صمت جدران

الليل كاسة عصير وطاولات وصمـت جـدران=وآنا على الطاوله جالس وحيد وحولي شمـوع
جلست في ايدي قلم وأوراق بس منهك وتعبان=ولا زهابي سوى صدر(ن) حزين وقلب موجوع
وقلت بارسم واصور حالتـي واختـار عنـوان=ولا انتبه لين يطلع ما رسمتـه خـد ودمـوع
من صار شوفه شراب الروح ليه آموت عطشان=وليه لا صار زادي لمستـه يذبحنـي الجـوع
غيم الكآبه ملا صـدر الكآبـه هـم وأحـزان=كن السعاده جريمه والفرح والضحـك ممنـوع
اللي نوى البعد يتعامل معي مـا كنـي انسـان=ولا كن لي رمش لا غمض دقيقه قمت مفجـوع
ما عاد لي قلب يتحمل هموم أشكـال والـوان=يملاني الحزن رغم ان السعاده حـق مشـروع
تركت الأوراق فوق الطاوله واقفيـت زعـلان=وصرت أتمتم لحالي ليه حبل الوصل مقطـوع
مشيت لكن على فكره تركـت الكـاس مليـان=خليت ليل العنا كاسة عصير وصمت وشمـوع

تسـلم على الطرح