حياك يا الحب الجديد الغالي ! ! !

مما نظمت :
. . .
. .
.
حياك ياالحب الجديد الغالي
حياك يا راعي مقام ٍ عالي
.
حياك تنسيني هموم ٍ زادت
على خفوقي وانهكت لي حالي
.
حليت في قلبي وجبت الراحة
واصبحت بوجودك سعيدْ وسالي
.
اواه من شي ٍ دهاني قبلك
كن الخفوق يشب فيه الصالي

مشتت الافكار ضايع جدا
ولاشكيت لعمْ والا خال ِ
.
والاصدقا مابه صديق ٍ وافي
اقدر افضفض له بما في بالي
.
وان صار في مرة شكيت لواحد
يقول وش تاليه ذا الموال ِ
.
وانته تخيل عاد ضيقة نفسي
في ظل كبتْ وشدةٍ واهوال ِ
.

اخترت صمتي عن كثير الشكوى
يوم ان دريت ان السكوت احلى لي
.
وبعد ما صارت حياتي مُرّة
ولوّن الوقت القديم التالي
.
لفيتني بالسعد يا حيّا بك
ورديت روح اللي غدا تمثال ِ
.
صارت حياتي معْـك والله فلة
معك اهتنيت الزاد والفنجال ِ
.
وصرت اسولف لابغيت اسولف
ومن نبرتي تفهم عليّ طوالي
.
واذا شكيت تحس في شكوايه
وترد باحلى الهرج والاقوال ِ
.
الله يطول يا حبيبي عمرك
ويسلمك يابو كلام حالي
. . .
. .
.
شعر /
راجي الوصل

صح لسانك وجمل الله حالك
مع اطيب تحيه وتقدير

مبدع ياراجي الوصل صح لسانك ملايين

كلمااااات عذبه تسلم يمناااك

صح لسانك ياراجي وصل

قصيدة رائعة بروعة حضورك المدهش عسى الله يوفقك