قصيده فيصل الرياحي في قبائل الجزيرة

قبايـلٍ تسكـن بشـبـه الجـزيـره
جزيـرةٍ تبهـر عريـضـه كبـيـره

والكـل منهـم لـه منـازل وديـره
من ساحل الأحمر ليا ساحـل عمـان

منهم"غامد" ونعم بغامـد اهـل الشكالـه
قيـف شجيـع كـاملات خصالـه

الطيـب فيهـم والكـرم والبسـالـه
إلا وفي وقـت المحاضيـر شجعـان

و"زهران" جن الحرب يـوم الحرايـب
اللـي طعنهـم يـودع ا لـدم رايـب

هبت لهـم مـن كـل طيـب هبايـب
وا لنعـم والله يارجاجيـل زهــرن

و"عتيبـه"نـعـم والله عتـيـبـه
قبيلـةٍ بـيـن القبـايـل عريـبـه

أمجادهـم تعـرف ولاهـي غريـبـه
ليا حل طار المجـد يطـرون عتبـان

ومنهم بني الحارث هل المذهب الزين
كسابة القاله علـى العسـر و الليـن

تاريخهـم معـروف ماهـم غبيـيـن
وا لنعم يإبن الحارث طيـور حـوران

ومنهـم "سبيع"ونعـم بسبيـع دايـم
تاريخهم يشهد لهم فـي القـدا يـم

نقـول حـق ولا نحـب ا لظـلايـم
يستاهلـون المـدح والنعـم سبعـان

و"قحطان" ساس الأصل نعـم القبيلـه
أفعالهـم مـن غيرهـم مستحيـلـه

بالطيب عـدو كـل عيطـاء طويلـه
وا لنعـم والله ياصناديـد قحـطان

والنعم "با الاشراف" نسـل الصحابـه
الديـن فيهـم وا لسخـاء واللبابـه

والعرف والمعـروف شـدوا ركابـه
والنصح والارشاد عن كـل عصيـان

وأولاد وائــل نـعـم والله قبيـلـه
أهـل الفعايـل والعمـوق الاصيـلـه

منهـم ملـوك يكسبـون ا لنفيـلـه
اسم(عنزه) في قمـة المجـد عنـوان

و" شمر" ليـا عـدت فعـول النحايـا
وا لنعـم والله يـارجـال ا لطنـايـا

حمأيـة القالـه سـهـوم المنـايـا
نقولهـا فـي حقهـم سـر وإعـلان

والنعـم "للعجمـان" مافيـه معـروف
قول وفعل ما تنفـع نقـاط وحـروف

مجـدٍ تعـلا كنـه سهيـل مشيـوف
دليلنـا فـي مدحهـم فعـل راكــان

و"مطير" حمران النواظر هـل الجـود
تاريخهم من قبـل واضـح و معـدود

مجـدٍ مثبتـة براهـيـن وشـهـود
ماينجحـد مجـد وأهاليـه مـطـران

ونعمٍ "بحرب" ليا طرا طاري الأمـداح
أهل ا لموا قف كـل ماصـاح صيـاح

حرابهـم بالنـوم ماهـوب يـرتـاح
من ضيمهم مايمـرح الليـل سهـران

و "سليم" أهل مجد مسجـل بالاسطـار
ذربين أهـل قالـه وبالعـرف شعـار

وأظن هرج ا لصدق مايقبـل إ نكـار
أخذ الأدب والعرف من روس سِلمان

وجمع "الدواسر" ما بهـم قـول قايـل
دوسـر جمـل يشتـال كـل الثقايـل

باسمـه تسمـوا والفعايـل دلايــل
غـدران مـوت ماتحلـى بـغـدران

و"بني تميـم" اللـي فخرهـم مقيمـي
ود ليلنا قول ابـن صقيـه ا لتميمـي

يدري بهم مـن كـان قلبـه فهيمـي
أ خبارهم شاعـت لحضـر وبـدوان

وأيضا "بني خالـد" عـذاب العنيـدي
جو من سلالة "خالد ابـن الوليـدي"

