مســكيــنه

قريت عنوان لك يابنت مسكينه=واحترت انا ارد لك والا التزم صمتي
حرفي صمت بس كنك امس تدعينه=وقام يحفر بقلبي يوم له قمتي
قريت بين السطور الي تخبينه=عرفت من كاتب الكلمه ومن كنتي
قلبي عليه ارفيقي لا لا تزيدينه=تراه مجروح ما باقي له الا انتي
وش حيلته دام يشكي لك وتدمينه=وايزيد حزنه ورغم الحزن ما لنتي
والشوك بعد البعاد اليوم تهدينه =للي عطاك الغلا وابداخله زنتي
وشفت كن الجفا بيديدك تسقينه= نفسي تقولين لي يابنت وش شفتي
تركتي الي عشانك ساهره عينه=واخترتي البعد مدري ليه ما صنتي
قلبٍ عشانك فني واتلاشت اسنينه=تمر الايام لا شنتي ولا هنتي