مايتقن الشعر غير أهل العقول المكينـــه "ابن السبية"

أرجو الرد من شاعر الأكاديمية على السبيه
الشعر فرق جمل من مبتــــــدا لا خبرها=
والشعر قاسي وشعر" جا لصاحبه مليون=
ماهو لمثلي مشوش دون توجيه الإريــــال=
مايتقن الشعر غير أهل العقول المكينـــه=

الرد:علي السبيه=
.=
حكاية الزئبق الاحمر وصلني خبرها=
مكينة(ن) ماتجي بريال سيمت بمليون=
كلن يبي يجمع امواله ريال(ن) ورى اريال=
والسوق مزحوم كلن فوق كتفه مكينه=

صح لسانك
استلم
يا حسبي الله يابن عمي على من نشرها=
سمعت بالزئبق الأحمر و حبيت ذا اللــون=
ورحـت سوق المزاد وصرت به شيخ دلال=
لا قالو بع بعت لي ولا قالو اشـــري شرينه=

صح بدنك واسف على التاخير انا رديت عليك وطلعت من المنتدى مادريت انك ابتواصل

الرد:علي السبيه=
.=
الغيب عند الله الوالي على من نشرها=
والناس ماعد من اسباب الخساير يذلون=
ترى الاشاعه لها ناقل وناشر ودلال=
اشغلتم الناس في ذا العلم ياناشرينه=

صح لسانك يا اخوي علي
استلم
طلقت ما ادخل لسوق الهم وادخل تجرها=
ضليت ضليــت وابنــي ادم تراهــم يضلون=
يا ابن السبية بـــن آدم غرته كثــر الأموال=
مغرور و العاقبـــه دايـــم تجيلـــه مشينه=

صح بدنك طال عمرك

الرد:علي السبيه=
.=
الى متى الناس ياسوق الخساير تجرها=
وفاحم اللون الاسود مايعود ابيض اللون=
السوق مايل ولا عاد ياتعدّل باالاموال=
همّشتم المشترى والبيع ياهامشينه=

ابداع والله ابادع ...

الله يعطيكم العافيه وبيض الله وجوهكم ....

محاوره رائعه لكم خالص تحياتي .

صح لسانك يا سفير وصح لسان ابن السبيه واصلوا الإبداع لا عدمناكم ..

الله عليكم ابداع بمعنى الكلمه .. اعجبني تركيز البدع والرد على موضوع واحد وهذا يدل على قوة وتمكن الشاعرين .. لكم خالص شكري وتقديري

بدع ورد لا مثيل لها

والسوق مزحوم كلن فوق كتفـه مكينـه