لك العز والهيبة يالشماغ الاحمر ولن نسمح للوافدين باهانتك

السلام عليكم ورحمة الله وبركاته

على عجاله خط قلمي

كثير ما نشاهد هذا المنظر امامنا من الافارقه والبنقاله في الشوارع وعندما نتوجه لغسيل سياراتنا حيث لا يكاد يخلو جيب واحد منهم من وضع الشماغ فيه وكذلك الحال في البناشر
واحنا ساكتين نطالع ونقول لمع الكفر وجاك بالشماغ وفركه ... لمع القزاز وهذه نادرا مانلاحظها بالجرايد مكتوب عليها بلغة الضاد وايات واحاديث رغم ان االبعض قد افترشها سفرة في البيت قبل ما يطلع ليلمع بها

برضوا مايسلم من عدائنا عليه والتهجم واستبداله بقبعة شارون ... مسكين الشماغ الاحمر كم يلاقي منا وهو القائل مايصون الراس ويفيي عليه الا عمامته

فالشماغ الحمر اهانته ايدي الحاقدين والكراهيه (له ولك ) من الوافدين واحنا ابدينا كرهنا له واستبدلناه فلو تلاحظ ان محلات الشماغ قلت وطغت عليها محلات البنطلونات والكاب والبرنيطه ( ان كان ما خاب ضني في اسمها) وتجد خسايرهم مكبده ولا يعرف زحمة المحل الا بالمناسبات كالاعياد وبداية الدراسة واللي ملتزمين بالشماغ يلبسونه قليلون واغلب القله له سنين ماغيره يعني لو تكب علبة نشا ما فادة فيه

البس شماغك خاصة لما تكون بسن الشباب العشرينات او توك مشرًف على اوائل الثلاثينات وش تسمع من اجابات الشباب ( ماله داعي شرهه البس كول على طول) خلاص ولى زمنها
سبحان الله ماهي سيارة لين يولي زمنها هذا زيك واصالتك ومجدك

مسكين يالشماغ رغم ان لك هيبه وتعطي الرجال مكانته الا انهم رفضوك لانك تفرق بين الرجل والانثى وهو لايريد التفرقه خاصة وااحنا في زمن الكول للبنات والاولاد

رغم انه صنع بالانقليز فله الفخر والعز والصمود لان لو صنعناه لابدينا فيه الخزي والعار وغيرناه بغيره مثل ماهو حاصل بتفصيل الثياب التي اشبه ماتكون بفساتين النساء المكلفه والمطرزه

ياشماغ لا يهمك ما يقال عنك وانك من صنع الانقليز وان اللي وضع لك ماكنه بيننا هو المستشرق شماقر
فمثل ما استحدثك شماقر جاء مية شماقر واوجدوا للعالم كله زي ووضع لهم كزي رسمي فلم يكن هناك جاكيت وكرفته وقمصان ولا بنطلون جينز في الاجيال الماضيات

في الاخير كل من يتهاون بك من الذين انت زيهم وكسائهم سيلبسك غصبن عنه فاتحداه يراجع الامار ة او يتزوج بالشاارونيات بل سيلجأ لك
ونوعدك باننا لن نسمح للعماله الوافده باهانتك
ويكفي انك جيت عالراس

حزنت عليك انت وشماغك قطعتم قلبي 0

لكن صدقت الآن ماتشوف الشماغ إلا نادر وربي ماعاد يلبسه إلا الرجال علشان كذا نشوفه نادر 0
اما اشباه الرجال الحثاله يدورون على السخافه والقبعات المكتوب عليها حروف لكلمات كفر او مجون وشبابنا يلعقون كل ما يرجع الغرب وتفاخرون وهذي عين التخلف والرجعيه 0
نسأل الله لهم الهدايه 0

موفق بإذن الله ... لك مني أجمل تحية .

