زهرة (الفل)ابيات متواضعه آمل أن تلقى قبول لديكم

سلام الله لزهرة فل مصيونه عن القطّاف=ربت في روض ماتزعل وروده من رياحينه
سقاها الغيث من فايض مخيله برقها رفّاف=يعانق غيمها لا شعّ بالانوار في حينه
على ديرة مروّضة الصّعاب إللي بها مصياف=هل الطولات يوم اللأش مشغلته غلايينه
زنود الموت الاحمر والرصاص القاتل الهدّاف=قباسين اشهب البارود إلى حميت ميادينه
سعود الضيف قدام الورق وبطايق الصّراف=وقبل فلان ولد فلان ماتكثر ملايينه
نظيفين النوايا طيب ودماثة خلق واشراف=عريبين المذاهب ولدهم ينشأ موصينه
إلى كبرت فلاهم مآخذين من الحلول أنصاف=عزيزين الجناب الكايد المعدوم مرهينه
امان إللي قضى ليله مجافيه الكرى مختاف=ومن عاندهم أسود وجه وابتسلم شياطينه
موفّين الحقوق إللي نصاهم ماعليه اخلاف=عدوّ الطّامع الغشّاش لو يخلف موازينه
بحور(ن)يوم راعي اللّنش تاه وضيّع المجداف=تولّته القروش وباتوا الاحباب ناعينه
وقلب(ن)مايحبّ أهل الجنوب أرجوا يجيه إتلاف=عسى ربي يوقّف جاري الدّم في شرايينه
وأنا ماني بشاعر لكن اطرب في وجود القاف=أردّد كل بيت أبنيه لين أحكم تلاحينه
وإذا قصّرت ماني بن سرور ولا كما صيّاف=ولا دوّرت لي شاعر ورحت أشري دواوينه
أعبّر كلّما جادت هجوسي قلت لي محراف=وما قد قلت بيت النّاس قدّامي مغنّينه