الحلوين

هذه القصيده طازه دوبي قلتها وحبيت اسجلها في هذا المنتدى ولو اني عارف ان ماحد بيمر
عليها الا واحد والااثنين مثل الاولات واللي يمرون لهم مني خالص الشكروالتقدير.

ياجملة الحلوين هدّيتم الحيل=وجرّعتم القلب المعذب حسوفه=
الحلوه اللي شعرها يشبه الليل=ووجهها بدره بليلة نصوفه=
في راكز النهدين طب المعاليل=والخصر نحفه يشتكي من ردوفه=
ورمشها اللي كنه الرمح واكحيل=والزين فيها زايداتن وصوفه=
والخدالاحمر يجرحه لمس منديل=والجسم راوي معتدل في وقوفه=
الى التفت هبّة معه ريحة الهيل=ينثر جعوده لين غطت كتوفه=
الهيل يوم الهيل عطر المعاميل=تكيّفت منه القلوب الولوفه=
سنا خدوده كنها بارق السيل=ولمحة عيونه تقتل اللي يشوفه=
في نضرته يطوي مسافات من ميل=والقرب يذبح والقطاعه كلوفه=
ياليتني بااصادفه سيد الجيل=واروى ضماء قلب(ن)عروقه نشوفه=
انا وياه بليل والثالث اسهيل=مشهد رومنسي جهّزته البروفه=
لكن مابيني وبينه مراسيل=هذا السبيه دوم ضده ضروفه=