 |
 |
 |
|
|
|
|
|
#1
23/02/2008, 07:13 PM
|
|||||||||||
|
|||||||||||
محاورة الهمس والسبيه ووصايف والغبيشي
الهمس
بدينا القاف والقاف ابتدينـا بـه وسوينـاه= ترانا نعلـن الترحيـب والتهليـل نبديهـا من الي يحسن الترتيب حرف القاف حكمناه= على نظم القوافي وابحروف الشعر نهديهـا .................................................. .................................................. ............. وصايف تهاميه على بسم الله الرحمن نخيت من الشعر أغناه أببدأ منازلة إبداع و انا افضل من بيبديها تهامية رضعت الدر ...شربت اوزانه و معناه أتحدى جنون الشعر ... واقص اعتى اياديها .................................................. .................................................. ................ الهمس يقول الهمس كم ذيبٍ عوا في البر ثم افناه=اسود الصدر في قلـوه اعقلهـا واثنيهـا الا مني طرقت القاف حروف الشعر تتمناه=ولا من شفت لي ميله ما اخليها واعديهـا .................................................. .................................................. .................. علي السبيه انا يادوب افك الخط واقرا السطر واتهجاه ........ وارى بعض الجمل واحتار مدري وش معانيها ولا اميّز وش المقصد من المكتوب يوم اقراه ........تهجّيت السطور اللي تحيّر عقل قاريها .................................................. .................................................. ........................ وصايف تهاميه سلامي للذي يفهم جوابي من قبل يقراه وعلى كل القلوب اللي بيوتي أثرت فيها على خير و نوايا بيض يسيل السيل من مجراه ندك عروش جن الشعر و ونغلبها فــ واديها .................................................. .................................................. ...................... الهمس قرينا ما كتبتي يا وصايف وانفهـم معنـاه نفسر بالقصيد ابيات ندخـل فـي مثانيهـا ترى حرفي وليد اللحظه بالمعنى يبين اصباه ترعرع في قصيدي واحكم اولهـا وثانيهـا .................................................. .................................................. ........................ وصايف تهاميه على كثر القصيد اللي نظمته في خفوقي آه............. على شيٍ غبن حالي و لكن غصب اسليها على نهر سقاني العذب و لكنه عكس مجراه............ على أرض حوتني حب ... و خلتني وانا فيها. .................................................. .................................................. ........................ الهمس ذبحني روعة ابياتك وغنى القلب ياليلاهشفق قلبي على عيني عشان انه مبكيها وهمي قام يلعب بي الا يا معنده مجراهجروحه في شراييني000 مثبتها ونافيها .................................................. .................................................. ....................... علي السبيه هلا يامرحبا بك ياوصايف والخبر نعناه......... هلا بك ياتهاميه نقدرها و نغليها حصان الهمس لو يعثروباقي الدرب في مبداه.....نقول المهره الحُرّه بيخسر من يباريها .................................................. .................................................. ...................... وصايف تهاميه لا غدى الاحساس و رطه و ما لأمَّـه داعي....... العذر للخافق اللي حب فوق الميـَّـه حب هـذي و باع هـذي و ذي لـها خدَّاعــي..... وبين ذولا وش يسوي اللي بعده نِـيَّه؟ .................................................. .................................................. ................... علي السبيه ابعدي ولا اقربي ماللقدر منّاعي........ابتجيبك قدرتك مادام روحك حيه القلوب اللي سقيناها لنا تنطاعي........واللي يقتلها ضماها مالها من ديه .................................................. .................................................. ....................... وصايف تهاميه ياعلي ... حسبي خفوقي لو يهز اضلاعي........... قمت اطول في سجودي لين يترك غيَّه ابك أنا في وجه ربي ...وان قدر فاقناعي........ قلت جاتك ياخفوقي (قُبــلـة )الجنبيَّـه .................................................. .................................................. ...................... الهمس اصرخي والا اصمتي ما للظا نزَاعي=روحي الي من عطاها عذبتها الكيََـه اصمتي واتشبثي لا تفظحين اوجاعي=لين تبدينا البـوادي وابتبيـن النيَـه .................................................. .................................................. ................... وصايف تهاميه أوف يا رد(ن) كتمته قام يلوي ذراعي....................رد جني و ابن جني من حشا جنيَّه لا تقول و لا تعيد و لا تهز اشراعي........................... خاف لو بيتي ذبحكم كيف اجيب الديَّه .................................................. .................................................. ................... علي السبيه الفتاه اللي لها ما قد طفيت اشموعي.......في خيالي ساكنه واوصافها حوريه راغبه متمنّعه تذهب بعقل الواعي........... لو بتذبحني فداها ماعليها سيّه .................................................. .................................................. ................. الهمس اوف يالنشميه شقت الأسماعـي=وانزفت روح اللي في فؤاده هيًه الحشا متقطع والعيون اتراعـي=السنين ابتذبل في العيون الحيًه .................................................. ............................................ وصايف تهاميه لا يا ذهب و ش قيمتك في زمن زور؟ شرى الحرامي و جيب راعيك فاضي تهون لو هو ضيَّـعك غصب مجبور مير القهر وطّاك للنهب راضي .................................................. .................................................. ................ علي السبيه ماكل من هو فاته الفرض معذور........والزور مايمشي على كل قاضي ضيعت بيت القدس ياوعد بلفور...........واحنا نجادل بين حاضر و ماضي .................................................. .................................................. ............. الهمس يازارعين الورد في بـر مهجـور=غرك سراب البر وقت القياضـي ماتدري انه خالي(ن) وارضه البور=ماتنبت الا الشوك وقت الفياضـي .................................................. .................................................. ............... وصايف تهاميه ابنشدك يامن نظم در منثور...............هو ينفع الظميان ابريق فاضي؟ والا العداله تنحسب لا سطى الجور.... بالخص لو خصمك فها الحال قاضي؟ .................................................. .................................................. ................ الهمس انا القصيد ابداخلي سبعة ابحور=عندي ربوع القافيه والرياضي لاقلت بيت احس بركان بيثور=واحس زلزالي سكن بانتفاضي .................................................. .................................................. ............ علي السبيه وصايف شاعره تتقن حروف الشعر والقيفان......لها يترنّم المعنى لها ترجح موازينه وشعر الهمس ياهوله يغيض ويلبسه شيطان......ويتجبّر كما الزلزال الى ثارت براكينه .................................................. .................................................. ............. وصايف تهاميه سِلـِـمْـت ... ولا سلم قلب الخبيث مطاوع الشيطان.........مريض و نيته سودا ثقيل الروح والطينه حسبها وما حسبها صح... وذا الميدان يا حميدان.........يقابلنا وذا وجهي اذا ما طاح من حينه .................................................. .................................................. ................... الهمس الا ياقوة الله ثار شيطان الغضب بركان= يهز العالم الشعري وينبض في شرايينه رسايلكم عرفنها مجرد ماانقرا العنوان= وباسوي في العاصي علامة وشم وادينه .................................................. .................................................. .................. علي السبيه على الشيطان واعوانه قرينا سورة الرحمن......وهلّلّنا وكبّرنا( العضيم ) وصاف من حينه علامك لا تحاسبنا بلا دعوى ولا برهان ...........