شفت مبسمها وما حلى همسته

*
شفت مبسمها وما حلى همسته=
شفت خد الزين عمــــــري لمسته=
رمش عينه فتنته في رمشـــته=
* =
يا بعد عمر عسى عمـــــرك طويل=
*=

أعشقه بالحيل في كل الظروف=
من حلاة الزين ما جاء له وصوف=
خافقي والعين في حبه وقــوف=
=*
في عيوني صورة الحــــب الجميل=
*=

تعجز أبياتي مع كثر الحــروف=
عن هوى غيره ترى قلبــي يعوف=
أسهر أحلامي مع دق الدفــوف=
=*
كل كلمة حــــــــب في وصفك قليل=
*=

يا حبيب الروح يا نجم الســـهر=
مثل حبك ما على بالــــــــي يمــــر=
خذ من أيامي وخذ باقي العمــر=
*=
أنت لي قمراء ولي نجمــــة سهيل=
*=

أنت يا عمري بك الزين اكتمـل=
دنيــــــة الولهان مــــنك ما تمـــــل=
في عذاب الحــــب لجلك نحتمل=
*=
يا حسين العيـــن يا لطرف الكحيل=
*=

تجبر الخاطر بنظرات العيـــون =
أنت تحفـــــه تحتوي كل الفنــــون=
ياغناة الروح والقلب الحنــون=
*=
لا ذكرتك ينبري جرحـــــــي العليل=
*=

نجمة الرحال وغيوم المطـــــر=
زينك الفتان للعاشق خطـــــــــــــر=
أبتدى زينك على قلبي خطـــــر=
*=
ياحلاة الوقــــــــت حولك والمقيل=