هل أنت مرجوج؟؟ تعال واعرف بنفسك

السلام عليكم ورحمة الله وبركاته

مساكم الله بكل خير،،،،،


....اللي يدور رجه وما صارت له....
...اللى يحلم بالرجه ..و ما تحققت رجته.....
..إليكم يا اعضاء المنتدى المرجوجين و الغير مرجوجين؟
هل أنت مرجوج ؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذا الاختبار النفسي ..


السؤال الأول

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك ؟؟

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة
منسمة تبين تخترقيني .. .. بس على مين أنا
2- توخر النملة عن وجهك و تنتفها وانت تهزأها
3 - تخلي النملة تدخل خشمك...عادي




السؤال الثاني

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسيير في الضحى على أم جمعان .. ماذا تفعل ؟؟

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقوم تضحك
2- تجي بشويش من ورى أمك وهي سرحااانة وتصرخ في أذنها وتقول : مسااااك الله
بالخير .. وطبعاً هي بتنفجع وبتقول بسم الله عليه وتهزأك
3- تطلع غرفتك وماتسوي شيء..مؤدب





السؤال الثالث

انت توك مقيل وماخذ لك قيلولة على كيف كيفك ونااازل الصالة إلا وتشوف اخوانك الصغااار عند سبيس تون طااايرة عيونهم .. ماذا تفعل ؟؟

1- تجي يعنني تكنس وتغطي عليهم التلفزيون <-----<
2- تجي يعنني بتشبك شاحن الجوال وتقوم تفصل فيش التلفزيون .. وتقول : أوه آسف
3-تقعد تتفرج معهم





السؤال الرابع والأخير

بعد العشاء اشتهيت تويكس ونزلت تشتريه من البقالة ولقيت سيارةصاحبك عند باب البقالة
1- تنسم كفراته الأربعة
2- تسلم عليه وتلزم عليه يعزمك على العشاء
3- تشتري له تويكس معك








النتيجـــــــــــــــــة

أعط نفسك لكل اجابة رقم واحد 3 درجات ..
ولك اجابة رقم 2 درجتين ..
ولكل اجابة رقم 3 درجة وحدة ..






نتيجتك من 9_12


أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تدهن راااسك بزيت سيارات ثمانين مرة بالثانية وإن شاء الله ماقدامك إلا العافية



نتيجتك من 5_8

أنت مرجوج بس على نذااالة شوي ..
مستوى رجتك معقول لكن لا تستخف دمك كثير لانه باقي شعره وتصير مرجوج رسمي..
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
كل ضب قبل الغدا مرة في السنة لانه يساعد على زيادة هرمون العقل والثقل في المخ





نتيجتك من 1_4


يا أخي انت منت في الدنيا .. ميت والناس حيين ..
انتبه على نفسك لأن أهلك احتمال ينسووووك وانت عايش


الله لايهينكم صلحو الاختبار واتحفونا بالنتائج،،،

يا انك مرجوج هههههههههههههههههههه

اقتباس:
المشاركة الأصلية كتبت بواسطة امير القلوب
يا انك مرجوج هههههههههههههههههههه


يعطييييك العافية ..
اشكرك على المرور..