مادام ان الخبر مجهول ماتثبت براهينه .................................................. .................................................. ................... وصايف تهاميه تحوم فخاطري فكره .. و لكني أقول أخوان ... و أخزي ابليس و اتراجع واذكِّر شعري بدينه حرام أني لو أكتبها.. وتوافق شيطنة شمران .... يثور الحق وما يلحق....... ولكنَّ العقِـل زيــنـَه .................................................. .................................................. .................... الهمس ابكسر راس جنيك لو انه من ملوك الجان=وجن الشعر اخليهاتصارع مع مجانينـه ذكرت الله وهديت العلوم الي بها طربان=على ماقالوا ان ابليس مايكسر مواعينـه .................................................. .................................................. ..................... علي السبيه رحاة الحرب الى دارت وزاد اتسوع الميدان.......فيا مااكثر مقاتيله ويا مااكثر محازينه نصيحه والنصايح يشتروها بغالي الاثمان ......تجون من الطريق اللي لكم توضح عناوينه .................................................. .................................................. .................. وصايف تهاميه تحاورنا ... ولي فيها مئارب تستر اللي بان ........... أسلي خاطري و أمسح رسوم الهم من عينه يطير الطاير المجروح بدمه في الفضا طربان.......... وكل(ن) يحسده طربان يابخته .. والبخت وينه؟ .................................................. .................................................. ..................... الهمس يعين الله يعين الله على اللي في الحشا مكنون=علوم(ن) لو نطلعهـا تشيبـي يـا التهاميـه اخلي كل صاحي لو قراها يعتريـه اجنـون=وتمسح قصة المجنون باالقصـه الغراميـه .................................................. .................................................. .................. وصايف تهاميه توقَّى المقبله يالهمس ترى بعض البشر يخطون............أخاف انَّـا بنقلبها لعسكر و الحراميَّـه ترى بدري عليك لفوز...وفيني جيش بن لعبون...........ورمياتي فحرب الشعر تجي ميّه على ميَّه .................................................. .................................................. ....................... علي السبيه رحاتك ياتهاميه تدور وحبها مطحون.......وقدر الهمس مايغلا مادام النار مطفيه وانااسيطرعلى الاثنين والاثنين مايدرون.....اسرّحهم واروحهم بوقت الشمس والفيه .................................................. .................................................. ..................... الهمس تكاتفتـم تعاونتـم وقفتـم كلكـم بتجـون=وباسـوي بكـم قصـه خرافيـه دراميـه الا هبت هبوب اعصار قونو حظرة المزيون=بتتساقط سهومه عقـب مـا يفقـد محاميـه .................................................. .................................................. .................. وصايف تهاميه علي......كنك نطقت بشي...وهي أحلام مهما تكون= تجي للظامي اللي احيان يخايل في الخلا ميه تسرِّحنا و ترَّوحنا... ؟؟؟وانا ودي اسألك واشلون= و (غزلان الوضيحي) الحين بأمر الدوله محميه .................................................. .................................................. ........................ الهمس ابا نبهك يالغافل وانبـش باقـي المدفـون=وصايف وقفت لك وابتدت حرب(ن) كلاميه ابعسف لك رقبتك لين تصبح بعدها مغبون=توقف واعلـن التوبـه جنوبيـه وشاميـه .................................................. .................................................. ................... علي السبيه مصيبه لوتبي الجمّا تناطحنا بدون اقرون.......وتتحدا صليب الراس بين الروحه والجيه نعيقك ياغراب البين مايطرب له المحزون.......نعيقك للتشائوم ياغراب البين ماريه .................................................. .................................................. .................. وصايف تهاميه يقول الدين : لا تعتب و لا تشره على المجنون .... وانا لرضاك يا ربي عفيت وشلت ايديَّـه ولكن لو تجي براسي أطيِّح راس منهو يكون........ولكن شيمتي تغلب شجاعاتي التهاميه .................................................. .................................................. ................. الهمس رسمت الخط بيدي والنهايه خطها موزون=نهاياته على ايدي وابشري به ياالسنافيـه اباخليه في كيفه خطامه في يدي مضمون=حسبته واحد منا واثاري الملـه زيديـه .................................................. .................................................. ................ علي السبيه انا مجنون في حب الغواني والعيون اتمون........الى خذتي غصب قلبي فداك العقل ياابنيه من اسبابك سريت الليل الاسود يازريف اللون......وانا صدّقت من قالو ليالي العشق ورديه .................................................. .................................................. ................ وصايف تهاميه حرام اني على قولة ابوي ( اداوي المغبون ):::::::ومن لا جابته عشبه يجيبه البتر و الكيَّه ظبي حر و ملك دنيا وكل اللي رموا يخسون:::::: ما صاده الأسود اشلون يطيح بِرِمْي ذوليَّـه .................................................. .................................................. ................ الهمس انا لو شفت قمريه الاعبها غنا وافنـون=ارقصها وانقزها واثبتهـا وهـي حيـه لكن الحاسره تبقى لعود(ن) مامعاه اسنون=تلاقوا في زمان العولمه حولي وحوليـه .................................................. .................................................. ................. علي السبيه ترى الاهرام مبنيه ولكن( كنزها) مامون.......بعيده عن( يد) العاقل من العربان والعيّه ومن سبّة عصا موسى غرق وسط البحرفرعون...خذ العبره ولا تعجل ترى الايام دوريه .................................................. .................................................. ..................... وصايف تهاميه تبريِّــت الشعِـر لو كان غدى يتبعني الغاوون.......... و آمنت بإلهي اللي حباني حروف سحريِّه تحياتي لتاريخ(ن)مضى لو هو بقى وتدرون..........ورا كل العظام نساء... وانا صفوفي أماميه .................................................. .................................................. ....................... الهمس الا يالعنـة الله لا غدينـا نذكـر الملعـون=لعب في راس حوا واوقعت بونا بمعصيـه خرجنا من ربا لجنه وعشنا في عذاب الكون=وسيف الشعر باسله وباقطع راس ذا الحيـه .................................................. .................................................. ..................... علي السبيه بغى الاعمى من البندر له ارسيفر وتلفزيون....تعشّم يوم قالو به محطات(ن) فضائيه عمت عينه عمي قلبه ولا عاد يملك الا الشون.....ولا به سوق طبه مابلش في حلق عبريه .................................................. .................................................. ................... وصايف تهاميه سكت دهر و تحرينا واثاري هجرته يا عون ........... سرى شيخن بمشعابه ورد بدون راعيَّـه وانا يابن السبيه ادركت وش اللي داخل المضمون........ ولكن قلت في نفسي تكفّر زلته الجيَّه .................................................. .................................................. ................. الهمس سكن بين الرموش وعلقتـه اهدابهـا بالنـون=تهاميـه تهاميـه وتلبـس ثــوب نجـديـه بغت توقف بوجهي واحتمت في جانب المحزون=وخليتـه هـو الطبـال والرقاصـه حـوريـه .................................................. .................................................. ............ علي السبيه اشوف الهمس تتراجع خطاه وكل ماله دون......كما لوكان جته القافيه غصب(ن)وجبريه ويتخبّط ويتهكم وفي سب العرب ملسون ......هروجه مالها معنى تجيني ب الحموضيه .................................................. .................................................. ................ وصايف تهاميه لا تـنـه عنَ خلق(ن) و خلقَـك بلاوي .................. عار على الرجَّال لو ينطق بعيبه وان كان مانت بقدها لا تعاوي....................... كثير عندي تجر لسانه الخيبه .................................................. .................................................. .................. الهمس ان كنت لا تعلم فهـذي لهـاوي=وش عاد لو بين الحنايا تصيبـه ما عاد تدري وين سارح وضاوي=مصيبته يا كبرها مـن مصيبـه .................................................. .................................................. ...... علي السبيه لكل علّه ياوصايف مداوي.....