولنا للبخل من صـك بابـه دون ضيفـه
والا من جـاه مـال ولايسـر القريـب والبعيـد
لكن اثر البخل متغلغلا فـي المظاهـر والضمائـر
من العباده الى عطفا على طفل مـع ربعـه يتيـم
حتى بالشور والتوجيه بالرأي في غيـر المكـاره
والنصيحه ليا منه طلبهـا صديقـا مـن صديـق
والزيارات والا فزعة فـي المواقـف والمبـادي
والا كلمه تـرد الحـق لاضـاع بيـن المدعيـن
يالله تكفيني اهل البخل فيما بقي لي مـن حياتـي
والبخل من لبس ثوبـه تـردى وحظـه ماأندمـه

*
الـــــــــرد/ الـــمـــرقــــاب

*
مرحبا يالذي نـال المراتـب عـن اقرانـه وزاد
وش معي من كلام ازيد به من ورى قولك واضيفه
لوتجي عندنـا يالبـرق نفـرح واباعيـد بعيـد
مرحبا عالدلال الصفر باكيـف والتمـر الضمايـر
عندنا الهيل والعودة وعندي لكـم شهـدا ختيـم
الله يحميك يابرق الحيا ما الحسـودي والمكـاره
وان هذا كلامي صدق ياجي من القلـب الصديـق
محسن الراي الي جانا من اهل العقل في علم بادي
اترك الجاهل اللـي لا بـدا ينتظـر ومـد عيـن
وانت يالي منحني مـال لاعـد تـرد المنحياتـي
من تعدى علينا قبله السيـف يـروى مـن دمـه


تحياتي..