مقتطفات

الوالد الله يرحمه ماني حافظ من قصايده الا القليل وكان يروي لنا بعض
القصايد مع مناسبتها لكن نسيت اكثرها يقول مره وهو في الوادي مع واحد
من رفاقته كانو يتصيدون قال قصيده ماني حافظ اللي البيتين الاخيره يقول فيها:
+

بيّحت بارود الغرب في الوباره
واليوم جانا الصيد وش عاد نرمي به

+
ومره مر عليه ابورزق وهو يتعلم السواقه وكان معه سياره هيلوكس 77
قال له ابورزق قصيده ورد عليه ولاني حافظ الا البيتين الاخيره من البدع والرد
يقول ابورزق:

الى مظا دوقه مابقا مثيل الكف ارميل
والى مضا من حدب ناوان هولك سدوره

رده عليه الوالد وقال:

امضي من الطلعه والا وانّي ارى الكفر ميل
مانبغي المرسدس يالله بهولكس دوره

.
ومره في حفله في الجوفا وهي مسجله في شريط ان حصلت على الشريط
سجلت القصايد اللي فيه وكان الشعار الوالد رحمه الله وابورزق واحمد ين صالح
ولا ادري من معهم زياده اذكر قصيده بدعها الوالد يقول فيها:

ياابورزق الله يامر بتحكيم الكتاب
كل بابً له جواب
قال الاول ماعلى كل مغلوبً ضحيه
وانت لاتنشب تقل وان ربي قالها

رد عليه ابورزق لكن ماني حافظ الا البيت الاخير يقول فيه:

والفتن ماربّحت كل ربّيقا لها