ولهت لحبيبي ...حنيت له شوقي فضحني

(المعذرة لوجود اختلاف في عناوين القصيدة_لكني لخبطت فيها شوي)
العنوان
عرفت ان الوفا دمعه

عرفت أن الهنا لحظة عرفت أن الشقـا إنسـان
وعرفت أن أجمل احساس الشقا عنوان مافينـى

عرفت إني بلا فرحة بـلا ذكـرى بـلا عنـوان
عرفت أن الوهم دربـي ولا بـه مـن يقدينـي

عرفت أن الوفـا دمعـة حزينـة كلهـا وجـدان
عرفت أن العيون اللي بكت لـي جـت تبكينـى

عرفت اعانق آهاتي واجسـد لوعـة الحرمـان
عرفت أن الهموم استوطنتني نار تكوينـي

عرفت ابكي من الفرحه عرفت اضحك من الاحزان
عرفت أن الدموع ارحم واصدق مـن يواسينـي

عرفت الإنتظار اصعب عرفت أن الوعـد خـوان
عرفت إني معك لامـن بغيـت انسـاك تغرينـي

عرفت أن الألم حالـة غريبـة تشبـه البركـان
عرفت انك مثل حلمي هويتـه لاجـل يشقينـي

عرفت أن اللقا مثل السـراب يناظـر العطشـان
عرفت أن الوداع أخـر حـدث بيـن المحبينـي

عرفت اساير الواقـع واسامـر بالوهـم خـلان
من أول مابـدا نزفـي يترجـم غربـة سنينـي

عرفت اشياء كثيرة من صغر سنـي اليـن الآن
عرفت أنك كبير بالغلا بس طحت مـن عينـي

عرفتك مع ضروف الوقت وتمنيتك تكون إنسـان
ويشهد كل عـرق يحتضـر باقصـى شرايينـي

عرفت أنك مجرد حلم وعرفت أن الغـلا ماكـان
عرفـت أبنـي لـك إحسـاس حتـى هدمتنـي

وش اكتب عن نهاية قصة مضمونهـا النسيـان
نسيتك من سنيـن و انسـي أذا فعـلاً تحبـني

عزاي إنـي كتبتـك بالقوافـي أعـذب الالحـان
وعرفت أن القصيد اللـي كتبتـه مـا يعزينـي


منقوووول