الجو فله والمشاريب مجان

الجـو فلـه والمشاريـب مجـان=والليـل تـوه مستـوي بالوناسـه
الحق وهز انكان في البست نسوان=وان كان مابه سكرتـك بنتكاسـه
هذي وساوس شيطنة كل شيطـان=وهو فرحته لامن قلب كل طاسـه
والصدق راسن يتبعه دوم منهـان=واليا سلم راس(ن) من الدق حاسه
شيطان يلعب له بشيب(ن) وبزران=والـروس تدربـا وراه بخساسـه
خلا الثياب لهم على شكل فستـان=مخصر مطـرز ولاهـو مقاسـه
وجاب طيحهم ومسموح وان كـان=تقـدر تقلـد غربهـم بالنجاسـه
وكل مال الجيل يقنـع بالازمـان=قالو تطـور واكبـه مثـل ناسـه
هذا البلا والله مـن قـل الايمـان=والوازع الديني تخلخـل اساسـه
خلو حرام الدين في حلـه يبـان=واللي حطب للنار يرضى بفاسـه
والحر تلقى دايم (ن) كلـه ايقـان=ان الحيـا تفنـي ودنيـا طفاسـه
من تربية شيبانه اللي لهـم شـان=قالو لـه القـرآن كـل الدراسـه
في همه الاول يبي يرضي اثنـان=امه وابوه اللـي حرقهـم يباسـه
ومرضي الله يطلبه كـل غفـران=ويخاف عقب الدار لاشاب راسـه
مؤمن بأقرب شي يهديه الاكفـان=ومؤمن بطينن منه في العمر داسه
يدوس شي منه مخلـوق الانسـان=ويدري انه فـي النهايـه لبـاس
الفرق واضح لاغدى لـي تمعـان=والكل يعرف ويش معنى الوناسـه
*****=*****
الـحـقــوق =مـحـفـوظــه