والهمس يعجز عن علاجه طبيبه نويت اودي الهمس للشهارناوي....يمكن يلاقي ف العنابر حبيبه .................................................. .................................................. ......... وصايف تهاميه اللي ثقافاته هروج القهاوي..............................لاتجادله تخسر و تدفع ضريبه واللي ورث من جد جده عراوي.......................... الرنج حلم(ن)لو فنى ما يجيبه .................................................. .................................................. ........... الهمس انا مع التهمان قلبـي هـواوي=واحب صدر التهم ريحه وطيبه بكيفكم والا بكيـف المخـاوي=لابد ماتنساق صدفـه قريبـه .................................................. .................................................. ................. علي السبيه وشلون تنزل للتهم وانت حاوي.....وايديك عادت من بلاها عطيبه تورّط الرجّال بعض الهقاوي .....والتهم من دونه عقاب(ن)نشيبه .................................................. .................................................. .............. وصايف تهاميه ياكم حديث(ن)ضعَّفه ضبط راوي....... و كم جاهل(ن) في الدين ضاع ومشي به و اللي تبع شيطان نفسه شقاوي....... باكر يجيه العلم ..............و اسمع نجيبه .................................................. .................................................. ........................... الهمس الجاهل اللي قام يصدر فتـاوي=حتى الجهل من كثر جهله يعيبه ينقل ويتناقل كـلام الحكـاوي=اظن روحه سلمت لـي منيبـه .................................................. .................................................. ........ علي السبيه ياكملي ابني المعرفه والحداوي......واشتال حمل اهل الضهور الحديبه واللي تضنّينه شبيه الحداوي ........غني بلحنه واطرقي والحدي به .................................................. .............................................. وصايف تهاميه القافلة تمضي عوى من يعاوي............و النمل ثار و ماسمعنا دبيبه ياجاهل(ن) سيفي محنَّك سطواي.......... والصعب أجيب أمه و أبوه و اجيبه .................................................. .................................................. ... الهمس ياهل التهم بعد الخـلا والخـلاوي=سرتم على الحاسوب تبغون هيبـه الفرق واضح يستحيـل التسـاوي=وش جاب تهمان الصدر لأهل طيبه .................................................. .................................................. ...... علي السبيه خيّلت لي وسط السماءبرق ناوي.....منه يشع البحر والبر ضي به واهل المزارع يقنو البر قناوي ......واللي خذا محصول حبه رضي به .................................................. .................................................. ........ وصايف تهاميه أنا أم وافي كان جت للعزاوي....................من قبل اجيبه و كل من يعتزي به ماهمني متشدِّق براس خاوي...................غيرة ضعيف(ن) تحرقه وتصطلي به .................................................. .................................................. ............... الهمس اخاف لاييبس عصب عود راوي=يحتار بين الهينـه والصعيبـه العز بالله ما اعتمدت المنـاوي=ما حتاج عزوه نايفاتي صليبـه .................................................. .................................................. ........ علي الغبيشي بعض القلوب نظاف والبعض غاوي=والمظهر الخـداع أكبـر مصيبـه ماعاش صدق الشعرفي كف هاوي=حتى ولـو دارى بالافعـال عيبـه .................................................. .................................................. .. وصايف تهاميه بعض الحروف سيوف تذبح و تاوي..................في غمدها مافكرّت من تصيبه ياحر طعنات(ن) تجيلك سهاوي....................... كم راعي(ن)نام وغدر فيه ذيبه .................................................. .................................................. ........... علي السبيه يامرحبا ياابن الغبيشي ميات.....واسم الغبيشي كلنا نعرفه نبغا قوافي جيده محكمات......