سلمت وسلمت يمناك
ضاع مع الشماغ القيم والاخلاق والعادات والاصاله
ولكننا مازلنا نأمل بشبابنا الخير ومزيد من التوعيه ومحاربة الموضات الكاذبه بالاصاله والقيم والاخلاق
ارفع لك القبعه هههههعفواً الشماغ تقديرا لك ولموضوعك القيم
بارك الله فيك
تقبل احترامي وتقديري

السلام عليكم ورحمة الله وبركاته
شكرا على مرورك
وعلى طاري القبعات المكتوب عليها عبارات

الاسبوع الماضي انعدم علي ثوبين اثناء العمل وقالوا لي الزملاء البس بنطلون وبدل وقت الميدان ورحت للسوق وتفاجأت ملابس الاولاد عليها تطريز ونقشات وعبارات واحرف ... وتراجعت اشتري ولما خشيت قسم النساء لقيت الفلاين والبدل ساده وبغيت اشتري منها لي انا
ولله العجب صار العكس

الشماغ وما ادراك مالشماغ .. انا والله اني اكره لبسها وكانها شيطان فوق راسي هي وعقالها . واحزن على الشباب الي طوله متر ونص وشماغه مترين ولا يستطيع يلتفت وحركته مقيده مثل الضبع . الشماغ هو شماغ الاباء والاجداد تلفها على راسك تقيك من الشمس وتحتزم بها .. واما غيرها فمضاهر وفشخره لا فائده منها .

اشكر لك طرحك اخي العزيز . وتقبل وجهة نضري ودمت بود

السلام عليكم ورحمة الله وبركاته

ملك الليل سلمت ولا هنت
نديم القوافي احيي وجهة نظرك

اش رايك اخي شخص تطرح موضوع الشماغ للنقاش وطرح ألأراء راح تشوف العجب من الشباب مثل الاخ نديم القوافي تدري ان الرجل اللي رأسه عريان مقرع على قولتهم مايجوز يقف إمام للمصلين فكيف بمن يلبس قبوع متشبه بالغرب

السلام عليكم ورحمة الله وبركاته

الرميصاء كلامك منطقي معقول وقد رفضت اتقدم للصلاه ذات وانا بسن 11 سنه مره لاني كنت ارعى الغنم وتاخرت ورحت المسجد مقرع ولا تقدمت بحجة الافضل ما اكون مقرع وكانت معلومه جديده للشيبان
والحين المساجد اعلب المصلين طيحني
والان والله يا احيانا ادخل مطعم والا مقهى ويكون العمال غير ملتزمين بلبس موحد واني احتار مدري على من انادي

الحين حتى الحيا نزع منهم قبل سنوات كان اللي طالع للديره قبل ما يخش حدود الباحه يوقف وغير ملابسه (شرهه من الناس والشيبه لا يشوفه طرده مع الباب) والحين يجلس معه ويطلع من عنده محزق مطيح وفارق الشعر
طبعا من يلبس مثل هذي الامور يتمايعون مثل البنت ونلاقيهم عند الحلاقين ينعموا ويسنفر والكبابه مهما تغسل فيها تبقى كبابه ما يتغير لونها
اولا : يكفي ان في كل دائره حكوميه تعميم بان المراجع لو ما راجع بزي رسمي يطرد من عند الباب فوراً
ثانيا : البس الزي السعودي وادخل اي مكان حتى لو انها بوفيه وشوف نظرت المجتمع لك كيف تحترمك وتقدرك والعكس صحيح كيف انهم يستحقروك ويسفهوك ولا يعدوك
يا اخي مو لازم تتركها رزه الغتره والشماغ والا وانك تتمايل كما العرفجه .... ولا اقول لفها على راسك وكانك رايح تقلع وتبشر البلاد ..... اكوها واغرقها بالنشاء لين تصير زي الورقه واكشخ بالطرق اللي تبيها تكون فيها انسان مرتب كاشخ بس لا تتظاهر بالنعومه وتتمايل بعمرك

واغلب الكول يحب الرجولي بس مايحب يكون رجال ......... افهموها

السلام عليكم ورحمة الله وبركاته
مدري ليش السعوديين يكرهون ويرفضون زينا الشماغ ويلبسون الشماغ الفلسطيني وغتر الاماراتيين والعومانيين ذيك اللي ملتفه على روسهم

أخي شخص :موضوع رائع تشكر عليه والله يعطيك العافيه...

وردّي المتواضع كالتالي:

بدع عاشق المها

العمامه لبسة الرجل من عهد الجدود

والله ما بدّل شماغي بقباع الخواجه

أنشروها بين شرق البلد وغروبها