قـول محقـق مانقـول ا لسـريـدي
نقرأ ونبحث لين نـدري بمـا كـان

و"عسير" عسرين علـى كـل طمـاع
سباعٍ تعشي سبـاع الأقـذال بسبـاع

السيـف بيديهـم مخلـد ومـطـواع
ورمـاه ليـا رد النظـر لام نيشـان

و"شهران" مشهورين والجـد شاهـر
الكـل منهـم فـا لمهمـات مـاهـر

طيب ليا عـدوا هـل الطيـب ظاهـر
معـروف مايطويـه بعـد ونسـيـان

و"بالقرن" قرن الموت شرابـة الـدم
حرابهـم يسقونـه الصبـر والسـم

في روسهم شيمـه وعـادات ولـزم
ما ينحصـي تعريفهـم عبـر قيفـان

وأيضا "بنـي مالـك" ذكرنـا فخرهـم
الطيب طـوع يـد ينهـم ماعسرهـم

ليا ماجت أمواج البحر مـن بحرهـم
بحر يكز الموج مـن غيـر جيـلان

والنعم "بالأحمـر" علـى كـل حالـي
في كـل صعبـات اللـوازم رجالـي

شوامـخ ماهـم بـجـرف هيـالـي
كسبان ياحايز علـى المـدح كسبـان

و"شمران" ليا شمر عن الساعد الثوب
حرابهم يقفـي مـذ لـل ومرعـوب

كم كدروا يوم الكـدر كـل مشـروب
ياهل الوفاء محد جحد فعـل شمـران

والنعم"بالأسمـر " ليـا حـل طــاري
شمعة فخرهـم ماذرتهـا ا لـذواري

يروون صفحـات القنـا و الشبـاري
ويوردون ا لسيف لاصـار عطشـان

وصبيان"يام" أهـل العمـوق العريقـة
ستر ا لضعـن يـوم الايـادي طليقـة

ما تختفي عن عيـن عاقـل حقيقـة
يام ا لحرايب يوم سوقـات الاضعـان

والنعم والله فـي رجـال"ا لشـرارت"
الطيب له فيهـم مـواري وامـارات

أهل ا لمراجل يـوم الأيـام عسـرات
الكل منهم يجلـب ا لـروح قربـان

أيضا" بني هاجر" كفـوف الأسـودي
يثبت لهم في كـل عليـاء وجـودي

قول عليه الفعـل الأبيـض شهـودي
وا لصـدق قايـد للمعانـي وقبطـان

ونذكر " بلي" بلواء على كل عاصـي
ليا جاء نهار فيه شيـب ا لنواصـي

رجالهم ينطـح خشـوم ا لرصاصـي
ليا طار سترالوجه عن دعج الأعيان

وأيضا "جهينه" عزوة باسهـم بـاس
نطاحة ا لغاره علـى قـب الأفـراس

أمجادهم من يوم خلقوا علـى سـاس
بيت جويـد مـا نخلـع فيـه بيبـان

وأيضا"السهول" لهم مواقف وتشجيـع
يطوعـون ا لـضـد لازام تطـويـع

ويقال عنهـم انهـم حلـف لسبيـع
ذولا وذولا نعـم وافـيـن الأفـنـان

وأيضا "الظفير" أهل الظفر والمدايـح
يوم الثميـدي مثـل وبـل الروايـح

ارجـال مافيهـم غمـوز وقـدايـح
منهم زبون أهل لمقاصيـر "نومـان"

وسفيان من قبل النبـوه لهـم بيـت
صحيح لا ازل بكلامـي ولا اخطيـت

قريت في كتـب التواريـخ وأوحيـت
سفيان سلسلة العريب ابـن سفيـان

و"طويرق " أهل الشيمـه المستديمـه
واهل الوفاء واهـل اليديـن الكريمـه

للجـار عـز وللمـعـادي هزيـمـه
اقولهـا مانـي بـراعـي تـلـوان

و"هذيل" أهل غيره ومذهـب وجيـره
وميزاتهـم مـن غيـر هـذا كثيـره

وليـا قـدح للحـرب قـادح ذخيـره
تلقـى مقاديـم الرجاجيـل هــذلان

و"قريش" مجـد قريـش كـل درابـه
قوم الرسول وقوم بعـض الصحابـه

ومجد تعـدى الهاشمـي وشنبابـه
اللي من قلـوب البشـر زال الادران

و"ثقيف" مـا يحتـاج نذكـر فخرهـم
ما دام "ابن يوسف"على طول منهـم

يكفيهـم "الحجـاج" مجـد شهـرهـم
بالكتب والتاريـخ فـي كـل ديـوان

و "بني رشيد" مـن القبائـل يعـدون
ليا جت مجـالات المواقـف يبـدون

يبنـون بنيـان الفخـر مايـهـدون
واللي نقدهم مامعـه علـم بخصـان

ونذكر "بنـي مـره " ونعـم آل مـره
للجـار عـز واللمـعـادي مـضـره

واليـوم فـي نعمـه وسـره وقـره
بين الثلاث اللي خذتهـم بالأحصـان

والمعـذره يـا واسعيـن المعـرفـه
إن غاب عن تفكيري أحـد ما اعرفـه

للشعـر تصريـف وللهرج صـرفـه
ولايتجـازى الناسـي إلا بغـفـران

الشاعر/ فيصل الرياحي

سلمت يمينك على هذا النقل اخي الكريم سعود

نقل رائع بروعة الكاتب والمكتوب
صح لسانك ... وسلمت يمينك
لا هنت يا الغالي
اجمل تحية لقلبك
محبك ومغليك
صدق المشاعر

والله ياسعود الف نعم فيك وفي كل القبايل
واشكرك على هذا النقل الرائع
الذي احسنت اختيارة
من حسن اخلاقك
ولك من الشكر الجزيل


اخــوك الـــشــمـالي

المشاركة الأصلية كتبت بواسطة العالم المثالي

سلمت يمينك على هذا النقل اخي الكريم سعود

الله يسلمك ويغليك
سعدت بمرورك اخوي
لك ارق تحيه

المشاركة الأصلية كتبت بواسطة صدق المشاعر

نقل رائع بروعة الكاتب والمكتوب
صح لسانك ... وسلمت يمينك
لا هنت يا الغالي
اجمل تحية لقلبك
محبك ومغليك
صدق المشاعر

الروعة في مرورك اخوي
يسلمك ربي ويحفظك
لك جزيل الشكر والتقدير

المشاركة الأصلية كتبت بواسطة «.•°*° الـشـمـالي«.•°*°

والله ياسعود الف نعم فيك وفي كل القبايل
واشكرك على هذا النقل الرائع
الذي احسنت اختيارة
من حسن اخلاقك
ولك من الشكر الجزيل
اخــوك الـــشــمـالي

ماعليك زود اخوي ووالنعم فيك وفي كل القبائل
تشرفت بمرورك العطر ياالغالي
الشكر لك اخوي لتعطيرك الصفحة
لك من التحايا أعطرها
أخوك سعود