البارحه والناس لاحق وملحوق......مصافحه اولى

بسم الله الرحمن الرحيم في كل بدايه
والحمدلله رب العالمين في كل نهايه


السلام عليكم ورحمة الله وبركاته

ضيف جديد عليكم ياهل رباع ويسعدني ويشرفني تواجدي هناا

مصافتحي لكم بقصيده وهي من اغلى قصائدي

بين اياديكم الطاهره وقلوبكم البيضاااااء







" باب القاف "





البارحه والنــــاس لاحــــق وملحوق
ــــــــــــــــ من دون باب القــــاف والشــعـر لديت
افــكــارهـم من فـوق لاتــحــت لافوق
ـــــــــــــــــ ازريــــت لفهـمـهم ولااقـــفــيت عديت
احد(ن) حروفـــه ذوق واحـد(ن) بلا ذوق
ـــــــــــ واحد(ن) يشخــــبط ماظــهـــرلـــه ولا بيت
واحد(ن) يسابق بالقــــصــايد ومسبوق
ــــــــــ افكارهم ياحـــول عــــــــود(ن) وكـبريت
واحد(ن) تجيه افـكـــار ويحــوقها حوق
ـــــــــــــ يبدع ويــرســـم لوحــت(ن) فالها صيت
واحد(ن) عـطـاه الله عــقـــل(ن) ومخروق
ــــــــــــــ باع القصايد كنـــهــا بيــعـــــت الزيت
حط القصيد مــع الســـلع باول السوق
ــــــــــــــــ واعلن صراحه اصغالها كان ماصغيت
واحد(ن) يهايط بالقـــصـــــايد ومطفوق
ـــــــــــــــ يقول انــــــــا نور الشعر كني الليت
واحد(ن) سرق. واحد(ن) يحاول ومسروق
ــــــــــــ واحد(ن) ختـــمــها بالـــــــوزاره لتثبيت
مايامن الدنـــيــا ويســمــــع به البوق
ـــــــــــــ ثبت قصيده قبل معــــــطي ولا اعطيت
واحد(ن) يبي ينــــشر والاعلام له عوق
ــــــــــــــ ماجا على كيـــــف الصحافه وصنتيت
واحد(ن) كتب فـــــي كل نبضه ومعلوق
ـــــــــــــ واحد(ن) يقول انــا ونـا رحت وان جيت
ونا صحيح الفـــكـــــــــر والعلم موثوق
ـــــــــــــ اشعور اباكـــــنه وباقـــــــول كنيت
لامن كتبت ابيــات باســــــوقها سوق
ـــــــــــــــ اما يزين الوضــــــع والاني ماخطيت
واختامها صــلـــو عـلـــــــى اعز مخلوق
ــــــــــــــــ محمد عليه اعداد ماضحيت وامسيت




وسلامة قلوبكم