الى جيتك

الى جيتك تصيف وتجتنب دربي بلا تبرير=والى وقّفت لك ترجع وراك وتعكس السيره
وانا مايوم فكرت اني اكسر حاجز التحذير=ولا نخطي على اللي حالته تصعب على غيره
اسوق القاف بعد القاف واحروفي لها تنوير=واسويها قصيده واضحه ما تقبل الحيره
مجاره مايحاضيها الكذب والشتم والتزوير=تجد بروازها صدق المعاني واحسن السيره
مادام ان القوافي بيننا ماتقبل التكرير= نجود بجودة المعنى ونتيسر بتيسيره
نداري بك من اوهامك ولا نرضا لك التعزير=تمهّل ودي اقل لك علوم السيره والديره
زمان العولمه جانا عساك بكل عام بخير=وحلّت لعنة الشيطان وصابتنا مناذيره
واذا توّهت ياابن الناس بين الورد والتصدير=وتاهت ريشة الفنان عن رسمه وتعبيره
فلا تغدي تحاضي شلة ال والتصفير=طريق اهل الندامه وش تحصل من مشوايره
على ماقالو اهل الشام تقبرني بعد بكّير=عسى في كل تأخيره لنا ياصاحبي خيره

شاعر اذا قال ابدع شاعر وفيلسوف ينثر الكلام كما تنتشر النجوم على صفحة السماء وينشر الزهور والورود كاجمل مايكون على حديقة غناء

الله واكبر ياعلي مبدع ومن قال غير
فلا نامت اعين الجبناء