ليبيا والكذبه الكبرى

ليبيا والكذبه الكبرى .... البرق اللامع

*=
عسى الله لايواخذنا بنيات الردى والشين=وعسى الله يرحم اقلوبا تفطر من مصايبها
ترى الاحداث تكشف ماتغبى لو تقل لي فين=وتظهر نية ابن آدم وتبدي لك غرايبها
نناظر كل مايحدث وكلا يدعي بالدين=ونلقى من عصاة الدين من شبة شبايبها
نشوف القتل والتنكيل مع دمعةعتب بالعين=سؤالا ينطرح يازمرة(ن) سلة حرايبها
نشوف الشايب اللي تاه تفكيره يصدق مين=وطفلا في بداية مرحله ضاعت مشاربها
وعجوزا في نهاية عمر تترقب ليوم الدين=وبنتا تنتظر زفة مع لمة قرايبها
نعيش ايامنا الحلوه ولو مرت ترى بتزين=وتبقى حكمة العاقل على نفسه وواجبها
ترى ان الموت له موعد ولا بيقول لك بعدين=وياكم من عيونا عافت الدنيا ركايبها
بدبابه مع صاروخ والجنزير له صفين=تدوس ارقاب من فكرك يوديها نشايبها
بلا سبه يسيل الدم يالله ترحم المسكين=وتنصر عبدك المظلوم والرايه لناصبها
تجي فتنه ورى فتنه ولاادري كيف جت ومنين=وعسى الله يبعد الاحداث ويطفي لهايبها
ترى الستين نعرفها ولكن جاك عام الفين=لحى ماتنصب الشيمه تبرى من شواربها
علوما خافيه بانت وباقي شي لا هلحين=ولكن العبر تبقى ليا بانت عجايبها
ترى الايام دواره وتبقى بين ذاك وبين=لحودا مظلمه لا هالت العالم ترايبها
معمر لا حشا منته معمر ياغراب البين=اراجوز العرب هتلر مصايبنا ونائبها
ترى الايام بين الناس مقبلها مع المقفين=وندري عن نهايه جاء لها عينا تراقبها
تعيش الماضي الحاضر بخيمه ماركة بكين=مع عالم تناقض حاضره لاجت مضاربها
تواريخا مع الاحداث تكتب جيمها والسين=وشمسا مشرقه ترحل على مبدأ مغاربها
وانا اتذكرك يالمختار واتذكر صلاح الدين=وانا اتذكر رموزا شرفتنا من تجاربها
سيوف الشبا في حزه العسر والا اللين=ولانا ماخذه مولود من عهدا لشايبها
ربو على العز واللي كال مده ياخذه مدين=ومن بيجي لنا بالطيب حلينا كرايبها