اللقافه

البدع:علي السبيه=
.=
كل سوقن فيه بياّعته واشرايته=
وانا مالي عاده ادرج على السوق الزهيد=
واللقافه ما تربّحك ياراع اللقافه=
مثل من يحدا جمالن وهي ماهي بله=
.=
.=
الرد:علي السبيه=
.=
الهيّن مابين جمع العرب وش رايته=
والكريم اللي حفظ شيمته وينزّه ايد=
ياليت الرّميه تقص اليدين اللي لقافه=
لا التقفها كف غاوي وهي ماهي بله=

انا لله انا لله
روايع وحكم ياكفي البلا
صح لسانك ياشيخ مدد بلا عدد

طيب يابو طلال صح لسانك ملايين

ومجار ياعلي ما انت من أهل اللقافة إلاوالله طيب قلبك خلقة سمحان

أبد وانا أخوك ألأعمال بالنيات

يالله سترك ...... كلام كبير

واللقافه مـا تربّحـك يـاراع اللقافـه
مثل من يحدا جمالن وهي ماهـي بلـه
.
صح لسانك يا ابو طلال ملايين بدع ورد فن وهندسه

ياليت الرّميه تقص اليدين اللـي لقافـه
لا التقفها كف غاوي وهي ماهـي بلـه



الله الله
صح لسانك يابو طلال ولاهنت يالمبدع

واللقافه مـا تربّحـك يـاراع اللقافـه

مثل من يحدا جمالن وهي ماهـي بلـه

صح لسانك في هذا الابداع .

يا الله عفوكـ لكن يستاهل راعي اللقافه


صح لسانكـ يا ابو طلال

الله الله ياسبيه معلم وفيلسوف
ودام السالفه لقافه فاسمح لي بهذا التليقاف محاولة هيلوكبتر مع الاف خمسطعش

البدع.........=
الفقير الله له يشمله بعنايته=
لاتحدونه ويمضي من الدرب السديد=
حاجته في ضحكة السن وشوية لطافه=
والغني بدّى الغني يعزمه ويجامله =
الرد.............=
للوزير ارسلت مكتوب باسم عنايته=
ينظر امرالناس ويصدّر اقرارٌ سديد=
ربما الطالب تفوق على استاذه وطافه=
دام يعرف يفرد العلم ثم يجامله=

علي السبيه صح لسانك ملايين ياشيخ...
سمّار مبدع الله يوفقك ويرعاك...