غــــــربه

الله من غربه وانا بين ناسي=احس كن الكون ما عاد به ناس
من بعد صدك ساير الحزن كاسي=كل الوجوداوما بقى فيه وناس
مر الفراق او غربةالوقت قاسي=والصبر مل او ضاق به قوة الياس
فيني اختلط صبري مع مر ياسي=واسقيت قلبي كل ذا المر في كاس
يا صبر قلبي كل هذي الماسي=لجلك حملها واكتسى حزنه الباس
لين التبست الحزن واصبح مقاسي=سبحان من سواه من غير مقياس
ان كان ما تدري عن اسرار باسي=فانت السبب والبعد هو قمة الباس
اخيلك حولي وروحك لباسي = انت الظلال الي بها يكتسي الراس
قلبي ترى المركب وقلبك مراسي=انت الحياة او عطرها وانت الانفاس
فيني جنونك يا حبيبي ماسي=شيطان حبك مفقد العقل الاحساس
ضيعت بالركعات شارد وناسي= لا قمت اصلي يعتري العقل وسواس
يا رب عفوك كان فيه التباسي = انت الكريم الي له العفو نبراس