الذنوب

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

لو كان قلبي ناب واسلم عن هوى الدنيا وتاب=ماكان لي في قاعتك ياحضرة القاضي حضور
ياحضرة القاضي ترى ماللذنوب الا العقاب=الا الذنوب اللي شملها العفو من ربً غفور
استغفرالله عد مخيال السحايب والضباب=واستغفرالله عد فوج الحج في وقت النفور
عد البشر عد الشجر عد السمك عد الدواب=وعداد ماربي خلق من كاينات ومن طيور
لو قلت باعاتب ذنوبي مايفيد ابها العتاب=اشتلت وزري واثقل الكاهن وانا حيلي قصور
وقلت باب التوبه فاتح واستهليت الجواب=ياعلّي اتناول كتابي بااليمين يوم النشور
ياقلبي استغنم شبابك وانت في عمر الشباب=احذر مغرّات الحياه خلك على الدنيا صبور
سفينة الاوزار تتوجه على مرسى العذاب=تلعب بها امواج الخطا والذنب مابين البحور
ماترتوي عين الضماء مهما تناضر للسراب=واللي يسلّم ذمته لبليس يورده الفجور
والوقت من يستمهله يعميه عن فعل الصواب=ولا هوى سيف الزمان الا على قص النحور
قالو الجزاء قدر العمل بين العقوبه والثواب=والنار فيها الموبقات وتلتقي في الجنه حور
من طاع واستسلم لذنبه خاب في عمره وعاب=ولا يحصّل فايده بين الموارد والصدور
ولا يملي اعيوننا يااذنوبنا غير التراب=ما تحت سير اقدامنا يااذنوبنا غير القبور