يمه ....................يمه

بسم الله الرحمن الرحيم

السلام عليكم ورحمة الله وبركاته

حبيت ان تكون أول مشاركه لي في هذا المنتدى بقصيده عن الأم

اتمنى ان تنال اعجابكم


ياشاربه مري من الشوق للشــــــــــــوف
تسعة شهور وتحمليني بجوفـــــــــــك

حتى منامك مهتنيتي من الخـــــــــــوف
لاتتعبين اللي غدى فيك شوفـــــــــــك

من داخلك شلتيني براحة كفـــــــــــوف
اطهر كفوف ٍ لامستني كفوفــــــــــــك

دمك غذا قلبي وجا منك مصـــــــــروف
سعد الهنى ياطيبه اقوى صنوفـــــــك

يمه ترى دمعي لفرقاك مــــــــــــذروف
في داخلي يذبح من الود نـــــــــــوفك

يمه نظر عيني ترى سار مكفـــــــــوف
ودي بشوفك كل شوقي عطــــــوفك

حتى شفاتي نشفها الريق معـــــيوف
تبتل في رجلك تقبل وقوفـــــــــــــك

وعضمة لساني نادتك نطق وحـــروف
لاياهنا اسم ٍ غدى في حروفـــــــــك

ياراعية قلبي هلا فيني ضيــــــــــوف
لطيب قلبك ساقني في ضيــــــوفك

ياشمس يانوري انا منك موصـــــــوف
في غيبتك دنياي عافت خســـــوفك

نورك يخليني قمر شي معــــــــروف
يكمل بقربك ياكسوفي كســـــــوفك

همك جروح وهمي الدم مــــــــنزوف
وانا سبب جرحك وكامل نــــــــزوفك

يمه سماحك والوفى فيك مطــــروف
ورضاك لي مايوم زاره حســــــــوفك

لو شبت انا لك توني لين غضـــــــروف
هذا حنانك ما تعيقه ظروفـــــــــــــك

امي ولمي خيرك بقلبك صـــــــــفوف
والحكمه بقلبك قيادة صفوفـــــــــــك

منك العطى كيف الجزى مني سنـوف
كلي انا طاعه لخدمة سيوفــــــــــك

طلبت ربي وبطلبه حل وحلــــــــــــوف
ودعاك ما يحجب عن الله حلـــــــوفك

يارب مكه واللي بها لجلك يطــــــــــوف
دخيل وجهك يالله تعالت وصوفــــــك

تجعلني درع امي من الضر والخـــــوف
وقلبي حجاب ٍ للضرر من رجوفــــــك

يالله لا تحزني على من غــــــدى روف
وياقلب هي دمك وسبة نشــــــوفك

لاتحزني يمه لو يجيك مظـــــــــــروف
يحكي خبر موتي ويحكم ظـــــروفك

الله كتبني فدوة عيونك والكفــــــــوف
عيشي وانا كحل لعيونك وشــــوفك