اعلن التحدي لشعارالمنتدى ان يجاوبون على اللغزولأعضاء المنتدى؟؟؟

السلام عليكم ورحمة الله وبركاته اما بعد لغز لشعار المنتدى وتحدي بأن يحلونه واتمنى منهم المشاركه في حل اللغز هــــو
شيخه للحريم معتليها زعيـــــــم
ورعها بالحشاءوالحمل بالحلال
دام فيها حمل مشيها مستقيــــــم
ون نــزل ورعها مشيها بختلال

وينكم يا شعارالمنتدى ماتعرفون تحلونه قولوا استنا ردودكم تحياتي

صدق المتنبي حين أحس بأن الكلام سيكثر حوله فخلد بيته الشهير :
أنام ملء جفوني عن شواردها
ويسهر القوم جراها ويختصم
الأخ..عبسي
بداية أخبرك بأني ممن لا يتابع الساحة الشعبية

ممكن تكون الجنبيه

وتراني ماني شاعر

عبسي

بدايةً اشكرك على مواضيعك الشيقه فالمنتدى وبيض الله وجهك

ومن ناحية اللغز فانا اعتقد انها المزون(السحب ) والزعيم هو القمر والورع المطر
والله اعلم

تحياتي لك
اخوك الصهيبي

اشكرك على مرورك عاشق رباع بس حلك غلط حاول مره ثانيه

اخي الصهيبي انت حلك غلط بس انك قريب من الحل اتمنى لك التوفيق ترى انت قريب من الحل حاول مره ثانيه تحياتي لك

وين الشعار ياربع شكلهم ماعرفوا الحل

والله انه لغز محير ياعبسي
انا اقول يمكن يكون الحل (الارض)
والزعيم( المطر) والورع( النبات)
مجرد احتمال والله اعلم

مشكور على مرورك اخي علي السبيه بس الحل غلط وحلك جداً بعيد وحل الصهيبي غلط انتم بعيدين عن الحل انا ظيعت وتوهت الصهيبي لما قلت انه قريب من الحل غلطت انا اسف انتم بعيدين بس بقرب لكم هوه الحل معى كل واحد ومعاك انت علي السبيه غريبه ماعرفته سهل جدا

تسعدنا دائما بالغازك لكن بنحل اللغز على شان تجيب لغز غيره

جابها الصقر وانا أخوك


شيخة للحريم معتليهـا زعيـم
الشيخة هي الخمسمئة ريال ومعتليها زعيم هو الملك عبد العزيز طيب الله ثراه
ورعها بالحشاء والحمل بالحلال
شريط العمله
دامها حاملٍ مشيهـا مستقيـم... ون نزل ورعها مشيها بختـلال
بدون الشريط تعتبر مزيفه ولا لها قيمة ...

أرجو أن أكون وفقت ..

مع وافر تحياتي للجميع