فراق الزين عذّبني ومنه القلب يقطر دم

فراق الزين عذّبني ومنه القلب يقطر دم=وفكري تاه بالاوهام واعيوني جفاه النوم
والى هز الهوى قلبي على الاضلاع يتحطّم=ويبريه الضّنى الحارق ويشرب كاسه المسموم
وعقد الحب يتناثر وقصر الشوق يتهدّم=وشعري يرثي الاطلال بين البارحه واليوم
حنين الوصل لو يغلب على اللي فارقه يندم=ولا فاد الندم من كان مُرّ الهجر له مقسوم
ودنيا البعد ماتعطف بحال العاشق المغرم=تجي له باالخطر والويل واصناف التعب باالكوم
صحيح ان الهوى غالب ولا كلن منه يسلم=ولا ينجا الذي يلقى من احبابه كدر واهموم
سقى الله يا زمان الوصل والايام تتبّسم=وتحضنّا ليالي الشوق واقمار السماء وانجوم
تيتّم قلبي العاشق وصارت دنيته ميتم=تعزّيه الليالي والمشاعر والقدر محتوم
على شاطئ الامل واقف ولكن الامل معدم=غرق طوق النجاة ولا بقي لهل الهوى من عوم
الا ياضالمين الحب فين احنا وفين انتم=والا ياريشة الرسّام قلبي باالاسى مرسوم
علينا تحكم الايام واقدار النوى تحتم=وياكم في سجون الحب بااسباب الهوى مضلوم
وانا واحلف بربي واغلظ الايمان به واقسم=انا من يوم فارقني حبيبي ماتركني اللوم

((علي السبيه))