بغيت آقولها و استحيت

ليست للنشر و غير مقبوله
هي ليست لإحد و إنما لحظيه اتت كما شاءت
عذرا لتوقفكم
مع فائق الود

يا طير ياللي رحل عني و انا ما دريت=وش لون طاوعك قلبك ؟ ليه ما قلت لي ؟
حتى و انا احب غيرك غصب عني طريت=على غصون الغلا في الصدر تمتمت لي
من غير ميعاد صدفه جابك الله وجيت=ذكرى صداها على عرش الغلا تعتلي
صوتك و ريشك و ترنيمك على ما بغيت=ان قالها الله انا ياطير لك و انت لي
ما دآم حانت نهايتنا و انا ما بديت=ليتك بدل تفرد الجنحان لمحت لي
عساني أرتاح من تأنيب هم المبيت=لإن في نظرتك للحب ميقات لي
غرست مخلاب هجرك داخلي و احتريت=تتأكد انك مصيب القلب في مقتلي
يا طير ما دآم انا في الهجر و الوصل ميت=يعني كذا او كذا الله مع المبتلي
ان جيت تسقي عروقي قلت لك ما ارتويت=و ان رحت يبقى خفوقى بالعنا ممتلي
الصدق ذكراك مرت خافقي و اشتهيت=اسمع ترانيم و اتخيلك غنيت لي
لحنك نغم كيف يتراقص معه كل بيت=ما فات مقصود و المضمون في ما تلي
جيتّك غلطه بغيت اقولها و استحيت=و اتقول مرتاح لك لو كان ما ارتحت لي
خلاص هاجر و سلم لي على أهل الكويت=في انتظارك تزف الحظ و البخت لي