معذره يابطل

الاخوه الاعزاء

هذه القصيده قيلت بعد اعدام صدام حسين رحمه الله ..وكان ردها من الشاعر المبدع الذبياني ... واتمنى ان تنال رضاكم واستحسانكم .. ولكم التقدير والاحترام من ا خوكم البرق اللامع ...

*
الــبـــدع: الــبـــرق الـــلامـــع
*
معـذره يابطـل مانملـك الا نقـول انـك بطـل
بان وجهك وشعشع يوم غيرك تدرق فـي قناعـه
والتبس حلة اهل الذل والمسكنه واهـل الخـوان
حي من عاش فارس في حياته ومن قد مات فارس
سطر اروع مثل لاجيال تفخر تقـول انـا عـرب
الحسافه لمثله يوم حدد مصيره فـي ايـد خايـن
وحاكمه بوش بلسان الـذي بـاع دينـه والبـلاد
ألله ياصبر بـو عـداي ياقلـب قاسـي مايلينـا
ماأرتجف من حبال العار في يوم عيد المسلميـن
ندري ان التواريخ القديمـه تلـون بيـد حاضـر
وان ذاك العدو يبقى عدو لو تمـر ابـه السنيـن
الله يرحمـك ياصـدام ياسيـف بغـداد المذهـب
الله يرحمك ياصـدام عـد الـذي لبـى وطـاف
والله مازاد قتلك عندنا غيـر حبـا لـك وقـدرا
وان صـدام منقوشـا علـى ذاكرتنـا والقلـوب
من تشمت ويرقب جثتـه بعـد مافـارق حياتـه
علمـه وش تفيـده بعـد موتـه وتنكيلـه بهـا
*
الـــــــــرد: الــذيــبـــانـــي
*
انت شاعر بيانك سحر والشعـر سحـراً مابطـل
الك وجهة نظر والناس كـلاً يعبـر عـن قناعـه
واختلاف النظر عادي ويحصل كثير مع الخـوان
دعك من بوعدي لا تنشغل وانتظر هجمات فارس
وارفع ايديك واطلب رد كيـد الاعـادي وادع رب
لو ماشفت الحريق ادري به اليا لمح شوفي دخاين
الذكـا مـن نصيـب الاذكيـا والبـلاده للـبـلاد
والله انا نشوف ان الزمن مـال واحنـا مايلينـا
ولهوى النفس نبقى مهطعين الرؤوس ومسلميـن
عدّنا عند نظم الشعر واسمع غنانا في المحاضـر
فالوجوه اطيب امن الطيب وفي القفا حـداً سنيـن
ماذهب فكرنا لكن بفعـل الغـزاه اصبـح مذهّـب
والضمير الذي كنـا نناديـه مالبـى !!! وطـاف
و ان بغيت الحقيقة كل شيـاً ولـه حـداً وقـدرا
واحنا فاخر زمن ماهو غريـب التغيـر والقلـوب
الزم الصمت والدرب الخطر لا تجي من منحياتـه
وموازيـن الايـام احـذر اتطفـف الكيلـه بهـا

تحياتي