بعض القصايد كنها سالفه .................................................. .................................................. .. وصايف تهاميه يامرحبا باهل العلوم الساميات.......اللي لهم باع و ذراع و معرفه بعض القصايد كنها السم يات.........مع العسل احذر تراها متلفه .................................................. .................................................. الهمس خذ ياغبيشى من قصصهم عظات=واسمع نصيحة واحـدٍ عارفـه بروج طاحت من قمـم عاليـات=اساسهـا واصلابـهـا تالـفـه .................................................. ................................................. علي السبيه ياالهمس وينك فاتك الصيد فات......اقفا به اللي بندقه طارفه يرمي ورمياته تجي صايبات .......مايرمي الا رمية(ن) قاصفه .................................................. ............................................ الهمس الهمس ماله في هوى الهايمات=نفسي عزيزه ما اقبل الناصفه بفعالنا نفخـر وحنـا ثقـات=والشمس تتميز وهي كاسفـه .................................................. ............................................. علي الغبيشي ترحيبة أهل الطيب الوافيات=فاقت تهامة بالسيول الجارفه شعري يجي بدرب العاديات=مؤمن وله مبدأ ونفس ٍ خايفه .................................................. ............................................. علي السبيه الشعر له ياابن الغبيشي روات......قصّد على طرقي ولا تخلفه شرواك ندعي له بطول الحياة......والمنطق اللي نرفضه نحذفه .................................................. ......................................... وصايف تهاميه وبل المطر ينزل و قبْـلَه سمات .............. تـنْـبيك يمَّــا النو أو عاصفه و العمر فجأة ينتهي بالممات............. كم سدرة(ن)ماتت و هي واقفه .................................................. ........................................... الهمس تجمع التهمان بعد الشتـات=واشوف ايادي التهم متكاتفه تطور العالم وهم في سبات=الحوكه والزوليه الناشفـه .................................................. ......................................... وصايف تهاميه وصايف وابداع المعاني خوات........تطرّز ثوب الشعر وتكلّفه تكتب قصايد راقيه غاليات ..........فيها المعاني الزود والهادفه .................................................. ........................................ وصايف تهاميه (تهـمان )في عيــن الضعاف العـداة.............حسرة لناس(ن)دون متـخـلِّـفه و انت ايش مجدك يا سمي البنات؟........ ...من لا يطـولـك يشتِـمَك عجـرفه .................................................. .................................................. .. الهمس بعض النسا بالطبع مسترجلات=وبينهم ضحكـات واملاطفـه مداعبات الحب قبـل المبـات=غير الهوى والعشق والعاطفـه .................................................. ................................................ وصايف تهاميه ويش السواة فـ جارة(ن)ترمي على الجار الحصا و لسانها مر و سليط و من القزايز بيتها + و حمارها ازعجنا نهيق ما يسكت الا بالعصا عرفت اربِّـي حمارها و الجاره ما ربيتها .................................................. ........................................ الهمس تحزمي لي وارقصي والا العصا لمن عصا=تفننني في رقصـة(ن) عشقتهـا وحبيتهـا طبل لها خلك حنون خل الخفايـا ترقصـا=بيديك ياراعي الجنون في خافقـي زفيتهـا .................................................. .................................................. ......... علي الغبيشي يالهمس لا منك غويت اسهل كلامي لك اصا بعض الفعال الناقصة عيبه ليامن جيتها + كنك مدافع في فريق أتعب خصومه واحتصا تعب وجت ضربة جزا وجيت انا باشوتها .................................................. .................................................. علي السبيه يزيد مدح الصقر مابين الطيور ماينقصا......شفت الطيور اشكال قدامي وانا سميتها استنجدت قمرية الوادي وجاها ابوحصى.....