%%% (( محاوره إبداعيّه من عالم آخـــر )) %%%

مساء في حُلّه من الأشعار ، عندما قابلت الشاعره / حنين القحطاني في إحدى
المنتديات ألحّت عليّه بإنشاء هذه المحاوره اللتي من قرأها ظنّ أنّها غزلا" وإن
كانت كذلك ولكنّها تحتوي لغزا" لايراه الا فحول الشعراء ، طبعا" قد ساعدتها
في كثير من أبياتها وإن لم تكن في حاجه إلى مساعده .... وقتا" ممتعا" ...ووورد

/

(المبدع)=
*
سلام يأهل الخُبر00 وش عندكم ليّه؟=
من بعد ماجيتكم تقدير وزياره=
مدري تراحيبكم بالضيف مثنيّه=
والا على الباحه أعوّد بطيّاره=
***
(حنين)=
*
أهلا" وسهلا" بها الطّلّه وهالجيّه=
والضيف لازارنا ياكُبـر مقداره=
أهل الكرم والضيافه نارهم حيّه=
والأجودي تخبره ماتنطفي ناره=
***
(المبدع)=
*
يابنت ماكنت أظنّك غير هنديّه=
يا اللي على طرفك المكحـول نظّـاره=
ياخوط ريحان كنّه جال حنذيّه=
ماحوله الا غصون الورد و أزهاره=
***
(حنين)=
*
أحرجتني يوم طوّلت النظـر فيّه=
وأجبرت قلب الحنين إيبوح بأسراره=
إسمك نقشته على الحنّا بياديّه=
ودايري من يمين الكفّ ويساره=
***
(المبـدع)=
*
أشوف نقشتك فوق الكف ياخَيّه=
لكن قلبك وش أوضاعه وش أخباره؟=
التهنئه ذيك في موضوع الألفيّه=
خلّتني أعشق جهاز اللاب والفاره=
***
(حنيـن)=
*
الشوق ماهو علاقة حب سطحيّه=
شف كيف صوب الخُبر وصّلك مشواره=
لو كان تعرف هدف روحي وذاتيّه=
تحلف وتقسم ولا تحتاج كفّاره=
***
(المبدع)=
*
يازيـن لا تسمع العـذّال موليّه=
حاسب على الوقت والأيام دوّاره=
أرحم فــــوادي وكلّمني بحنّيّه=
لايخدعك درهم العاذل وديناره=
***
(حنيـن)=
*
لا لا أبد معظـم الأعمال بالنّيّه=
إيّاك أعني وردّي السمع ياجاره=
هذي قوانين ماتحتاج مطويه=
وأنا على رغبتك مانيب محتاره=
***
(المبدع)=
*
طيّب حبيبي على شاطي البحر هيّه=
علّمني أصطاد في بحرك بسنّاره=
خل العشاء ياالحبيب أسماك محشيّه=
الموج يعزف ويطربني بقيثاره=
***
(حنين)=
*
أقول خلّ البحـر في وقت عصـريّه=
الآن ودي تشوف البيت والحاره=
امّا نذوق الحلا في صحن صينيّه=
والا نطوف الخُبر كلّه بسيّاره=
***
(المبدع)=
*
تسلم حبيبي.. وشايف فرحتـك بيّه=
ماني مسافر وهي ماطاحت الشّاره=
لكن بحْر الخُبر ماعندنا زيّه=
وساحل البحر شَدّ العين بأنواره=
***
(حنين)=
*
طيّب خلاص إعتبر حاجتك مقضيّه=
يالشاعر اللي تموت الناس بأشعاره=
نجلس على البحْر بين الشمس و الفيّه=
والغالي أرخصه لك و أخفّض أسعاره=
***
(المبدع)=
*
حنيـن ياليتنا برّا السعوديّه=
وليت تدري عن المبدع وش أفكاره=
أحسّ كلّ البشر فيهم حزازيّه=
والبعض ودّه عليك يشنّها غاره=
***
(حنين)=
*
خلّك قتالي.. وأنا مثلك قتاليّه=
و الّلي يسولف00 يسولف لعنبوا داره=
الرّيح لا جت شماليّه وغربيّه=
ماتضرب الاّ جنوب الشرق فالقاره=
***
(المبدع)=
*
طيّب00حبيبي وداعيّه وداعيّه=
تذرف عيوني بحور الدمع و أنهاره=
ماريّح الشوووق لا هذي ولا ذيّه=
ولا تساويك لا حوّاء ولا ساره=
***
(حنين)=
*
إلى اللقاء يابعد عمري وعينيّه=
والله يسهّل على المبدع فيَ أسفاره=
ترى العواذل بضاعه دانمركيّه=
لو شوّهوا صورة المبدع وتذكاره=
*****