ابن السبيه

يابو طلال الشوق في شّوفتك طـال................... وأنا على حـــلم في النـــوم جـاني
العام كني شفت بالليل رجــــال.................... ســلم عـــلي وبعـدها مــالفـــاني
قلت انت من؟ قال أصبر أوصفلك ( ألحال) ......... وكنه بهرجه والكـــلام أحــتواني
قال البشر غرتهم القيل والـــقال .................. ولمثلهم يـاما طعــــنت بســـناني
لي عند عبادي طـــريق ومنـــزال................... كني ســـراب ومابقيــت بمـــكاني
قلت انت من؟ قــال الملايين والمال ...................ياكم طعنت بظحـكتي من نصـاني
وكم رخيت من البشر شخص حيال................. ويامـا عطيت الـلي بحـبه عـطاني
اجيال راحت ياعلي عقبها اجيـــال ................مايخــــلد المخـلوق والعـمر فــاني
وانا لجمع المــــــــال ماني بميـــال ...............لا صار مثلك عن يميــني كــفاني
احترت قبل اكـتب قصيده ومــــوال ..............فيك الشــعر ماينــكتب في ثـواني
انت القصيد وطيّب الأصــــل والفال ..............واغلى صديق ولو بعــدنا الـــزماني
الجود بيتك والكــــرم عــماً وخــال................وبيــــت سكنـته بالمواجيب بـــاني

ربااااااااااااااااااع الماضي والحااااااااااضر

على القوة

تقبل مروري

ربااااع الماضي والحااااضر

الحين اذا قصيده مثل هذي تكون في قسم الموهوبين

وقسم الشعر النبطي يزخر بهرطقه وكلام فاضي .... وين الخلل ؟؟؟

والله يا هذي القصيده انها عن ثلاث أرباع قصايدنا اللي نتشدق بها في قسم الشعر النبطي
وعن نفسي يعلم الله اني اشوفها عن قصايدي كلها

وهذي قصيده ما يقولها مبتدئ أبداً الا إذا كان قرر أن يبتدئ من قمة الجبل متجهاً الى السحاب

صح لسانك ملايين

وأرجو نقل هذه القصيده الى قسم الشعر النبطي لان ما يكتب هناك يمثل واجهة المنتدى في ذلك القسم

فلو دخل زائر ووجد بعض القصائد هناك لاعتبر ان منتدى رباع هذا مستوى الشعر فيه فلماذا يعود؟؟

اما ان دخل ووجد مثل هذه القصيده فليس له خيار الا أن يعود ليقرأ الاجمل

تقبل مروري ومودتي

صح لسانك يارباع الحاضر والماضي وانا اشهد انه مايكتب
مثل هذه القصيده الا شاعر متمكن ومكانها في منتدى الشعر
النبطي ماهو في المواهب واسمح لي بهذه المجاراه المتواضعه
واعتبرها مجرد اعجاب لانها لن ترقى الى مستوى قصيدتك الرائعه

يامرحبا مليون من صافي البال=ياالشاعر اللي صاغ نضم المعاني
عداد لمع البرق والسيل همّال=غيثه يروّي كل مزرع ولاني
فارس وميدان السبق صاله وجال=بيده رسان اخيولها والعناني
الحلم يتمرّد بليله ويختال=ماله على وجه الحقايق بياني
والفقر مابلّغ للانسان منوال=الفقر ميزانه رخيص وهواني
والمال يبني جال ويعز له جال=لولا البواخر ما بنيّت مواني
كلن وله ميزان والعقل مكيال=وكلن يقل ياليت ربي غناني
المال يرفع شان ويعز الاعمال=ياليت صوته يوم نادى دعاني
مقسومه الارزاق في كل الاحوال=والعافيه والستر خير الاماني
نزلت بين الناس في عز منزال=وابذكر رب الكون يلهج لساني
يامرحبا بك يابطل ضمن الابطال=الى نصاني كل ونعم لقاني
الود والتقدير باقي ولا زال=ياعزوتي واصحابنا والعواني

رباع الماضي والحاضر

علي السبيه


صحت الالسن وتعافت الابدان
ابيات تتلألا في سماء الشعر الاصيل
صغتموها بمهاره واتقان

ماشاء الله ولا قوة الا بالله

تقبلوا مروري ولكم الشكر الجزيل

تحياتي

والله كلام عجيب
رباع الماضي والحاضر
صح لسانك والله كلام رهيب وفقك الله
علي السبيه
مجاراة ابداع المفروض تكسي رباع الحاضر والماضي خل مجاراه هههه
والله انكما الاثنين مبدعين
سجلوا اعجابي بهذه الصفحه كاملها وتقبلوا مروري من هنا

المشاركة الأصلية كتبت بواسطة فهد قزعه

والله كلام عجيب
رباع الماضي والحاضر
صح لسانك والله كلام رهيب وفقك الله
علي السبيه
مجاراة ابداع المفروض تكسي رباع الحاضر والماضي خل مجاراه هههه
والله انكما الاثنين مبدعين
سجلوا اعجابي بهذه الصفحه كاملها وتقبلوا مروري من هنا

وليش هذا الاحراج يافهد ورباع الماضي والحاضر يستاهل
الكسوه والعلم الطيب والف ونعم بك وبه وبكل صبيان المسرى

المشاركة الأصلية كتبت بواسطة لؤلؤة زهران

رباع الماضي والحاضر

علي السبيه


صحت الالسن وتعافت الابدان
ابيات تتلألا في سماء الشعر الاصيل
صغتموها بمهاره واتقان

ماشاء الله ولا قوة الا بالله

تقبلوا مروري ولكم الشكر الجزيل

تحياتي

تسلمين يالؤلؤة زهران وصح بدنك يابنت الاجواد
ونشكر لك مرورك الكريم

اشكر الجميع على المرور والاطراء
واخص بالشكر الشاعر الكبير ابو طلال على هذه الدرر المنثورة ومجاراتك يابو طلال هي الكسوة
واما فهد يبشر بالقصيدة بس يجهز الكسوة الله لايهينه
واود الاعتذار لان احيانا مايتسنى لي الدخول على الاكاديمية فارجو منكم السموحه يالنشامى لو تاخرت بالرد عليكم