يــا طيــر

يا طير لا رفرف جناحك وعليت=فوق الهوى تسبح وحول الغمامه
مر الحبيب الي خد القلب له بيت=قل له ترى خلك يبلغ سلامه
قل له ترا من بعد ما اقفى وقفيت=تعبان واحلامه تهوًل منامه
الصاحب الي كل ما ون ونيت=وان سلهم انشد يا عيوني علامه
والقلب لامنه تكدر ولا جيت=يموت ما بين الحنايا هيامه
قل له الا مني على الدار مريت=تذرف عيوني غصب واذكر غرامه
قل له تراني كل ما ابعدت رديت=للدار ذيك الي بها لك علامه
قل له ترا بعد المعانى ترديت=والقلب صك الباب واعلن صيامه
قل له علامك في مراسيلك ابطيت=الصبر مني مل واعلن خصامه
تكفى يا طير ان داهمك ليل وامسيت=والا توخيت الحذر والسلامه
ترسل لي اخباره مع الريح لا جيت=تنوي المبيت او لا تجيك الملامه
ما عاد فيني صبر يا طير مليت=البعد قطعني وكثًرسهامه

الهمس
شاعرنا المبدع الذي ننتظر ابداعه الشعري بفارغ الصبر
يسعدني ان اكون او من يمر على صفحتك المضيئه واسطر على بياضها حروفي المتواضعه
صح لسانك وعلا شانك
ابيات قمة الذوق اختيار الكلمات والمعنى بمهاره

تقبل مروري
وكل عام وانت بخير وعافيه

مبدع ياالهمس وصح لسانك ملايين

ابداع في رسم المشاعر بالحروف----بس شوشوي على القلوب الخضراء-----صح السانك وتقبل مرورنا

يااااااااااااااهلا بالشعر والابداع

وياااااااااااااااااهلا بالقصيد

جزله من راس شاعر جزل

صح لسانك حتى ترضى

ولك

تحياتي وتقديري

الله حسبك ياشاعر في هذا السمو والابداع
جمال يفوق الوصف صح لسانك وبدنك