عود الربابه

ياجرّ قلبي جرّ عود الربابه=لاجرّه العازف على كل الالحان
غنى مواويله وصوته شجى به=وتمايلت من عزفه اوراق الاغصان
على وليفً حُبه القلب ذابه=ذوب البرد لاهل من وكن الامزان
حُبه غدى نبضه وزاده وشرابه=وحُبه غدى في دنيته كل الاوطان
لو تلتهي عيني وتطرد سرابه=تفداه نضره حايره بين الاجفان
الحب خلا العقل يفقد صوابه=ويتوه مابين الهواجس والاحزان
يلذ في قلبي جفاه وعتابه=مادام روحي تعشقه كل شئ هان
مافي جنون اهل المحبه غرابه=لاضخ حب القلب في كل شريان
عمري بدا به ياعرب وانتهى به=الجادل اللي للمزايين سلطان
مادام ليل الحب قلبي سرى به=مع نجومه في دجى الليل طربان
ارفق بقلبي وارحمه من عذابه=ترى السبيه ياادعج العين غلبان
ياوردة ايامه وزهرة شبابه=وياملك مخلوق في هيئة انسان
تبقى لقصرالشوق مفتاح بابه=وتبقى ربيع العمر في كل الازمان
وفي سماء قلبي غرامك سحابه=تهل فوق الروض الاخضر بهتان
حبك ملك روحي وقلبي سطى به=اموت فيه احيان واحيا به احيان
حتى ولو نشكي عذاب الصبابه=قلبي يغرد لك والاشواق جنحان
غزال ماله ماالخلايق مشابه=والله يعيذه من هوى كل شيطان

الله الله ياعلي

ابداع لا يضاهيه ابداع

صح لسانك ملايين

المشاركة الأصلية كتبت بواسطة زهران

الله الله ياعلي
ابداع لا يضاهيه ابداع
صح لسانك ملايين

.................................................. ....................
الابداع هو في مرورك الكريم واشادتك اعتبرها وسام
وتاج على راسي ولاانا الا قطره في بحرك الغزير
لك مني خالص الشكروالتقدير

ارفق بقلبي وارحمه مـن عذابـه
ترى السبيه ياادعج العين غلبـان
صح لسانك وبيانك وعلى شأنك يا ابو طلال وانا اشهد انك غلبان

وكلنا في الغلب شرق

المشاركة الأصلية كتبت بواسطة العالم المثالي

ارفق بقلبي وارحمه مـن عذابـه
ترى السبيه ياادعج العين غلبـان
صح لسانك وبيانك وعلى شأنك يا ابو طلال وانا اشهد انك غلبان
وكلنا في الغلب شرق

.................................................. ................................
حىالله العالم المثالي شرفت القصيده وصاحب القصيده
وصح بدنك وعلى شانك واشكرك جزيل الشكر على مرورك
الكريم على قصيدة علي السبيه الغلبان

صح لسانك اخوي .. وسلمت يمينك
ابيات رائعة بروعة الكاتب والمكتوب

تحياتي

المشاركة الأصلية كتبت بواسطة صدق المشاعر

صح لسانك اخوي .. وسلمت يمينك
ابيات رائعة بروعة الكاتب والمكتوب
تحياتي

.................................................. ..................................
صح بدنك ياصدق المشاعر وشكرا على مرورك
الكريم وردك الطيب لك مني خالص الشكرروالتقدير

الله الله
ما اجمل هذه الكلمات
وما اروع صاحبها
صح لسانك
وعلى شانك
ابداع
في
ابداع

المشاركة الأصلية كتبت بواسطة صقر الجنوب

الله الله
ما اجمل هذه الكلمات
وما اروع صاحبها
صح لسانك
وعلى شانك
ابداع
في
ابداع

.................................................. ...................................
شكرا على مرورك الكريم وردك الطيب ياصقرالجنوب
لك مني خالص الشكروالتقدير ووافر الامتنان