وانا بغيت اصيدها وارميتها واخطيتها .................................................. .................................................. ..... علي الغبيشي ياابن السبيه لاعرفت البخل أو طبع القصـا=عادت سهامك صايبه حظ الطيور بصيتهـا قالت كفو من صابني مطلق وضيفه لو نصى=عينه تفـادي مـن حمـى يالله لا أعميتهـا .................................................. .................................................. ....... وصايف تهاميه ياحسديني لضحكتي اضحك وانا بيَّ القصى.....بي حرقة مخنوقة في ضحكتي خبيتها بين اكتئابي و فرحتي جو(ن) حرام تنغِّــصا.....نار(ن) طفاها الله غصب تأثم اذا شبيتها .................................................. .................................................. .......... علي الغبيشي شر البلايا لا ضَحك غادر ولوعوده عصـى=يخطي واسامح والمصيبة علتـي واخفيتهـا ( لاتحقرن صغيرة ً إن الجبال من الحصى )=حفظتها من جـدي احمـد يـوم ردد بيتهـا .................................................. .................................................. ....... الهمس سار الغبيشي ينتفض واما وصايف تنمصا=نار الغضى بقلوبكم شًبت وانـا غليتهـا قام السبيه ينتفض ساعه وساعه يرقصـا=الضربه اللي موجعه في مقتلـه حطيتهـا .................................................. .................................................. ......... وصايف تهاميه اللي في بطنه لحمة(ن)نيه أكيد بتمغصا..........و الحمد لله ماسبق هالمعضله حسيتها يامعاتب(ن)قلب(ن)غني عاف ويعيش بمخمصا...ليش العتب مادام لي حدود ما تعديتها .................................................. .................................................. ............ علي السبيه علي الغبيشي راس قوم فيه المدايح تنحصا.....ووصايف من جزل المعاني الوافيه وفيتها وانا رقيب الهمس يوم الغاليه ما ترخصا ......الى بغى يوقد ويولع جمرته طفيتها .................................................. .................................................. .............. الهمس تغدي يمين تغدي شمال الحيره وين المنيصا=هاماتكـم هديتهـا وبـا الثـرى غطيتهـا جهز عدادك للرحيل واكتب على بيتك وصا=على يد الهمس انتهيـت والكبريـا هديتهـا .................................................. .................................................. ............. الهمس تعالي يا وصايف هات راسك يالغبيشي هات=ابا سـوي بكـم قصـه بطولتهـا تهاميـه ابا شرق وبا غرب وباسوي بكـم دميـات=وبتلاعب بها التهمان في الروحات والجيـه .................................................. .................................................. ........... علي السبيه دعيت اللي يلبون الندى والصوت والدعوات......من اصحاب القدى واهل الندى واقلوبهم حيه وانا مثل الصُدر راسي وله ف ارض التهم فيات......ومن كبره تخيّلها تهامه كلها فيّه .................................................. .................................................. .............. علي الغبيشي ألا يالهمس خبرني وخل اللعب والهوشات ...... تعال وفسر لعاشق حبيبن حب نشميه عطاها قلبه الصافي أمانة وخصها بالذات ..... وظنت خافقه لعبه تكسر وانطفا ضيه .................................................. .................................................. ................ 
 
|
اخر 5 مواضيع التي كتبها علي السبيَه
|
|||||
| المواضيع | المنتدى | اخر مشاركة | عدد الردود | عدد المشاهدات | تاريخ اخر مشاركة |
|
يعين الله
|
منتدى القصائد النبطية للشاعر علي السبيّه | 0 | 6215 | 24/11/2016 04:03 PM | |
|
لو بغيت ارسل رساله
|
منتدى القصائد النبطية للشاعر علي السبيّه | 0 | 5647 | 19/11/2016 12:53 PM | |
|
جفّت مواعيد اللقاء
|
منتدى القصائد النبطية للشاعر علي السبيّه | 0 | 5833 | 16/11/2016 02:09 PM | |
|
يالكاتب
|
منتدى القصائد النبطية للشاعر علي السبيّه | 0 | 5265 | 15/11/2016 09:34 AM | |
|
العفو والمعذره
|
منتدى القصائد النبطية للشاعر علي السبيّه | 0 | 5518 | 11/11/2016 08:28 PM | |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(مشاهدة الكل)
عدد الذين شاهدوا هذا الموضوع : 1 :
|
|
|
|
الإعلانات النصية ( أصدقاء الأكاديمية ) |
|||||
 |
 |
 |
 |
 |
العرض الشجري