قصيده بدون مناسبه

هذه قصيده ارسلها لي شاعر اسمه عبدالله بنان في احد المنتدايات
المجاوره ولا اعلم عن مناسبة ارساله القصيده لي رغم اني ما سبق
وتحاورت معه ونزول تحت رغبة الوسيط الذي تم ارسال القصيده
عن طريقه رديت عليه

قصيدة:عبدالله بنان
.
ياالله قصدتك وانت لي خيـر مقصـود
يـا الله تجنبـنـا دروب الفـواحـش
.
ومن عصا موسي اصبح البحر كا الطود
واصبح جسد فرعون على الموج رايش
.
ويقـول بـن بنـان والعلـم محـدود
احوش في سوق المكاسـب حوايـش
.
المرجلـه ماتقبـل النقـص لـلـزود
اشـوف وتشوفـون مثلـي غشايـش
.
ناس(ن )تجي ما الباب وتعدها اعـدود
وناس مـا تعـرف يكـون الدرايـش
.
ونـاس نعرفهـا لنـا مكسـب وفـود
وناس(ن)كما الانعام ترعي الحشايـش
.
وناس للفتنـه كمـا اتـروح وتعـود
المستحـي يبلـش معاهـا بـلايـش
.
منته علي الاصـلاح يـالاش معهـود
غريب في طبعك وفيـن انـت عايـش
.
انته عن التاريخ بـا الفعـل مجحـود
متي تصيب الشـاره والرمـي طايـش
.
انا ابغي احرث يوم للـزرع محصـود
والمشكلـه متعجـرف الثورحـابـش
.
شف وش قالت الامثال ياكل مضهـود
لاوالله الاعليـهـا تجـنـي بـراقـش
.
وختامها لامـت فـا البعـث موعـود
يوم الجبل يصبح كما العهـن منفـوش
.................................................. ..................

قصيدة الرد:علي السبيه
.
اقول يالله عد ما ذعذع النود
وعداد هتّان المطر والرشايش
.
العود الازرق ماشبيهه ولا عود
والقصر ما يشبه لبني العشايش
.
بعض البشر ماعنه ناشد ومنشود
جثمان ميت فوق بيض النعايش
.
انا ترى قايد للضباط واجنود
وللجنود على الخفاره دقايش
.
جندي وحضه بين الافراد مقرود
والى عصاهم يضربونه بقايش
.
قلبه من احوال المخاليق ملجود
لكن بعض الناس مثل الدبايش
.
الزير لهل الحرب لا ثار عبرود
والصفق ميزت لابسات الغوايش
.
والكفو سيد قوم واللاش مسيود
وعلم واضح مايبي له نقايش
.
خذها نصيحه لا تدور لمنقود
الضرب يغدي باالعضام الهشايش
.
هذه افاده ياالذي تطلب الفود
المارد ماله من سمانا عرايش
.
نعطي ونتصدّق وللعالم انجود
ولا بننبش كل معنى نبايش
.
جاك القصيد اللي كما العقد منضود
ما فيه معنى من معانيه لايش