ابداع الفقراء

لو فى الزمن عدل ومساواة ومفاهيم وقيـم=ما يبدع الجوعى لسلـة مهمـلات الأغنيـا
صحيح مانى فى عيون الناس مشهور وعلم=لكنى أعرف وش حدود الأذكيـا والأغبيـا
لو شحت الأمطار ما نشره على راعى الغنم=واذا تذوقنـا السعـاده مـا نلـوم الأشقيـا
تبلد الأحساس ما جا من فـراغ ولا عـدم=تشوفنا نضحك وحنا وأقشر الحـظ أخويـا
اللى على القمه ترى العالم يشوفونـه قـزم=فلا ينسيه اعوجاجـه باننـا نـاس أسويـا
واللى على باله فى الصحرا بعد يبنى هـرم=ينوخ اركابه وتفكيره تـرى النـاس اذكيـا
رسمت لك ورده ومعها قلب فى وسطه سهم=مفهومها (الدنيا بخير وفيه ناس(ن) اوفيـا)
قلبى وهو قلبى لتقديـرك خذلنـى وانقسـم=رغم انى اكره لحظة الصده وجرح الكبريا
دورت للغالين حولى وأثرى أطرد لى وهم=ليت القلوب السود تاخذ من قلـوب الأتقيـا
الدهر صامت ما يجاوب لا بـلا ولا نعـم=أحيان من زود الحيا وأحيان من قل الحيـا

ليش خاصية التنسيق ما تشتغل معي ؟