العقل وسواليف محشش

اولا نحمد الله الذي من علينا بنعمة الاسلام وحرم علينا الخبائث ومن ضمنها المخدرات فقد اكرمنا الله بنعمة العقل وفرقنا عن البهايم بهذه الصفه احين تفقدها برضاك ماذا تكون؟ وكيف تتصرف؟
اكتب هذا التصور الفكاهي لنعمة العقل وعندما يكون الشخص فاقد ويخرج من كلامه من رابط إلى رابط اخرهههههواليكم قصة رجل يحكي قصته0
كنت سهران وطلعت الصباح بدري وبدري من البدر الي بالسما وموبدر الي في افتح ياسمسم وما ادري ليه سموه افتح ياسمسم كأننا بالجنادريه والجمال الي تعصر السمسم وما ادري اطالع الجمل والا اسمع ابو نوره لانه يطربني بصوته الجميل وتذكرت اغنية ليلة خميس كنت اسمعها بالسياره رغم ان في ذاك الوقت مامعي سياره لاني صغير وابوي ما علمني وقتها لانه مايعرف يسوق اصلاً وكويس اني ماسقت وانا صغير والا كان بسوي مثل الشباب اللي يفحطون لأن تفكيرهم صغير وسببو حوادث ومشاكل والشوارع عندنا صغيره وزحمة الناس وفي زحمة الناس صعبه حالتي مشوار عشر دقايق اخذه بساعه ليش ؟مفروض يسوون قطار سريع بس القطار اشلون يرجع ريوس واكيد بيحطون سواقه بنقالي ونبلش واذا فاتني القطار مشكله يحسبوني عانس حرام كل العنوسه بأسباب الرواتب والبطاله وطلبات البنات كوشه وقصر ومطربه تغني ساعتين بعشر الاف ليه ؟كلمات خالد الفيصل على غفله وايجار وبلاوي متلتله عشان كذا الشباب ايه وش بغيت اقول ايه الشباب صراحه فنان وعبده عطيف يعجبني وابوي توه تحسف على طقه لي لما كنت زمان العب كوره والا كان الحين راس حربه والحربه كانت تستخدم في الحروب ماشفتو الزير سالم مو اللي يدق الزير اللي يدق الروس 00000000 مابغى اطول عليكم والا بتتعبو ماخلصت انما احب اذكر بنعمة العقل مو عبدالرحمن العقل الممثل وفيه برضه ضرس العقل خلاص خلاص دمتم بعافيه هههههههههه