الاماره في اجازه

هذه القصيده اخر انتاج علي السبيه الغلبان
ان مريتم مشكورين وان طنشتم مشكورين

الاماره في اجازه والاجازه طوّلت=والامير الوالي اعفى ذمته من منصبه
ميزانيّات المشارع في الجيوب اتحوّلت=يوم موضوع الامانات الحرامي يكتبه
غمّضت عين المراقب والمصالح شوّلت=والمال السايب كثير وكل عينً ترقبه
والوفود الاجنبيه في المداين ضوّلت=ما توفّر كل شي(ن) تسترقه وتنهبه
بين ارجاء البلد في كل حين اتجوّلت=والبنقالي طال دقنه في البلاد وشرّبه
والبنوك الرئيسيه للمقاول موّلت=والمقاول في جنيف مشغول ماله يحسبه
والوسايط والمصالح للحقايق زوّلت=اعطني واعطيك هذا ديدن اهل المرتبه
والمواطن بنت بقعاء فوق راسه ولولت=حاسبوه حتى على زادً ومايً يشربه
واليدين اللي عفيفه للطغاه اتسوّلت=وريس الجمعيه طول الوقت مقفل مكتبه
كم تشوف العين منكر من بلاه اتهولّت=تخرس الافواه وان كان الضماير تندبه